Jọsụwa 2:11 - FỊAFỊA BAỊBỤLỤ

¹¹ Wa anị naa gbọrụ sakị wa ḅarị ḅioḅẹngbọ nyana-a tẹ ó gotẹ ḅiokpọ kalịye gbọrụḅọ ḅụụ so kọn-a; anị kẹ gotẹ ọkọ mịẹarị, KỊNỊNYANAḄỌ ọmịna Tamụnọ ḅe anie ori, oriḅe tẹ So-ḅio ḅẹ ọgọnọ-jụ ḅụ na, suku-ḅio tomikiri ḅụ simearị Tamụnọ.

Jọsụwa 2:11 Iomraidhean Croise

1 Amadapụ 8:60

Anịsakị mị-ḅara ḅụ mie tomikiri ḅẹ opu asịẹ mamgba nimi ḅarịye mịnẹ KỊNỊNYANAḄỌ ḅe ngẹrị anie Tamụnọ — jen tamụnọ ofori.

2 Amadapụ 5:15

Anịtẹso ori na ori na ḅo apụ ma na nwẹnị pịkịma Ịlayịsa ḍọkụma-ḅo tẹ ọ̀ tọrọkọ sịẹsime; tẹ ọ̀ nwẹnị ḅẹẹ, “Mẹkịnẹ à nimim mịnẹ tomikiri mẹmgba ḅụụ Tamụnọ ofori Izirẹlị ḅụ sakị sikima tẹ; ọkọẹrẹsị mịọkụ ị́ fịrịmẹnjịḅọ ḅara ḅụ gbọrụ ḍiepịrịye daa-ọkị.”

Nehimaya 6:16

Wamịnị na fịya-a apụ mamgba anị naa tẹso, wamịnị ikelema-koro wararị opu asịẹ mamgba nwẹnị ḅalafa tẹ ịn soku-ḅẹ gele kuroma ḅụ ḅịkị, gbala ịn kụrọma nimim mịnẹ wamịna Tamụnọ ḅarasụa ḅụ mie mị kọrịnama mẹ kẹ kọrị fama ye.

Ẹsịta 8:17

Itu goyegoye na, opu ama goyegoye na ḅụ Amadaḅọ ḅe tọn ye mẹ na, ori oloko mẹ na ḅo la anga, la anga ḅioḅẹlẹ na, ḍereku na Juu-ḅẹ-apụ ma ogbo ḅio pakam, tẹ in kopini afịaị fị-fị tẹ ịnyọsaram, Tẹ opu sịẹ mẹ ḅẹ tọnwa tomi nwẹnị amịna ḅụụ ḍie-pakama ini Juu-ḅẹ-apụ, anị kẹ gotẹ ọkọ mie ye, Juu-ḅẹ-apụ ma ḍiki-ḅalafa mẹ ḅo ịna ọgọnọ gbana tẹ ẹrẹsị.

Devidi-Anume 102:15

Sịẹ-sịẹ ma KỊNỊNYANAḄỌ ḅe mangịma ḅa; tomikiri ḅẹ amadapụ mamgba ọ̀ kụrọ mangịma ḅa.

Devidi-Anume 22:14

Ịnyọ ị̀ ḅụụ fa fama tẹ, kiri ḅio ọsụ sara minji ọkụ: Ị̀ anda-na-iko-na ḅẹ mgbe mamgba kpọkọrọ-kpọkọrọ tẹ, ì ḅioḅẹngbọ lọkọ tẹ kpootẹ agba sanị ḅara sanịarị.

Devidi-Anume 58:7

Yee ini ideri ḅọrọ-soarị minji kụnụnụ ḅara kụnụnụ, tẹ kịnị ḅarị ini ẹrị ma; Yee in tomi mẹnjị-ḅọrọarị anga paka osuka nanga kọsịma ḅara kẹ kọsị fa.

Devidi-Anume 83:18

Yee in nimi mịnẹ ị́yẹrị kịngẹ anie KỊNỊNYANAḄỌ ḅẹẹ, bebe tomikiri mẹ ḅụ ḅẹ tẹịn ḅẹrẹtọnḅọ.

Paka-so 15:14

Tomi-kụlọkụlọ ma naa tẹ, ini oju sẹkịarị, sịḅịḅio fụkama bẹkẹ akụ ḅo Filisiteniapụ ma kun tẹ.

Paka-so 15:15

Mịọkụ Idọmụ ḅẹ sịḅịdapụ ma ekpe tukutukuarị Mohabụ ḅẹ tọrọkọ-tarịapụ ma oju sẹkị ịn kun-arị; Kenanị ḅẹ apụ mamgba gbọrsịḅị sanị fa tẹẹ.

Ayịzaya 13:7

Ḅẹḅọ-ḅẹḅọ aḅara mḅọ angagbasa ḅụ kpịlasaịma sime ḅa, tẹ ḅẹḅọ-ḅẹḅọ ḅiokpọ sọ so ḅa.

Ayịzaya 19:1

Mie Ijiputi gboloma oku mẹ. KỊNỊNYANAḄỌ ḅe Ijiputi ḅoarị, oḅuto ọgọnọ mie ọ̀ dọkụ ma-ḅoarị sarasara ḅara ḅụ. Ijiputi oru-afụḅara ma oju-sẹkịarị ọ́ tọrọkọ, tẹ Ijiputi-ḅẹ-apụ ma ḅarị ḅiokpọ nyana-a.

