Jọsụwa 2:1 - FỊAFỊA BAỊBỤLỤ

¹ Jọsụwa, Nọnị owiḅọtụḅọ ḅe nwẹnị ḅọị ḅara ḅụ Sitimu ḅụ maa owiapụ kẹ fịrịma furu ḅara kẹ ama ḍiki apụ ḅara ḅụ ḅẹẹarị, “Ó mu ama mẹ ḍikii, jen-a jen-a Jeriko.” Ịn mum, tẹ nwẹnị ḅo gbọrụ sẹfị ẹrẹḅọ in Rehabụ kẹ ẹrẹ kẹ sịn ḅọ ma warị ḅio sọ, tẹ anịjụ sime.

Jọsụwa 2:1 Iomraidhean Croise

Suku-saakị 42:16

Yee ọmịna aḅụụ ḅẹ gbọrụḅọ mu ọmịna iyimbere ḅe ọkị-ḅo, kirikọn-apụ ma ikoli ḅio simearị ogbo; mịẹtẹ ọmịna ẹkwẹn-aḅịḅị ma ḅụ ini ọmịna aḅụụ ḅụ karakara emi ḅoto ḍọkị-nimi ḅẹ ḅara. Anieofori, Fero ḍumo-sime wararị ogbo, tụkụma ḅara ḅụ ọmịnị anie ama ẹnyẹ-apụ.”

Suku-saakị 42:9

Josẹfụ nwẹnị ḍawọ ma tẹ ịna aḅụụ ọ̀ kọn aị ma kẹ ḅiokoroma; tẹ ọ̀ nwẹnị ịn ḅẹẹ, “Ọmịnị anie ama ẹnyẹ-apụ, ó ḅo ama mẹ ịnyọ nyana-a mẹ ḍọkị-nimi ḅẹ ḅom.”

Mayịka 6:5

Yei, ị̀ atomi, Mohabụ ḅẹ amadaḅọ Balakị ọ́ mịẹ ḅẹ tọn ye, tẹ Bẹyọ owiḅọtụḅọ Balamụ ḅe kẹ ọ̀ pakịrị ye ó gbeke kẹ ḅiokoroma? Sitimu ḅụ ọkị mu Giligalị la ḅụ Akasiya ḅẹ Akpụrụ-warị ḅụ paka ye mẹ ó gbeke kẹ ḅiokoroma? Ọ́ mịna aị ma kẹ ḅiokoroma, tẹ ọ́ ḅọrọma gotẹ à kọrị aị ma lekirii.”

Kịẹn-aḅịḅị 13:1

KỊNỊNYANAḄỌ ḅe nwẹnị Mozizi ḅẹẹ,

Kịẹn-aḅịḅị 13:2

“Owiapụ fịrịmaa ịn mu Kenanị ama mẹ ẹnyẹm, tẹ ama mẹ tẹ à kẹ Izirẹlịapụ pịrị ama mẹ ḍikii ịna aḍapụ ma afuro ḅụ furo gbọrụ owiḅọ, gbọrụ owiḅọ ị́ nwẹn fịrịma ḅa, ọrụḅọ-ọrụḅọ mḅọ furo mẹ ḅẹ tọrọkọ-tarịḅọ.”

Kịẹn-aḅịḅị 25:1

Izirẹlị Sitimu ḅụ angarị ogbo tomi ma nwẹnị saakị Mohabụ ḅẹ eremịna-awọmẹ na sẹfị mẹnjị kọn.

Kịẹn-aḅịḅị 33:49

Mohabụ ḅẹ ele ma ḅio, Jodanị mẹ akaka ḅụ Bẹtị-jẹsịmọtị ḅụ ịn saakị akpụrụ-warị pike mu Abẹlị-sitimu jụjụ-ḅio lam.

Matiyo 1:5

Salimọnị anie Bohazi ḍa (ò iyingi ẹrẹ Rehabụ), Bohazi anie Obẹdị ḍa (ò iyingi ẹrẹ Rufu), Obẹdị anie Jese ḍa,

Matiyo 10:16

“Ó pokii! À nwẹn kẹ ọ́ fịrịma pakamarị mẹ, à gbala ḅọrọ ọ́ kẹ anana kun pẹị-pẹị anama ogboku fịrịmarị ọkụ! Ọmịnị ododo aka tii tii ḅara kẹ aka tii tẹ olosịkịya ye kẹ kịnị lama lama-a ḅara mẹ simee, tẹ ye kẹ gbọrụḅọ-sọ lama ma.

Ẹfisọsị 5:5

Ó nimi ḅa mịnẹ owiapụ na ereme na gboloma na-iḅi-a ḅara kẹ gbolomarị apụ, anie ḅụụ sima ḍumo kọn-arị apụ, anịanịa opu pọkọ-ḅẹngbọ sụa apụ, gbọrụ sakị sọ ofori, Tamụnọ na Kịrayịsị na Ama-da tẹ ḅẹrẹtọn-arị anga mẹ ḅụ kiri nyana.

