Biblia Todo Logo
Bìoball air-loidhne

- Sanasan -




Jọsụwa 2:12 - FỊAFỊA BAỊBỤLỤ

12 Anịẹrẹsị ọ́ mịọkụ KỊNỊNYANAḄỌ ḅe ḅụụ ḅụ ḅụụ-pikima ị̀ pịrị mịnẹ à wẹrịtẹ iḅi-anga kẹ ọmịnị na kọn ḅara ḅụ, ọmịnị sọ ọkọ kẹ iḅi-anga kẹ ị̀ ḍa warị mẹ na kọọn ḅa, tẹ ḅio-maaịn-tọn ḅịa elekima kẹ ị̀ pịrị

Faic an caibideil Dèan lethbhreac




Jọsụwa 2:12
24 Iomraidhean Croise  

ọkọẹrẹsị mịọkụ, mịanga Tamụnọ tọrọkọ ḅụ ye karịị, mịnẹ ị́ oḅori kẹ ị̀ sịn ḅara kẹ yẹrị ḅe, anịanịa ị̀ awọmẹ anịanịa ì furo-ḅẹ-apụ na mịẹ ḅịa, kụma à wẹrịtẹ ị́ kẹ ye-sịn ḅara kẹ ị́ na mịẹ ḅara, ị́ ọkọ kẹ yẹrị ḅe na, ama mẹ tẹ ị́ igoni kẹ bịan anga mẹ na mịẹ ḅa.”


anịsakị arị ị́ mịẹtẹ ị́ KỊNỊNYANAḄỌ ḅe, So na Kiri mẹ na tẹmẹ Tamụnọ ḅe ḅụụ ḅụ ye karị ḅa, mịnẹ, í Kenanị ḅẹ eremịna-awọmẹ inima tẹ arị ogbo-ḅio angarị apụ ma ḅụ ẹrẹḅọ sime ì owiḅọtụḅọ pịrị ḅịa,


Mie ḅụ fịrịmẹnjịḅọ ḅe ọ̀ ḅara kẹ ọ̀ sịḅịdaḅọ Ebira-amụ ḅụọ-ẹtẹnẹ suku-ḅio suu tẹ mị ḅẹrẹ mẹ gbolomaye kẹ ye karịm.


Kụma ye ḅo ị́ na iḅi sakị ị̀ kẹ ḅiokoroma, tẹ iḅi-anga mẹ kẹ ị̀ na kọọn; arị ị́ tẹkẹm, ị́ ẹrẹ go Fero pịrịị, tẹ mị-ḅara ḅụ mị warị mẹ ḅio ori ị̀ pakama-ḅo ḅarị ḅara.


Ọ̀ nwẹnị pịkị sịḅị kụrọma Amadaḅọ Nebukadineza tẹ ọ̀ mịẹ tẹ ọ̀ Tamụnọ ḅụụ ye karị ḅo ḅe pịrị; ori ọ̀ kọngọ kụrọma tẹ ò ḅioḅẹngbọ kụrọma pịkị KỊNỊNYANAḄỌ Izirẹlịapụ tẹkẹarị Tamụnọ ḅe pịrịm.


Kẹ gotẹ ọkọ ḅẹẹarị, à tọ-ḅara kẹ inetẹ ị̀ atomi ma la ḅẹ ḅoarị ḅụụ-fụka mẹ ẹrị tẹ inema ḅẹ? Anịanịa à tọ-ḅara kẹ inetẹ ì furo fịị mẹ ẹrị tẹ anị inema ḅẹ?”


Ó simearị awarị ma ḅụ mị ọmbie mẹ elekima sọ ọ́ pịrị ḅa, anịsakị àrị ọmbie mẹ ẹrị sakị àrị ọ́ saḅa-ḅọrọ ḅa, tẹ gbọrụ fomu-ḅara sọ ḅo ọmịna ọgọnọ gbana tẹ ọ́ ḅaa ḅịa, arị Ijiputi ama mẹ ḅaa ḅarị sakị.


Ịn nwẹnị ịna ḅioḅẹngbọ mẹmgba kẹ ị̀ atomi Tamụnọ-nimi ḅara mẹ ọkị, tẹ in ye karị ḅẹ sakị ḅẹẹ ḅa, ‘KỊNỊNYANAḄỌ ḅe ḍumo wararị ogbo’ anie gbọrụ sakị ḅụ ini ị̀ atomi toluma tẹ in Balị ḅụ karị-karị ḅara mẹ — anị sakị rẹ mie ini ị̀ atomi ma ḅẹ apụ sọ ḅarịye, tẹ pịkị lolo ḅa.


Ọ̀ kẹ dẹrịma ḅọ ḅe gbọrụ elekima kẹ tomina-ogbo mẹ pịrị wẹrị tẹ: “À ḅẹlẹma ḅara ḅụ ekpe kẹ fịnama ḅarị ḅọ ḅẹ anie ò ḅiiarị ḅọ ḅee; ọmịnị ò kun soo, ori ẹbị ḅara ḅụ.”


