Jọsụwa 13:4 - FỊAFỊA BAỊBỤLỤ

⁴ Kenanị ḅẹ apụ ma kiri mẹmgba na, Mẹhara na tẹ sime Sidọnị ḅẹ apụ ma pịrị ye mẹ na, sime Afẹkị piri ye mẹ na ọkị mu Amọrayịtị apụ ma oke mẹ la,

Jọsụwa 13:4 Iomraidhean Croise

1 Amadapụ 20:26

Kụra mẹ ikelema ḅo kala fẹngụ la tẹso, Bẹnị-hadadị nwẹnị Siriya ḅẹ apụ ma ḍiki ọkị, tẹ so Afẹkị ḅụ Izirẹlịapụ ma na owu sọ ḅẹ mu.

1 Amadapụ 20:30

Kirikọn apụ ma nwẹnị mangị Afẹkị opu ama mẹ ḅio sọ; tẹ ama mẹ ḅẹ onu mẹ nwẹnị ḅịkị tẹ kọn apụ ma ḅụ kịnị tẹra apuku na, sọnọma ẹndẹ na, kịnị oyia asi na (27,000) ḅaa. Bẹnị-hadadị sọ nwẹnị mangị mu opu ama mẹ ḅio gbọrụ kala-ḅio ḅụ sọ

Izikẹlị 16:3

Ḍuko Jeruselemu pịrịị Tẹịn-Ḅẹrẹtọn-Kụrọ-Nyana ḅọ ḅe kẹ á ḅẹẹarị ye: ‘Ị́yẹrị ma Kenanị amakiri ḅụ ini í iyim. Ị́ ḍa Amọrayịtị ḅọ, tẹ í iyingi Itayịti ḅẹ ḅọ.

Emọsị 2:10

Àrị Ijiputi ḅụ ọ́ pakama-ḅom, ọmịna tọrọkọ-sụn tẹ ọ́ kẹ ịkpa ḅio mẹnjị-tolum kụra amesi ḅụ, tẹ Amọnị apụ amakiri mẹ kẹ ọ́ pịrị tẹ anị ọmịna nye sọm.

Jọsụwa 10:40

Anị ḅara mie Jọsụwa kẹ bebe ama mẹ nẹngịma ḅara, tụndụ ọgọnọ ḅẹ opu sịẹ mẹ-o, Kenanị suku-jụ mẹ-o, lẹsẹrẹ kiri ḅụ simearị ama mẹ-o, tuuideri anga ḅụ simearị ama mẹ-o, na arịḅẹ amadapụ mamgba na. Ọ̀ kpọkpọ gbọrụ tomḅọ sọ kọnma-a, kụma KỊNỊNYANAḄỌ Izirẹlịapụ tẹkẹarị Tamụnọ ḅe wẹrịtẹ tọn ḅara mịnẹ ọwụ-sararị ye goyegoye ḅaa ḅẹẹ ḅara ḅụ, ori ịkatakirikọn-a-ḅara kẹ ịn ḅaam.

Jọsụwa 11:3

mu ịrụa-saakịarị-anga na, ịrụa-ideriarị-anga na ḅẹ Kenanị ḅẹ apụ anie Amọrayịtị apụ ma na, Itayịti apụ ma na, Pẹrịzayịtị apụ ma na, Jebusayịtị apụ tụndụ opu sịẹ mẹ ḅio ḅẹ apụ ma na, Mizipa ama mẹ ḅio Amọnị suku-ḅio sime Hivayịtị apụ ma na fịrịma.

Jọsụwa 12:18

Afẹkị ḅẹ amadaḅọ ḅe, gbọrụḅọ; Lasarọnị ḅẹ amadaḅọ ḅe, gbọrụḅọ;

Jọsụwa 19:30

Uma na, Afẹkị na, Rehobu na, anị ḅụ emi — si maa opu ama finji na, arịḅẹ kala-ama ma na kẹ arị ḅụ sụa.

1 Samụẹlị 4:1

Samụwẹlị ẹkwẹn-ḅịḅị mẹ ḅo Izirẹlị mẹmgba lam. Mịọkụ Izirẹlị paka-mu Filisiteniapụ na owu-sọ ḅẹ mum; ini Ebeniza ḅụ akpụrụ-warị pike tẹ kobirim, tẹ Filisiteniapụ ma Afẹkị ḅụ akpụrụ-warị pike tẹ kobirim.