Jọsụwa 13:8 - FỊAFỊA BAỊBỤLỤ

⁸ Manasẹ furo mẹ kẹ maa anga ḍie ḅẹ osi pakịrị mẹ Rubẹnị afuro ma na, Gadi afuro ma na ḅụụ sọ tẹ ịna sime kiri tẹ Mozizi kẹ ịn pịrị anga mẹ ọkịm Jodanị mẹ ọgọnọ-jụ ịrụa-saakịarị-anga da-mu, Mozizi KỊNỊNYANAḄỌ ḅe fịrịmẹnjịḅọ ḅe wẹrịtẹ kẹ ịn pịrị ḅara ḅụ.

Jọsụwa 13:8 Iomraidhean Croise

Kịẹn-aḅịḅị 32:19

Kẹ gotẹ ọkọ ḅẹẹarị, wa ini na Jodanị mẹ ḅẹ osi pakịrị anga mẹ ḅụ ọkị mu ḅụ ḍuu fị gboloma ḅịa; gbala wamịna ḍuu Jodanị mẹ ḅẹ ịrụa-saakịarị-anga ḅụ ḅo wa pịrị tẹ ẹrẹsị.”

Ditẹrọnọmị 3:8

Anị ḅara mie wa kẹ anị sakị mẹ ḅụ Amọrayịtị apụ ma maa amadapụ ma tẹ Jodanị mẹ ọgọnọ-jụ ḅụ sime apụ ma ḅara Anọnị ḅẹ Tụndụ Ogboku mẹ ḅụ ọkị mu Ẹmọnị Tụndụ mẹ la ọkị ḅara.

Jọsụwa 12:1

Mịọkụ mịna amadapụ ma anie Izirẹlịapụ nẹngịma tẹ ịna ama ọkị nyana apụ ma, Jodanị ḅẹ ịrụa-saakịarị-anga anga, Anọnị ḅẹ tụndụ-ogboku mẹ ḅụ ọkị mu Hamọnị ọgọnọ-jụ ḅẹ tụndụ la.

Jọsụwa 12:6

Mozizi KỊNỊNYANAḄỌ ḅe fịrịmẹnjịḅọ ḅe na, Izirẹlịapụ ma na ịn nẹngịmam. Mozizi KỊNỊNYANAḄỌ ḅe fịrịmẹnjịḅọ ḅe nwẹnị ịna ama mẹ kẹ Rubẹnị na, Gadi na, afuro ḅẹ apụ na, Manasẹ furo mẹ kẹ maa anga ḍiya ḅẹ gbọrụ pakịrị ḅe apụ na pịrị ini anị ọkị tẹ anị nyana.

Jọsụwa 13:7

Anịẹrẹsị mịọkụ eseni afuro ma na Manasẹ furo mẹ kẹ maa anga ḍie ḅẹ gbọrụ pakịrị mẹ na nyana tẹ sime ḅẹ ḅara kẹ mị kiri mẹ ḍie ịn pịrị.”

Jọsụwa 13:9

Arowa tẹ Amọnị Tụndụ Ogboku mẹ ḅẹ akaka ḅụ sime ye mẹ na, opu ama ma tẹ tụndụ ogboku mẹ ḅẹ ogboku ḅụ sime ye mẹ na, Medeba ḅẹ ọgọnọ lẹsẹrẹtẹ tụndụ mẹ ḅụ ọkị mu Dibọnị sime jụjụ-ḅio la.

Jọsụwa 22:4

Anịsakị KỊNỊNYANAḄỌ ọmịna Tamụnọ ḅe mịọkụ ịnyọsara kẹ ọmịna amịnapụ ma pịrị tẹ, ọ̀ wẹrịtẹ kẹ ịn karịma ḅara; anịẹrẹsị ọ́ pịkị tẹ so anị ama mẹ tẹ Mozizi, KỊNỊNYANAḄỌ ḅe fịrịmẹnjịḅọ ḅe Jodanị mẹ ḅẹ osi pakịrị anga ḅụ kẹ ọ́ pịrị tẹ ọ́ nyana ye simearị anga mẹ mu.

Jọsụwa 4:12

Rubẹnị owiapụ-awọmẹ ma na, Gadi owiapụ awọmẹ ma na, Manasẹ furo mẹ kẹ maa anga ḍiya ḅẹ gbọrụ anga mẹ na, ọmụ-aị ọlọ tẹ mẹnjị kirikọn-apụ ma tọrọkọ ḅọrọm, Mozizi kẹ ịn ḅẹẹ ḅara ḅụ.

1 Samụẹlị 13:7

jen-apụ Jodanị mẹ ḅẹ kpongbo mịẹ tẹ ḅụọ kẹ mẹnjị saḅa anga ḅụ saḅa-ḅọrọ Gadi na, Gilẹdị na ama mum. Sọlụ paa Giliyadi ḅụ simem, tẹ ori na sime atomi mamgba ori na ḅalafa ḅụ oju sẹkịm.