Jọsụwa 13:3 - FỊAFỊA BAỊBỤLỤ

³ Siyọ Tọrụ mẹ tẹ Ijiputi ḅụ ịrụa-saakịarị-anga ḅụ simearị ye mẹ ḅụ ọkị ọgọnọ-jụ da-mu Ẹkịrọnị ḅẹ oke mẹ la; ini anị kẹ Kenanị nye kịẹn wararị; Filisiteniapụ ma ḅẹ sọnọ amadapụ emii: Gaza na, Asịdọdị na, Asịkilọnị na, Gati na, Ẹkịrọnị na ḅẹ amadapụ ma, na suku-jụ ḅụ Avimu ḅẹ apụ ma na.

Jọsụwa 13:3 Iomraidhean Croise

Suku-saakị 10:6

Hamụ owiapụ-awọmẹ ma anie: Kusi na, Ijiputi na, Putu (anie Libiya) na, Kenanị na.

Suku-saakị 15:18

Anị ene mẹ ḅụ, KỊNỊNYANAḄỌ ḅe Ebiramụ na gbọrụ ọḅọkụ fịm tẹ ḅẹẹm, “Mị ama mẹ à kẹ í furo-ḅẹ-apụ pịrịm, Ijiputi ḅẹ tọrụ mẹ ḅụ ọkị mu Opu Tọrụ mẹ la, ọkị mu Yuferetisi tọrụ mẹ la,

1 Amadapụ 8:65

Anịjụ Tẹkẹ-warị mẹ ḅụ, mie Sọlọmọnị na Izirẹlịapụ mamgba na sọnọma ḍin kẹ anịsakị ḅẹ alalị mẹ fị yee. KỊNỊNYANAḄỌ wamịna Tamụnọ ḅẹ tọrọkọ tọnwa-tọnwa ḅẹ atomi ala-jụjụ-ḅio “Mẹnjị-Ḅọrọ Hamatị Mu Anga” mẹ ọgọnọ-jụ ḅụ ideri-ḅo suku-jụ Ijiputi akaka ḅụọ kẹ mẹnjị-ḅọrọarị kuroro mẹ la ḅụ ḅom.

1 Paka-aị 13:5

Anieḅụ Devidi Izirẹlị mẹmgba tẹ Ijiputi ḅẹ Sịẹ Awụ Tọrụ ḅụ ọkị mu Hamatị sọarị anga ḅụ sime apụ kobirim, Kiriyati-jeharimụ ḅụ Tamụnọ Ọḅọkụ-Igbe mẹ ọkị-ḅo gotẹ.

Ayịzaya 23:3

tọrụ saḅa mu Ijiputi ḅụ ḍiḅi pakama-ḅo mbịaka fẹ tẹ dẹrị ḅẹm, pịkị sịẹ, sịẹ mamgba na tuḅokọn ḅẹm.

Jerimaya 2:18

Í kuromarị ị́ nyana ḅẹ sọye tiye í Ijiputi muarị ye mẹ ḅụ, Nayịlị tọrụ ḅẹ minji mẹ ḅuu mụnọọ? Í kuromarị ị́ nyana ḅẹ sọye tiye ị́ Asiriya muarị ye mẹ ḅụ, Yuferetisi tọrụ mẹ ḅẹ minji ḅuu mụnọọ?

Ditẹrọnọmị 2:23

Avimu ḅẹ apụ ma tẹ kala-ama ma ḅio sime mu Gaza jụjụ-ḅio la apụ ma kụma Kafịtọ ḅẹ apụ tẹ Kafịtọ ḅụ ḅo apụ ịn ḅaam, tẹ ịna sime kiri ḅụ simem.)

Jọsụwa 13:13

Anịsọ Izirẹlịapụ ma Gẹsọ ḅẹ apụ ma, anịanịa Mahaka ḅẹ apụ ma dee-a; kụma Gẹsọ na, Maka na Izirẹlị ogbo-ḅio sime ḅo mịmgba lam.