Hiburu 11:31

Minini ḅụ mie Rehabụ, ama-mẹnjị-ẹrẹḅọ ma, ḅọrọ tẹ ḅọrọma tẹ ịn ḅarị árị na Tamụnọ ḅịḅị poki-a apụ ma na kẹ sụa ḅaa-a ye, kẹ gotẹ ọkọ ḍukoarị, Izirẹlị kẹ fịrịma tẹ ama mẹ ẹnyẹ ḅẹ mu apụ ma árị iḅi ḅara kẹ ịn daa-ọkịm.

Jemụsị 2:25

Anị gbọrụ ḅara mie anị sime Rehabụ, ama-mẹnjị-ẹrẹḅọ ma pịrị ḅara. Á Tamụnọ na kura ḅọ sọm, árị akọrịnama ḅụ, anie arị Izirẹlịapụ kẹ fịrịma tẹ toluma ama mẹ sime-ḅara ḍiki ḅẹ mu apụ ma, da warị suu tẹ pịkị ḅarasụa ịn pịrị tẹ ịn jen etela ḅụ tolu-ḅọrọ so ye mẹ.

Jọsụwa 1:18

Ḅẹḅọ-ḅẹḅọ tẹ sịḅị-kụrọma ị́ tọn ye pịrị tẹ ị́ ẹkwẹn-aḅịḅị poki-a ḅọ, poki-a ḅọ ị́ tọn mḅọ pịrị ye goyegoye ḅụ, sime fịị pịrị ḅa. Ị́yẹrị kịngẹ paa kụrọ sịẹ tẹ iḅi ḅiokpọ nyana.”

Jọsụwa 2:2

Ịn nwẹnị anị ḍuko Jeriko ḅẹ amadaḅọ ḅe pịrị: “Ḍikii, Izirẹlịapụ ḅụ tomi ḍin ḅụ mịanga ḅo tẹ ama mẹ sime-ḅara ḍọkị nimi ḅẹ emi.”

Jọsụwa 21:31

Ẹlịkatị na, anị ḅẹ osuka-akiri na kẹ sụa, na Rehobu na, anị ḅẹ osuka-akiri na kẹ sụa — inia opu ama,

Jọsụwa 3:1

Ḅaso ḅio ḅụ Jọsụwa na Izirẹlị ḅẹ atomi mamgba na Sitimu ḅụ saakị mẹnjịm, tẹ ịn nwẹnị ḅo Jodanị mẹ la, tẹ anịjụ sime tẹrẹmẹ ịn saḅa-ḅọrọm.

Jọsụwa 5:10

Izirẹlị ḅẹ atomi ma Giligalị ḅio kobiri sime wararị ogbo ịn Saḅaḅọrọ-Alalị mẹ fịm akalụ mẹ ḅẹ ngei aḍin fa jei eneḅaka, Jeriko ḅẹ ele ma ḅio ḅoḅiri-so ḅụ.

Ḅẹrẹkọn-apụ 1:23

Ịn tomi kẹ fịrịmam ịn mu Bẹtẹlị ẹnyẹ. Tarị tarị Bẹtẹlị ama mẹ anị ẹrẹ Lọzị.

Ḅẹrẹkọn-apụ 18:14

Anịtẹso sọnọa owiapụ ma tẹ mu ama mẹ ẹnyẹ tẹ Lahisi opu sịẹ mẹ sime-ḅara ḍiki ḅẹ mu apụ ma nwẹnị ịna amịnapụ ma ḅẹẹ, “Ó gbeke nimi mịnẹ mịna awarị ma ḅio saratẹ kẹ ye ḅii ḅẹ ḍụḅarị apakịrị na, ḅara kẹ kara kpokobia na, tẹmẹ tẹ ye na emii? Anịẹrẹsị mịọkụ ọmịnị ọ́ mịẹ ḅẹ ye kẹ ḅiokoromaa.”

Ḅẹrẹkọn-apụ 18:17

Sọnọa owiapụ ma tẹ mu ama mẹ ẹnyẹ-apụ ma nwẹnị iwo mu, tẹ ḅara kẹ kara kpokobia mẹ na, ye ḅii ḍụḅarị apakịrị ma na, tẹmẹ wararị kpokobia mẹ na ọkị ọmụ-aị kẹ ḅụụ tẹlẹma wararị kịnị ẹndẹ oyia asi finji ma ogigo-ḅọkọ mẹ ḅẹ mẹnjị-ḅọrọ-anga mẹ ḅụ sịẹsime wararị ogbo.

Ḅẹrẹkọn-apụ 18:2

Anieḅụ Danị furo-ḅẹ-apụ ma nwẹnị Zora na Ẹsịtahọlị na ḅụ ịna bebe furo mẹ ḅẹ kịẹn-ḅịḅị ḅụ ịnyọ nyana sọnọ apụ fịrịma in mu ama mẹ ẹnyẹ tẹ anị sime-ḅara ḍọkị nimi; tẹ ịn nwẹnị ịn ḅẹẹ, “Ó mu tẹ ama mẹ sime-ḅara ḍikii.” Ịn nwẹnị ḅo Iferemu tụndụ ọgọnọ ḅẹ opu sịẹ mẹ ḅio Mayịka warị la, tẹ anịjụ sime.