Jọsụwa 18:3 - FỊAFỊA BAỊBỤLỤ

³ Anieḅụ Jọsụwa nwẹnị Izirẹlịapụ ma ḅẹẹ, “Ó koru mu tọ-sakị la tẹrẹmẹ mu ama mẹ tẹ KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ?

Jọsụwa 18:3 Iomraidhean Croise

Egberima-Ẹkwẹn 10:4

Kọrịnama ḅụ ḅụụ-sarasara-a mịẹ tẹ í igoin ḅa, kụma kụrọma namakọrị mịẹ tẹ ị́ ngọ kọn ḅa.

Egberima-Ẹkwẹn 13:4

Kọrịnama ḅụụ-lọkọ ḍumo kọn-arị ḅọ nyana ḅẹ ḍọkị ye ḍọkị ye sọ, gbala-gbala mḅọ anị nyana ḅịa. Kụrọma kọrịnama-kọrịarịḅọ mẹ mḅọ nyana ḅii-ye ḅii-ye nyana ḅa.

Egberima-Ẹkwẹn 15:19

Ị́ kọrịnama ḅụụ-lọkọ nyana wararị ḅẹḅẹ, í mu anga mu anga ye ị́ ḅụụ-fụkama ḅa, kụma ị́ kịnị mingirima-mingirima-a ḅẹḅẹ, ị́ ḅụụ-fụka nyana ḅịa.

Nimi Tolumaḅọ 9:10

Ị́ ḅara laa tẹ ị́ inetẹ mịẹ ḅẹ ye goyegoye ị́ ịnyọ mẹmgba kẹ anị mịẹ; kẹ gotẹ ọkọ ḅẹẹarị, í muarị ḍuḅu mẹ ḅio kọrị-kọrị kọrịnama, anịanịa kuroma nyana, anịanịa ye ḍawọ ḍịn tẹ anị nimi, anịanịa nimi sọ ofori.

Zẹfanaya 3:16

Anị ene mẹ ḅụ, in Jeruselemu ḅẹẹ ḅa, “Ḅalafa ma, Zayọnị opu ama! Ị́ aḅara kẹ kpọrọkọtọma gbin koroma ma!

Matiyo 20:6

Sakị ḅo ḅoḅiri ḅẹ sọnọ aso la ḅẹ-yearị ogbo, ọ̀ nwẹnị pịkị ogumaḅiri mẹ mu tẹ ja owiapụ ẹrị, ini anịanga sịẹsime wararị. Ọ̀ nwẹnị in gbela, ‘Tiye paka tẹ ọ́ gbọrụ kọrịnama sọ kọrị-a tẹ bebe ene mẹ papaa faarị ḅara?’

Jọnị 6:27

Ọ́ ḅụrụ-ḅụrụ fịye gotẹ kọrịnama kọrị ḅụụ-ḅaa ma, kụma ọ́ kọrịnama kọrị sime mu gbamaso ḍumo laarị fịye mẹ rẹ pịrịị. Miemẹ anie Tomḅọ Tụḅọ ḅe kẹ ọ́ pịrị ḅarị fịye mẹ, gbala Tamụnọ Ḍaḅọ ḅe ọ̀ kọrịnama iḅim ḅẹ elekima kẹ ọ̀ ḅụ sụa tẹ.”

Jọsụwa 1:6

Iḅi ḅiokpọ nyana tẹ kụrọ sịẹẹ; kẹ gotẹ ọkọ ḅẹẹarị, ị́ mịna tomi ma mịẹtẹ ịn mu ama mẹ tẹ à karịm à kẹ ịna aḍapụ ma pịrị ḅẹ ama mẹ ọkị nyana ḅa.

Jọsụwa 13:1

Mịọkụ Jọsụwa omongi tẹ, tẹ tọnwa akụra ọ̀ sịḅị ḅọrọ tẹ; tẹ KỊNỊNYANAḄỌ ḅe nwẹnị ọ̀ ḅẹẹ, “Í omongi tẹ, tẹ tọnwa akụra ị́ sịḅị ḅọrọ tẹ, kụma ḅaka lama wararị kiri tẹ ọkị ḅarịye paa kọn wararị.

Jọsụwa 18:2

Anịanga Izirẹlịapụ ma ogbo-ḅio ḅụ sọnọma afuro simem inima tẹ amụ ịn sime anga tọn pịrị-a apụ.

Jọsụwa 18:4

Furo-furo ḅụ ọ́ tẹra owiapụ, tẹra owiapụ pakama-ḅoo, anịsakị arị ịn fịrịma pakama tẹ ini inetẹ ama mẹ mẹnjị iwo na ideri na ḅa, tẹ kẹ ịna sime anga sọma ḅẹ ḅara kẹ anị sime-ḅara kẹ ḍiri ḅio kẹẹ tẹ anị kẹ ị̀ ḍọkụma-ḅo.

Ḅẹrẹkọn-apụ 18:9

Ịn nwẹnị ḅẹẹ, “Ọ́ saakị tẹ yee wa mu owu kẹ ịn paka; kẹ gotẹ ọkọ ḅẹẹarị, wa ama mẹ ẹrị tẹ, tẹ ḍikii, anị iḅi lamatẹ kiri nyana wararị. Ọ́ mịẹ ḅẹ ye ofori? Ọ́ sakị fama-a ḅara kẹ muu, tẹ sọ-mu tẹ ama mẹ nyana.