Izikẹlị 21:15

Anị ị̀ atomi mịẹ tẹ ịna ḅiokpọ fa tẹ ịn pụmbụarị. Àrị okologie kẹ ịna opu ama mẹ ẹrẹmarị, anie so-ḅalapụ ye kịka tẹ wanama kọrị pakarị tẹ tẹlẹma tẹ kịnị ḅaa ḅẹ ye.

Nahọmụ 2:10

Ịn Ninive ḅaa fama tẹ, tomi anị koroma mangị tẹ, anị fatẹ yọ sọ tẹẹ! Ḅalafa ḅioḅẹngbọ sanịm, ḅụọ-akụkụ sẹkịm, ịnyọ fa tẹẹ, tọrụkuḅu ḅo fọọn ḅịyam.

Ditẹrọnọmị 1:28

Wa iwo tọ anga muarị? Wamịna amịnapụ mịẹ tẹ wamịna aḅioḅẹngbọ sanị tẹẹ. Ịn ḅẹẹm, “tomi ma ịn gburo-gburo na, gele na kẹ wa nẹngị wararị, opu ama ma ḍụḅa ḍụḅa wararị, tẹ ini ọmụ-aị kẹ arị mịẹ kụrọma mu so la wararị; anie sikima, wa anịjụ ḅụ nonji-atomi ma owiapụ ma ẹrị tẹẹ.”

Ditẹrọnọmị 20:8

Fịrịmẹnjị-opuapụ ma ẹkwẹn tọrọkọ mu tomi ma pịrị tẹ ḅẹẹ ḅa: Tụḅọ emi tẹ siye ḅụụ la ḅẹ kuroma nyana tẹ ḅioḅẹngbọ ḅịkị tẹ ḅọ? Yee mḅọ ọḅụ pịkị-so mḅọ warị mu, anieofori mḅọ pembema ḅọ ḅioḅẹngbọ ḅofa mḅọ ḅioḅẹngbọ sanị ḅara sanị.

Ditẹrọnọmị 4:39

Anịẹrẹsị mịmgba ó nimi tẹ kẹ ọmịna ḅioḅẹngbọ ḅụ sụa mịnẹ KỊNỊNYANAḄỌ ḅe anie Tamụnọ ọgọnọ-jụ simearị so mẹ ḅio na, suku-ḅio simearị kiri mẹ ḅio na ḅụ; jụmọ ofori.

Jọsụwa 14:8

Kụma ị̀ amịnapụ tẹ ị̀ ḅụụ sọ tẹ mu apụ ma tomi ma ḅioḅẹngbọ mịẹ tẹ anị sanịm ḅalafa ḅụ; anịsọ à gbọrsịḅị KỊNỊNYANAḄỌ ị̀ Tamụnọ ḅe ḍukamẹnjịm.

Jọsụwa 2:24

Tẹ ịn nwẹnị Jọsụwa ḅẹẹ, “Karakaraye ḍuko, ḅara ḅụ, KỊNỊNYANAḄỌ ḅe ama mamgba kẹ wamịna aḅara-ḅio ḅụ wa pịrị tẹ; anịsakị anie sikima, ama mẹ ḅio simearị apụ mamgba wa gotẹ naịn-ḅọrọarị.”

Jọsụwa 5:1

Amọrayịtị apụ ma amadapụ mamgba tẹ Jodanị ịrụa-ideriarị-anga ḅụ sime-sime apụ ma na, Kenanị ḅẹ apụ ma amadapụ mamgba tẹ opu tọrụ mẹ akaka sime sime apụ ma naam mịnẹ KỊNỊNYANAḄỌ ḅe Jodanị mẹ ḅẹ aminji ma samụnọma Izirẹlị ḅe atomi ma pịrị nwenii ịn saḅa-korom ḅẹ ye ḅụ ịna ḅioḅẹngbọ sanịm ịn ḅarị ḅioḅẹngbọ nyana-a, tẹ tẹmẹ gbọrụmgbọ-sọ ḅarị ịna aḅụụ ofori, Izirẹlị ḅe atomi ma gotẹ.

Jọsụwa 7:5

Ayị ḅẹ owiapụ ma ịna aḅụụ ini apụ ofori kịnị amesi pembe apụ ḅaam, tẹ ogigo-ḅọkọ mẹ tọrọkọ ịn ḍuka mu Sibarimu jụjụ-ḅio lam, tẹ tuuideri anga mẹ ḅụ ịn ḅaam. Tomi ma ḅioḅẹngbọ nwẹnị sanị tẹ minji kịka.

Jọsụwa 9:24

Ịn nwẹnị Jọsụwa pakịrị, “Anị kẹ gotẹ ọkọ mịẹ ye, piki-pikiye-ofori ḅara ḅụ ini anị ḍuko ị́ afịrịmẹnjịapụ pịrịm, mịnẹ, KỊNỊNYANAḄỌ ị́ Tamụnọ ḅe tọn ọ̀ fịrịmẹnjịḅọ Mozizi pịrịm ò bebe ama mẹ kẹ ọ́ piri, tẹ ọmịna tọrọkọ simearị ama mẹ ḅio sime apụ mamgba ḅaa fama; anieḅụ wa nwẹnị wamịna aḍumo gotẹ gburo-gburo ḅara kẹ ó gotẹ ḅalafa lama tẹ miemẹ mịẹm.

Mịẹfinji 6:16

Ịn nwẹnị oloku pakama tẹ tụndụ ma na ịkụ ma na sịn, tẹ ḅẹẹ, “Ọ́ ḅịkị wa ponoma tẹ wa kikimaa, emine mẹ ọgọnọ lẹgị wararị ḅọ ḅe tọrụ ḅụ, pịkị Anana Tụḅọ ḅe ịganị mẹ na ḅụ.