Jọsụwa 2:3 - FỊAFỊA BAỊBỤLỤ

³ Anịtẹso Jeriko ḅẹ amadaḅọ ḅe nwẹnị fịrịma Rehabụ ḍọkụma-mu, tẹ ḅẹẹm, “Ị́ ḍọkụma-ḅo wararị owiapụ ma ọkị-ḅo, inima tẹ ị́ warị sọ apụ ma; kẹ gotẹ ọkọ ḅẹẹarị, ịn ḅo ama mẹmgba sime-ḅara ḍọkị nimi ḅẹ ḅom.”

Jọsụwa 2:3 Iomraidhean Croise

Suku-saakị 38:24

Tẹra akalụ pembe sakị ḅọrọ tẹso, kịnị nwẹnị ḅo ḍuko Juda pịrị, “Tama í owiḅọtụḅọ ḅe ta ma á saakị sẹfị tẹ, anie sikima á pịkị sẹfị ḅara kẹ sime kọn tẹ.” Tẹ Juda nwẹnị ḅẹẹ, “Ọmịnị á pakama-ḅoo tẹ yee ini á dọkịma.”

Suku-saakị 42:31

Kụma wa ọ̀ ḅẹẹm, ‘Wamịnị anie karakara atomi, wamịnị ama ẹnyẹ-apụ-a.

2 Samụẹlị 10:3

Kụma Amọnị ḅẹ sịḅịdapụ ma nwẹnị ịna nyanaḅọ Hanụnụ ḅẹẹ, “Í ḅiotọn-arị mịnẹ Devidi ḅiokpọma apụ kẹ ị́ fịrịma tẹ ẹrẹsị, ọ̀ kụn kẹ ị́ ḍa pịrịarị, aro? Gbala-gbala! Opu ama mẹ ẹnyẹ, tẹ anị ḍọkị nimi, tẹ anị fama ḅẹ ḅara mie ò gotẹ ori afịrịmẹnjịapụ ma kẹ ị́ fịrịma yee.”

2 Samụẹlị 17:20

Abusalọmụ afịrịmẹnjịapụ warị mẹ ḅio ḅo ẹrẹḅọ ma la tẹso, ịn nwẹnị gbela, “Ayimazi na, Jonatanị na, ịn tọ-anga emi?” Ẹrẹḅọ ma nwẹnị ịn pakịrị, “Ịn mẹnjị kuroro mẹ ḅẹ minji mẹ saḅa-koro tẹ.” Ini in ḍọkịm, tẹ ḅarị inetẹ ịn ḍọkị-ẹrịa tẹso, in pịkịma so Jeruselemu mum.

1 Paka-aị 19:3

Kụma Amọnị ḅẹ sịḅịdapụ ma nwẹnị Hanụnụ ḅẹẹ, “Í ḅiotọn mịnẹ Devidi kẹ ị́ ḍa pịrịarị kụn mie ọ̀ kẹ fịrịma ḅo í ḅiokpọma ḅẹ ḅo ye? Ori afịrịmẹnjịapụ ma ịn ḅo ama mẹ sime-ḅara ḍọkị-nimi tẹ anị fama ḅẹ ḅara kẹ ḅo anị ḍiki ḅẹ ḅo-a.”

Jobu 21:30

mịnẹ si-sịḅịḅio-sụaḅọ ḅe ḅụụ-fụka ene mẹ ḅụ ịn ye wẹrịso ọ̀ pịrịm, mịnẹ ịganị ene mẹ ḅụ ini ọ̀ ḍụa-ḅọrọma tẹ?

Lẹvitikọsị 24:14

“Kobiri-ogbo mẹ ogbo-ḅio ḅụ ori ḅe tẹ ye karị ḅọ ḅe pakama-ḅo tẹ inima tẹ ò ye mẹ karị tẹ naa apụ ma ịna aḅara kẹ ọ̀ sịḅị ọgọnọ gbana, anịsakị yee tomina-ogbo mẹmgba ḍụḅarị kẹ ò gbin ḅaa.

Jọnị 19:4

Payịleti nwẹnị siin paka-mu tẹ tomina-ogbo mẹ ḅẹẹ, “Ó ḍikii, àrị ọ̀ kẹ mịanga ḅo ọ́ pịrị ḅa, ọmịnị sọ ẹrị ḅa mịnẹ àrị inetẹ gbọrụ ḅọkọ sọ ḍọkị ḅo-a, kẹ ḅaa-ḅẹrẹ-ḅarasi pẹlẹ ọ̀ pịrị ḅẹ ye.”

Fịrịmẹnjịapụ 12:4

Ò Pita kun tẹso, ori ọ̀ kẹ ikoli-warị ḅio wẹrị tẹ ọ̀ kẹ inia ọmụapụ ogbo ḅara sụam, gbọrụ ogbo inia ọmụapụ, inia ọmụapụ. Ẹrọdị tọn ḅara, Saḅaḅọrọ-Alalị mẹ fị ḅọrọ tẹ ḅẹḅẹ ori ọ̀ pakama-ḅo tẹ ama-ogbo ḅụ ọ̀ kọn ḅẹ ḅara.

Fịrịmẹnjịapụ 12:6

Finji tẹ Ẹrọdị Pita pakama-ḅo tomi ma pịrị ḅẹ ḍin mẹ ḅụ, ịn maa ikoli kẹ Pita ịkasị tẹ ọ̀ kẹ maa ọmụapụ ogboku monomam, tẹ ikoli-warị mẹ ḅẹ ogigo-ḅọkọ mẹ ḍikiḍikiapụ sọ sime tẹ korum.

Jọsụwa 10:23

Ini ọkọ mịẹm, tẹ fukuru mẹ ḅio sọnọ amadapụ ma anie Jeruselemu ḅẹ amadaḅọ ḅe na, Hẹbụrọnị ḅẹ amadaḅọ ḅe na, Jamutu ḅẹ amadaḅọ ḅe na, Lakisi ḅẹ amadaḅọ ḅe na, Igilọnị ḅẹ amadaḅọ ḅe na ọkị-ḅom.

Jọsụwa 2:2

Ịn nwẹnị anị ḍuko Jeriko ḅẹ amadaḅọ ḅe pịrị: “Ḍikii, Izirẹlịapụ ḅụ tomi ḍin ḅụ mịanga ḅo tẹ ama mẹ sime-ḅara ḍọkị nimi ḅẹ emi.”

Jọsụwa 2:4

Kụma ẹrẹḅọ ma maa owiapụ ọkị tẹ ịn kẹ ḅọịm; tẹ á nwẹnị ḅẹẹ, “Karakara ye ḍuko ḅụ, owiapụ ị̀ ḍọkụma-ḅom, kụma arị ịn sime tẹ ḅo anga nimi-a;

Ḅẹrẹkọn-apụ 4:20

Ọ̀ nwẹnị á ḅẹẹ, “Akpụrụ-warị mẹ ḅọkọ ḅụ sịẹsime, tẹ kịnị ḅo tẹ, ‘mịanga kịnị emi?’ kẹ í gbela-gbela, ḅẹẹ Ẹn-ẹn.”