Ḅẹrẹkọn-apụ 16:5

Filisiteni ḅẹ Sịḅịdapụ ma nwẹnị á ḍọkụma-ḅo tẹ á ḅẹẹ, “Ò tolumaa, tẹ ò gburo-gburotẹ ịnyọ mẹ ọ̀ ḅụụ ḅio sime anga ẹrịị, na wa mịẹtẹ inetẹ ọ̀ nẹngịma ḅẹ ḅara na, mịẹtẹ wa inetẹ ọ̀ fịna tẹ ọ̀ mịẹtẹ ọ̀ sịḅị-tuu ḅẹ ḅara; anịsakị wamịna aḅụụ gbọrụḅọ-gbọrụḅọ seleḅa pakịrị maa ẹndẹ jeia si finji finji (1,100) kẹ ị́ pịrị ḅa.”

Ḅẹrẹkọn-apụ 3:3

Ọ̀ kọnma asịẹ ma anie Filisiteniapụ sọnọa ama ma na, Kenanị ḅẹ apụ ma na, Sayịdọnị ḅẹ apụ ma na, Hivayịtị apụ tẹ Lẹbanọnị tụndụ ọgọnọ sime apụ ma na, Balị-hamọni tụndụ ḅụ ọkị mu mẹnjị Hamatị sọarị ḅọkọ mẹ jụjụ-ḅio la.

1 Samụẹlị 5:1

Filisiteniapụ ma Ọḅọkụ-Igbe mẹ kuun-ọkị tẹso, ini Ebeniza ḅụ anị dogi-so Asịdọdị mum;

1 Samụẹlị 5:10

Anieḅụ ịn Tamụnọ Ọḅọkụ-Igbe mẹ kẹ Ẹkịrọnị fịrịmam. Kụma Tamụnọ Ọḅọkụ-Igbe mẹ ḅo tẹso, Ẹkịrọnị ḅẹ apụ ma nwẹnị oloku pakama, “In Izirẹlịapụ tẹkẹarị Tamụnọ ḅe Ọḅọkụ-Igbe kẹ ḅo wa pịrị tẹ kẹ wamịnị na, wamịna atomi na ḅaa ḅẹ ẹrẹsị.”

1 Samụẹlị 5:8

Anieḅụ ịn nwẹnị oku fịrịma Filisiteni ḅẹ sọnọa Sịḅịdapụ mamgba kobiri ḅo gboloma tẹ gbela, “Wa tọ-ḅara kẹ Izirẹlịapụ tẹkẹarị Tamụnọ ḅe Ọḅọkụ-Igbe mẹ na mịẹ ḅẹ?” Ịn nwẹnị pakịrị, “Yee ọmịnị Izirẹlịapụ tẹkẹarị Tamụnọ ḅe Ọḅọkụ-Igbe mẹ kẹ Gati ḅo.” Anieḅụ in Izirẹlị ḅẹ Ọḅọkụ-Igbe mẹ kẹ anịjụ ḅom.

1 Samụẹlị 6:4

Tomi ma nwẹnị gbela, “Wa tiye kẹ ḅẹrẹ-ḅarasii agba mẹ tẹ wa mịẹ pịkịma ọ̀ pịrị ḅẹ ye mẹ mịẹ ḅẹ?” Ịn nwẹnị pakịrị, “Sọnọ agolu-golu apumbulo na, sọnọ agolu-golu ḍọkọḍọkọ ofunguru na, Filisiteni ḅẹ Sịḅịdapụ ma kịẹn-ḅịḅị wẹrịtẹ la ḅara; kẹ gotẹ ọkọ ḅẹẹarị, gbọrụ obi fomu-ḅara mẹ mie ọmịnị-mgba na, ọmịna kịnịnyanapụ ma na ọgọnọ gbana ye.