Jọsụwa 2:2 - FỊAFỊA BAỊBỤLỤ

² Ịn nwẹnị anị ḍuko Jeriko ḅẹ amadaḅọ ḅe pịrị: “Ḍikii, Izirẹlịapụ ḅụ tomi ḍin ḅụ mịanga ḅo tẹ ama mẹ sime-ḅara ḍọkị nimi ḅẹ emi.”

Jọsụwa 2:2 Iomraidhean Croise

Devidi-Anume 127:1

KỊNỊNYANAḄỌ ḅe warị mẹ nama-a ḅẹḅẹ, warị nama apụ ma kọrịnama mẹ papaa faam; KỊNỊNYANAḄỌ ḅe ama mẹ gbaịn-a ḅẹḅẹ, ama-koruapụ ma sịẹsime tẹ koruarị ye mẹ papaa faam.

Egberima-Ẹkwẹn 21:30

Tomina nimi-o, sarasarama ḍawọ ye ḍin-o, ye ḅio sime-ḅara lekiri-o — ma ma arị ḅarasụa ị́ pịrị ḅịa; KỊNỊNYANAḄỌ ḅe ị́ na ofori ḅẹḅẹ.

Ayịzaya 43:13

Yẹrị anie Tamụnọọ, tẹ sakị mamgba ọkọ sime ḅa. Ị̀ kụrọ ḅụ pụkọ-so ḅẹ ḅọ ofori; gbọrụḅọ-sọ inetẹ à mịẹarị ye ḍima ḅịa.”

Danẹlị 4:35

Tomikiri ḅẹ atomi ma, ọ̀ ḅụụ papaa apụ; So-ḅio simearị enjẹlịapụ ma na kiri-ḅio simearị atomi ma na in ò suku-ḅio emii. Gbọrụḅọ-sọ inetẹ ọ̀ tọn ye kan ḅịa anịanịa “tiye ẹrẹsị?” kẹ ọ̀ mịẹarị ye gotẹ ò gbela.

Jọsụwa 2:1

Jọsụwa, Nọnị owiḅọtụḅọ ḅe nwẹnị ḅọị ḅara ḅụ Sitimu ḅụ maa owiapụ kẹ fịrịma furu ḅara kẹ ama ḍiki apụ ḅara ḅụ ḅẹẹarị, “Ó mu ama mẹ ḍikii, jen-a jen-a Jeriko.” Ịn mum, tẹ nwẹnị ḅo gbọrụ sẹfị ẹrẹḅọ in Rehabụ kẹ ẹrẹ kẹ sịn ḅọ ma warị ḅio sọ, tẹ anịjụ sime.

Jọsụwa 2:3

Anịtẹso Jeriko ḅẹ amadaḅọ ḅe nwẹnị fịrịma Rehabụ ḍọkụma-mu, tẹ ḅẹẹm, “Ị́ ḍọkụma-ḅo wararị owiapụ ma ọkị-ḅo, inima tẹ ị́ warị sọ apụ ma; kẹ gotẹ ọkọ ḅẹẹarị, ịn ḅo ama mẹmgba sime-ḅara ḍọkị nimi ḅẹ ḅom.”

Ḅẹrẹkọn-apụ 18:2

Anieḅụ Danị furo-ḅẹ-apụ ma nwẹnị Zora na Ẹsịtahọlị na ḅụ ịna bebe furo mẹ ḅẹ kịẹn-ḅịḅị ḅụ ịnyọ nyana sọnọ apụ fịrịma in mu ama mẹ ẹnyẹ tẹ anị sime-ḅara ḍọkị nimi; tẹ ịn nwẹnị ịn ḅẹẹ, “Ó mu tẹ ama mẹ sime-ḅara ḍikii.” Ịn nwẹnị ḅo Iferemu tụndụ ọgọnọ ḅẹ opu sịẹ mẹ ḅio Mayịka warị la, tẹ anịjụ sime.