Jọsụwa 15:2 - FỊAFỊA BAỊBỤLỤ

² Ịna suku-jụ ḅẹ oke mẹ Fụn Tọrụ mẹ ḅẹ kunoma ḅụ opu ọpọ mẹ tẹ tọrụ kẹ suku-jụ da-mu anga mẹ ḅụ;

Jọsụwa 15:2 Iomraidhean Croise

Suku-saakị 14:3

Mịna apụ mamgba gboloma tẹ Sidimu ḅẹ Tụndụ Ogboku (anie Fụn Tọrụ anịanịa Fịtẹ Opu Tọrụ mẹ) ḅụ ọmụ mẹ gbinm.

Ayịzaya 11:15

KỊNỊNYANAḄỌ ḅe Suwezi ḅẹ Ewere mẹ samụnọma ḅa, tẹ ori ọfịrịarị fẹrụ fiema tẹ anị Yuferetisi tọrụ mẹ samụnọma ḅa, sọnọma ḍọkọḍọkọ okolo kala aị kịngẹ mie ọ̀ kọnma ḅarịye, mịẹ tẹ ḅẹḅọ-ḅẹḅọ inetẹ mẹnjị saḅa ḅẹ ḅara.

Izikẹlị 47:18

Ịrụa-saakịarị-anga mẹ ḅẹ oke mẹ ḅọrọ mu suku-jụ Damasịkọsị kiri na Hawuranị na ogboku ḅiri lam, Jodanị Tọrụ nwẹnị oke mịẹ Izirẹlị kiri tẹ ịrụa-ideriarị-anga da anga na Giliyadi na pịrị, ịrụa-saakịarị-anga ḅụ, ọkị mu Tama la Fịtẹ Opu-tọrụ mẹ akaka.

Izikẹlị 47:8

Ọ̀ nwẹnị ị̀ ḅẹẹ, “Mị minji mẹ mẹnjị tolu-ḅọrọ mu ịrụa-saakịarị-anga mẹ ḅụ Jodanị akaka ideri-mu Fịtẹ Opu Tọrụ mẹ laarị. Anị mẹnjị mu Fịtẹ Opu-tọrụ sọarị sakị anị opu-tọrụ mẹ ḅẹ ala mẹ kiri ọkị tẹ anị ḅuu-minji sọarị.

Kịẹn-aḅịḅị 34:3

Idọmụ pakịrị anga mẹ ḅụ Zini ḅẹ ịkpa ḅụ ọkị mu, ọmịna suku-jụ da pakịrị anga sọ ḅa, anịsakị suku-jụ pakịrị ḅụ ọmịna oke sọ ḅarị anga — ịrụa-saakịarị-anga anga ḅụ Fụn Tọrụ mẹ ḅẹ kunoma;

Jọsụwa 15:1

Ịn kẹ Juda furo-ḅẹ-apụ pịrị ye-yọ mẹ ịna afuro ma wẹrịtẹ sime-ḅara ḅụ suku-jụ da-mu Idọmụ oke mẹ ḅẹ suku-jụ ala-tẹịn anga mẹ ḅụ Zini ịkpa mẹ lam.

Jọsụwa 15:3

anị Akịrabimu ḅẹ kpọlị iwo anga mẹ ḅụ paka-ḅo suku-jụ da-mum tẹ ọkọ wẹrị ḅọrọ mu Zini la, tẹ Kadẹsị-Baniya ḅẹ suku-jụ ḅụ Hẹzịrọnị akaka ḍuka iwo Ada la, vuunma pịkị so Kaka mu;

Jọsụwa 3:16

ọgọnọ-jụ seri ideri-ḅoarị aminji ma nwẹnị ala-jụ ḅụ pẹlẹ tẹ tunduru sime, ịn kẹ Adamụ sịn opu ama tẹ Zarẹtani akaka simearị ye mẹ ḅụ. Anịsakị seri ideri Araba mẹ ḅẹ tọrụ mẹ na, Fụn Tọrụ mẹ na muarị aminji ma nwẹnị gbọrsịḅị pẹlẹ so; tẹ tomi ma Jeriko na dama-dama ḅụ saḅa-korom.