Jọsụwa 14:2 - FỊAFỊA BAỊBỤLỤ

² Ịna sime anga mẹ apịan sụa ḅụ ịn kẹ ịn pịrịm, KỊNỊNYANAḄỌ ḅe eseni afuro ma na, Manasẹ afuro ma kẹ maa anga ḍiya ḅẹ gbọrụ pakịrị mẹ ḅụ wẹrịtẹ tọn Mozizi pịrị tẹ ḅara.

Jọsụwa 14:2 Iomraidhean Croise

Kịẹn-aḅịḅị 34:13

Mozizi nwẹnị tọn Izirẹlịapụ ma pịrị tẹ ḅẹẹ, “Miemẹ anie ama mẹ tẹ apịan sụa ḅụ ọ́ nyana ḅarị ama mẹ tẹ KỊNỊNYANAḄỌ ḅe tọn tẹ kẹ kọn wararị esenia afuro na pakịrị na ma pịrị ḅẹ ama mẹ;

Kịẹn-aḅịḅị 33:54

Ọmịna afuro ma wẹrịtẹ sime-ḅara ḅụ apịan mie ọ́ sụa, sụa tẹ kẹ ama mẹ ḍiya tẹ ḍuu mẹ fị ḅarị ye; ọmịnị opu sime-anga kẹ ḍụḅatẹ furo pịrị ḅa, tẹ pịkị kala sime-anga kẹ kala furo pịrị ḅa apịan mẹ ḅẹ anga, ḅẹ anga ḅụ koro pịrị tẹ anị fị ḅọ, fị ḅọ mḅọ anị nyanam, ọmịna aḍapụ ma afuro ma wẹrịtẹ sime-ḅara mie ọ́ pịkị ḍuu mẹ fị ḅarị ḅara.

Egberima-Ẹkwẹn 16:33

Tomi apịan-sụarị ịn Tamụnọ ḅiiarị ye nimi ḅẹ ḅara; kụma Tamụnọ mie ḅarana ye sime ḅẹ ḅara tọn-arị.

Matiyo 25:34

Anịtẹso Amadaḅọ ḅe ori ama-ḅara anga sime apụ ma ḅẹẹ ḅa, ‘Ó ḅoo, ọmịnị ị̀ Ḍa boma tẹ apụ! Ó ḅọ tẹ tomikiri mẹ bịan tẹmẹ kụra-ḅio ọ̀ tẹlẹma ọ́ pịrị wararị ama mẹ ọkị ọmịna nye sọmaa.

Egberima-Ẹkwẹn 18:18

Maa opu atomi ye-nụnụarị tẹ ḅẹrẹkọn-apụ sọ ḅarị inetẹ kọn pẹlẹ-a ḅẹḅẹ, apịan sụa, anị ḅẹrẹ mẹ pẹlẹ ḅa.

Fịrịmẹnjịapụ 1:26

Anịtẹso ịn nwẹnị maa apụ ma kẹ apịan sụa, tẹ anị nwẹnị Matayasị ọlọ, tẹ ịn nwẹnị ọ̀ kẹ oyi gbọrụḅọ finji ma ḅụ sụa.

Kịẹn-aḅịḅị 34:17

“Mịna ẹrẹ ma anie owiapụ ma tẹ ama mẹ ḍie ọ́ pịrị tẹ ọmịnị anga ḅẹ apụ ma ẹrẹ: Ẹlịyeza, agbamịẹḅọ ḅẹ na, Jọsụwa, Nọnị owiḅọtụḅọ ḅe na,

Jọsụwa 18:6

Anịsakị sọnọma akpo ḅụ mie ọmịnị ama mẹ sime ḅara ḍuko ḅarịye, tẹ anị sime-ḅara mẹ ọkị-ḅo ị̀ pịrị ḅarị ye mịanga, anịsakị á mịanga KỊNỊNYANAḄỌ wamịna Tamụnọ ḅe tọrọkọ apịan sụa-sụa ọ́ pịrị ḅa.

Kịẹn-aḅịḅị 26:52

KỊNỊNYANAḄỌ ḅe nwẹnị Mozizi ḅẹẹ,

Jọsụwa 13:7

Anịẹrẹsị mịọkụ eseni afuro ma na Manasẹ furo mẹ kẹ maa anga ḍie ḅẹ gbọrụ pakịrị mẹ na nyana tẹ sime ḅẹ ḅara kẹ mị kiri mẹ ḍie ịn pịrị.”

Jọsụwa 18:10

Jọsụwa nwẹnị apịan sụa-sụa ịn pịrị Silo, KỊNỊNYANAḄỌ ḅe tọrọkọ ḅụ, anịjụ mie Izirẹlịapụ ma Jọsụwa ọrụḅọ-ọrụḅọ ḍiekiri kẹ ịn pịrị ye.

Izikẹlị 45:1

In kiri mẹ ḍie furo-furo ma pịrịarị sakị, ịn gbọrụ anga wẹrị sikima KỊNỊNYANAḄỌ ḅe pịrị. Anị ḅẹ nangwọ oyi maa kilomita finji na pakịrị na, finji mẹ nwẹnị oyia akilomita (10 km). Bebe kiri mẹ fịafịa-yọ sọ ḅa.