Jọsụwa 13:6 - FỊAFỊA BAỊBỤLỤ

⁶ tụndụ ọgọnọ ḅẹ opu sịẹ mẹ ḅụ simearị apụ mamgba Lẹbanọnị ḅụ ọkị mu Misirẹfọtimemu la, Sidọnị ḅẹ apụ mamgba sọ. Yẹrị ḅe ḅarana Izirẹlịapụ ma tọrọkọ in dee ḅa. À wẹrịtẹ tọn tẹ ḅara ḅụ, ị́yẹrị paa kiri mẹ ḍie Izirẹlị pịrị ini anị nyana tẹ sime ḅẹ ḅara.

Jọsụwa 13:6 Iomraidhean Croise

Jọsụwa 11:8

KỊNỊNYANAḄỌ ḅe nwẹnị ịn kẹ Izirẹlị ḅara-ḅio ḅụ su, inima tẹ ịn ḅaa, tẹ ịn ḍuka mu gburo-gburotẹ Sayịdọnị na, Misirẹfọtimemu jụjụ-ḅio la tẹ ịn ḅaa, anịsakị ịrụa-saakịarị-anga ḅụ mu Mizipa ḅẹ Tụndụ-Ogboku la, nwenii kpọkpọ gbọrụḅọ-sọ wẹrịso kọnma-a apụ ma.

Jọsụwa 23:13

piki-pikiye-ofori ḅara ḅụ ó nimi mịnẹ KỊNỊNYANAḄỌ ọmịna Tamụnọ ḅe ḅarị ọmịna tọrọkọ ḅụ mịna opu asịẹ ma dee-dee pakama tọrọkọ-tọrọkọ mu ọ́ pịrị ḅịa, kụma ịn ḍiein na, olulu na, kẹ ọmịna agaga ḅụ ó fomu ḅẹ fomuye na ọmịna atọrụngbọ ḅio nangị na sọ-sọ ọ́ pịrị nwenii mị iḅi ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị tẹ ama mẹ ḅụ ọ́ fịị fa fama ḅa.”

Jọsụwa 23:4

Ḍikii, sime anga kẹ ọmịna afuro ma pịrị ḅara ḅụ, mịna opu asịẹ mamgba tẹ sịẹ-sịẹ ma na sime gboloma opu asịẹ tẹ Jodanị mẹ ḅụ ọkị mu ịrụa-ideriarị-anga ḅụ Gburo-gburotẹ Opu Tọrụ mẹ la ḅụ à pẹlẹ-siin tẹ aị ma à nwẹn ḍie kẹ ọ́ pịrị tẹẹ.

Kịẹn-aḅịḅị 33:54

Ọmịna afuro ma wẹrịtẹ sime-ḅara ḅụ apịan mie ọ́ sụa, sụa tẹ kẹ ama mẹ ḍiya tẹ ḍuu mẹ fị ḅarị ye; ọmịnị opu sime-anga kẹ ḍụḅatẹ furo pịrị ḅa, tẹ pịkị kala sime-anga kẹ kala furo pịrị ḅa apịan mẹ ḅẹ anga, ḅẹ anga ḅụ koro pịrị tẹ anị fị ḅọ, fị ḅọ mḅọ anị nyanam, ọmịna aḍapụ ma afuro ma wẹrịtẹ sime-ḅara mie ọ́ pịkị ḍuu mẹ fị ḅarị ḅara.

Jọsụwa 13:7

Anịẹrẹsị mịọkụ eseni afuro ma na Manasẹ furo mẹ kẹ maa anga ḍie ḅẹ gbọrụ pakịrị mẹ na nyana tẹ sime ḅẹ ḅara kẹ mị kiri mẹ ḍie ịn pịrị.”

Devidi-Anume 80:8

Ijiputi ḅụ ị́ gbọrụ girepu sịn soku ḅom; í osi asịẹ ma dee-pakama tẹ anị kẹ ịna amakiri ḅụ ḍiḅim.

Jọsụwa 1:6

Iḅi ḅiokpọ nyana tẹ kụrọ sịẹẹ; kẹ gotẹ ọkọ ḅẹẹarị, ị́ mịna tomi ma mịẹtẹ ịn mu ama mẹ tẹ à karịm à kẹ ịna aḍapụ ma pịrị ḅẹ ama mẹ ọkị nyana ḅa.

Jọsụwa 11:12

Arị amadapụ ma opu ama mamgba na, arịḅẹ amadapụ mamgba na Jọsụwa ini ọkịm, tẹ okologie mẹ kẹ ịkatakirikọn-a-ḅara kẹ ịn ḅaam. Mozizi, KỊNỊNYANAḄỌ ḅe fịrịmẹnjịḅọ ḅe wẹrịtẹ tọn tẹ ḅara.

Jọsụwa 23:5

KỊNỊNYANAḄỌ ọmịna Tamụnọ ḅe ịn sukuruma ọḅụ pịrị ḅa ọmịna tọrọkọ ḅụ, tẹ ọmịna tọrụ-ogbo ḅụ ịn dee pakama ḅa; tẹ KỊNỊNYANAḄỌ ọmịna Tamụnọ ḅe kẹ ọ́ karịma ḅara ḅụ ọmịnị ịna ama mẹ nyana ḅa.