Jọsụwa 2:6 - FỊAFỊA BAỊBỤLỤ

⁶ Kụma árị ịn kẹ isun mẹ ọgọnọ arị epein kẹ ọrụtọn ḅara wẹrị wararị anga ḅụ ịn kẹ ḅọị wararị.

Jọsụwa 2:6 Iomraidhean Croise

2 Samụẹlị 11:2

Ene-ogbo ḅọrọ lama tẹ gbọrụ ene ḅụ, Devidi ọ̀ nangwọtẹ ngada ọgọnọ saakị, tẹ amadaḅọ warị isun mẹ ọgọnọ mẹnjịarị ogbo, ọ̀ nwẹnị isun mẹ ọgọnọ sime tẹ ḍiki tẹ minji ḅiriarị gbọrụ ẹrẹḅọ ẹrị, anịsakị ẹrẹḅọ ma iḅi lama wararị

2 Samụẹlị 17:19

Tẹ ẹrẹḅọ ma nwẹnị gbọrụ ye-gbaịnye ọkị tẹ anị finjima suḅe mẹ ḅịḅị gbaịn, tẹ sịnmgbọlụ gala-galama sara anị ọgọnọ; anịsakị anị gbolomaye nimi gbọrụḅọ-sọ ofori.

1 Amadapụ 18:13

Jezibẹlị KỊNỊNYANAḄỌ ḅe ịkịankoroapụ ma ḅaa sakị à mịẹ ye mẹ, anie à wẹrịtẹ KỊNỊNYANAḄỌ ḅe ịkịankoroapụ ma ḅụ kịnị sọnọa si kẹ kịnị amesi oyia apụ finji finji kẹ fukuru ḅio ḅọị tẹ fịye na minji na kẹ in koko ḅara mẹ amụ in ḍuko ị́ pịrị-a mọ, ị̀ nyanaḅọ?

1 Amadapụ 18:4

Jezibẹlị KỊNỊNYANAḄỌ ḅe ịkịankoroapụ ma pẹlẹ-ḅaa sakị, Obadaya ịkịankoroapụ sọnọa si ọkị tẹ kịnị amesi oyia apụ finji finji kẹ gbọrụ fukuru gbọrụ fukuru ḅio ḅọị tẹ fịye na minji na kẹ in kokom.)

2 Amadapụ 11:2

Kụma Jehosẹba, amadaḅọ Joramụ ẹrẹḅọtụḅọ ma, pịkị Ahazaya ịyịmbara ma nwẹnị Johasị Ahazaya owiḅọtụḅọ ḅe dogi-ḅọị ịn ḅaa ḅe mịẹarị amadaḅọ owiapụ-awọmẹ ma ogboku ḅụ. Á nwẹnị ori na ò ḍikiḍikiarị ḅo ma na kẹ mono kala-ḅio ḅụ ḅọị. Mị-ḅara mie á kẹ ọ̀ ḅọị tẹ ini ọ̀ ḅaa-a so yee.

Paka-so 2:2

Ẹrẹḅọ ma nwẹnị sime kọn tẹ gbọrụ owiḅọtụḅọ iyi, á tụḅọ ḅe iḅi lama wararị ḅara ẹrị tẹso, á tẹra akalụ kẹ ọ̀ kẹ ḅọịm.

Jerimaya 36:26

Anịtẹso ọ̀ tọn Jeramili, amadaḅọ tụḅọ ḅe pịrị tẹ Sẹraya, Azarẹlị tụḅọ ḅe na, Selemaya, Abudili tụḅọ ḅe na kẹ ọ̀ ḅụ sụam mịnẹ ini yẹrị na ì ḍiri-kẹẹḅọ Baruku na kun. Kụma KỊNỊNYANAḄỌ ḅe wa kikimam.

Matiyo 24:17

Amịna warị isun ọgọnọ sime ḅọ ḅẹḅẹ, mḅọ koro warị ḅio mu amịna aị ọkị ḅẹ ḅara ḍọkị ma.

Ditẹrọnọmị 22:8

Ọmịnị ịwọ warị nama ḅarị sakị ó tẹịn tẹ warị-anga nama ọmịna geletẹ isun akaka pịrị ḅa, mịẹtẹ ọmịnị ọmbie ḅẹrẹ-ḅarasii ọkị-ḅo ọmịna warị pịrị ḅịa ḅara kịnị anị ọgọnọ ḅịkị tẹ fị-fịị.

Kọlọsị 3:3

Kẹ gotẹ ọkọ ḍukoarị, ọ́ fịị tẹ, anịsakị ọmịna ḍumo mẹ Kịrayịsị na Tamụnọ ḅụ ḅọị wararị.

Hiburu 11:23

Minini mie mịẹtẹ Mozizi ḍa-na-iyingi-na tẹra akalụ kẹ ọ̀ ḅọị ye, ori iyi tẹso. Ini ẹrịm mịnẹ ḍiki-tọrụ ḅụ ori iḅim ḅẹẹ-sakị, ịn ḅarị amadaḅọ ḅe oloko mẹ kan mẹ ḍiki-ḅalafa-a.

Jemụsị 2:25

Anị gbọrụ ḅara mie anị sime Rehabụ, ama-mẹnjị-ẹrẹḅọ ma pịrị ḅara. Á Tamụnọ na kura ḅọ sọm, árị akọrịnama ḅụ, anie arị Izirẹlịapụ kẹ fịrịma tẹ toluma ama mẹ sime-ḅara ḍiki ḅẹ mu apụ ma, da warị suu tẹ pịkị ḅarasụa ịn pịrị tẹ ịn jen etela ḅụ tolu-ḅọrọ so ye mẹ.

Jọsụwa 2:5

ḍin ḅụ ini ogigo-ḅọkọ mẹ gbaịn ḅẹ tẹso, owiapụ ma mẹnjị pakam; ịn mu anga à nimi-a, ọ́ fọnya ịn ḍuka, ọmịnị ịn la ḅa.”

Jọsụwa 2:7

Anieḅụ tomi ma nwẹnị ịn mẹnjị Jodanị muarị etela ḅụ ịn ḍuka mu ala-jụjụ-ḅio ịn ḅụọ kẹ mẹnjị saḅarị minji mẹ la; ịn ḍuka apụ ma paa mẹnjị paka gbọrụ sakị ogigo-ḅọkọ mẹ ịkasịm.

Jọsụwa 2:8

Tẹrẹmẹ furu ḅara kẹ ama ḍiki apụ ma mono, arị isun mẹ ọgọnọ kpọlị iwo in dama ḅom,

Jọsụwa 6:25

Kụma Rehabụ sẹfị-ḅọ ma na, á ḍa warị suku na, tomi tẹ sime á pịrị apụ mamgba na Jọsụwa ịn ḅọrọmam tẹ ịn ḍumo simem; tẹ Izirẹlị ḅụ anga ḅo mịmgba lam gbala arị fịrịmẹnjịapụ ma inima tẹ Jọsụwa fịrịmam mu furu ḅara kẹ Jeriko ḍiki ḅẹẹ apụ ma ḅọịm ẹrẹsị.