ịna tẹmẹ ḅioḅẹngbọ pụụn tẹ; in minini kịnị pịrị aị sọ ịn mịẹ mịẹ-a, tẹ ịn pịkị iḅi-yemịẹ-ḅara, anịanịa ọkụrụkụrụ nyana ja atomi pịrị pịrị-a.


Kụma ḅẹḅọ-ḅẹḅọ tẹ mḅọ amịnapụ ḍikiḍiki-a ḅọ, jen-a jen-a mḅọ warị ḅẹ apụ, anị ḅọ mẹ mḅọ mininiye mẹ pịkị tẹ, mḅọ pịkị sii amụ Kịrayịsị minini-a ḅọ nẹngị tẹẹ.


Kẹ gotẹ ọkọ ḍukoarị Tamụnọ ọkụrụkụrụ nyana ḅara kẹ ọkụrụkụrụ nyana kịnị pịrị-a ḅọ kọn ḅịa. Kụma ọkụrụkụrụ mẹ kụrọ tẹịnm Tamụnọ ḅẹrẹkọn ḅụ.


tẹ ị̀ ḍa na, ì iyingi na, ị̀ iyimbere-mịnapụ na, ị̀ mbịra-mịnapụ na, inimgba tẹ sime ịn pịrị apụ mamgba na ḅọrọmaa ịn ḍumo sime, tẹ wamịna aḍumo ḍụa-ḅọrọmaa fịị ḅụ.”


Ḍikii ị́ mị awụ ḍigi mẹ kẹ ikiḅa-ḅọkọ mẹ tẹ ị́ wa koroma toluma ḅo ikiḅa-ḅọkọ mẹ ḅụ kpọọ, wa ḅo ama mẹ ḅio sọ sakị. Anịsakị ị́ ị́ ḍa na, ị́ iyingi na, ị́ iyimbere-amịnapụ na, ị́ iyimbịra-amịnapụ na, ị́ ḍa warị kpo mẹmgba na kobiri ḅo ị́ warị ḅio suu ḅa.


Gbọrụḅọ nwẹnị ị́ warị ḅẹ aḅọkọ ma ḅụ mẹnjị paka mu etela mẹ ḅụ sime-sime, mḅọ ọmbie mḅọ sịḅị ọgọnọ gbana ḅa, tẹ ye ḅarị wamịnị ọlọ ḅịa; kụma ḅara ḅẹḅọ-ḅẹḅọ tẹ ị́nịna warị mẹ ḅio simearị gbọrụḅọ la-laa, mḅọ ọmbie wamịna asịḅị ọgọnọ gbana ḅa.


Jọsụwa nwẹnị maa owiapụ ma tẹ furu ḅara kẹ mu ama mẹ ḍiki apụ ma ḅẹẹ, “Ọ́ sẹfị ẹrẹḅọ ma warị sọ-mu, tẹ ọ́ wẹrịtẹ ḅụụ mẹ pikima á pịrị ḅara anị ḅio ẹrẹḅọ ma na, tomi tẹ sime á piri apụ mamgba na ọkị-ḅoo.”


Jọsụwa nwẹnị inina dein ḅara mịẹ tẹ inina ọḅọkụ fị, ịn wẹrịso tẹ in ḍumo-sime ḅẹ ḅara, tẹ tomina-ogbo mẹ ḅẹ tọrọkọ-tarịapụ ma ḅụụ-pikima ịn pịrịm.


Ama ẹnyẹ-apụ ma mu sakị, ama mẹ ḅio ịn gbọrụ owiḅọ ẹrịm mḅọ mẹnjị paka-ḅoarị, tẹ ịn nwẹnị ọ̀ ḅẹẹ, “Wa ị́ tẹkẹm, mẹnjị ama mẹ ḅio sọ-mu etela mẹ kẹ wa ḍie, anịsakị wa iḅi ḅara kẹ ị́nịna mịẹ ḅa.”


Devidi nwẹnị ò gbela, “Í gbeke ị̀ ọkị tẹ kẹ ideri mị ama gbaịn tẹ fọịn ogbo mẹ ḍọkụma-mu ḅẹ?” Ọ̀ nwẹnị pakịrị, “ḅụụ-pikima ị̀ pịrịị, Tamụnọ ḅụ, mịnẹ ị́ ị̀ ḅaa, anịanịa ị̀ ḅọrọma mu ị̀ sịḅịdaḅọ ḅe aḅara-ḅio suu ḅịa, anịsakị àrị ị́ ọkị tẹ kẹ ideri mị ama gbaịn tẹ fọịn ogbo mẹ ḍọkụma-mu ḅa.”


Lean sinn:

Sanasan


Sanasan