Jọsụwa 2:5 - FỊAFỊA BAỊBỤLỤ

⁵ ḍin ḅụ ini ogigo-ḅọkọ mẹ gbaịn ḅẹ tẹso, owiapụ ma mẹnjị pakam; ịn mu anga à nimi-a, ọ́ fọnya ịn ḍuka, ọmịnị ịn la ḅa.”

Jọsụwa 2:5 Iomraidhean Croise

Nehimaya 13:19

Tẹrẹmẹ Ịnyọsara-Ene mẹ la, Jeruselemu Ogigo-aḅọkọ ma saakị furu tẹso, à nwẹnị tọn mịnẹ ini Ogigo-aḅọkọ ma gbaịn, tẹ kuro pịrị mịnẹ arị finji ma nwenii Ịnyọsara-Ene mẹ ḅọrọ. À nwẹnị ị̀ afịrịmẹnjịapụ ḅẹ jen-apụ kẹ Ogigo-aḅọkọ ma ḅụ kuroma, mịẹtẹ Ịnyọsara-Ene mẹ ḅụ in gberie so dogi sọ ḅo ḅịa ḅara.

Ayịzaya 60:11

Eneḅaka na ḍin na ḅụ í onu aḅọkọ ma finji ḅa, Mịẹtẹ sịẹ-sịẹ ma ḅẹ amadapụ ma ịna ngọ ọkị-ḅo ị́ pịrị ḅẹ ḅara.

Jerimaya 50:20

Anị sakị mẹ ḅụ, Izirẹlị ḅụ si paka ḅịa, tẹ si-sịḅịḅio sọ paka ḅịa Juda ḅụ, kẹ gotẹ ọkọ ḍukoarị, à ḍumo fama-a so apụ ma si à wẹrịso ḅa. Yẹrị, KỊNỊNYANAḄỌ ḅe ọkọ ḅẹẹm.”

Izikẹlị 47:12

Okolo mẹ ḅẹ maa akaka ma ḅụ simearị sịn aḅara ḅara mamgba so-paka-paka tẹ fịye pịrị ḅa. Arị ḅẹ ịnyịnya ma gbala-gbala kpatụ ḅịa, tẹ gbala-gbala arị pịkị dasịẹma ḅịa mgbọlụ sụa ḅụ. Akalụ goyegoye arị ịwọ mgbọlụ sụa ḅa, Tamụnọ-warị mẹ ḅio sime tẹ mẹnjị paka-ḅoarị okolo mẹ minji kẹ arị pịrịarị ẹrẹsị. Sịn ma fịye pịrị ḅa, tẹ arịḅẹ ịnyịnya ma ịn nwẹn kẹ kịnị gwọ ḅa.”

Jọsụwa 2:4

Kụma ẹrẹḅọ ma maa owiapụ ọkị tẹ ịn kẹ ḅọịm; tẹ á nwẹnị ḅẹẹ, “Karakara ye ḍuko ḅụ, owiapụ ị̀ ḍọkụma-ḅom, kụma arị ịn sime tẹ ḅo anga nimi-a;

Jọsụwa 2:6

Kụma árị ịn kẹ isun mẹ ọgọnọ arị epein kẹ ọrụtọn ḅara wẹrị wararị anga ḅụ ịn kẹ ḅọị wararị.

Jọsụwa 2:7

Anieḅụ tomi ma nwẹnị ịn mẹnjị Jodanị muarị etela ḅụ ịn ḍuka mu ala-jụjụ-ḅio ịn ḅụọ kẹ mẹnjị saḅarị minji mẹ la; ịn ḍuka apụ ma paa mẹnjị paka gbọrụ sakị ogigo-ḅọkọ mẹ ịkasịm.

Mịẹfinji 21:25

Opu ama mẹ ḅẹ onu aḅọkọ ma finji sara sime ḅa, bebe ene mamgba; gbala-gbala ini arị gbaịn ḅịa, ene ḍin ḅịa ẹrẹsị anịanga ḅụ.

1 Samụẹlị 19:14

Tẹ Sọlụ fịrịmẹnjịapụ fịrịma mu Devidi ọkị ḅẹ tẹso, á nwẹnị ḅẹẹ, “ori oju iḅi-a,”