Jọsụwa 12:3 - FỊAFỊA BAỊBỤLỤ

³ na ịrụa-saakịarị-anga da-mu ḅụ Ịkpa ḅio ḅẹ Ele mẹ ḅụ ọkị mu Kịnẹrọtị Tọrụ mẹ la na. Bẹtị-jẹsịmọtị muarị pakịrị mẹ ḅụ ọkị mu Ịkpa ḅio ḅẹ Ele mẹ ḅẹ Tọrụ anie Fụn Tọrụ mẹ, suku-jụ pakịrị da-mu Pisiga ḅẹ tụndụ ḅụ tuuideri anga mẹ ḅẹ suku la.

Jọsụwa 12:3 Iomraidhean Croise

Suku-saakị 14:3

Mịna apụ mamgba gboloma tẹ Sidimu ḅẹ Tụndụ Ogboku (anie Fụn Tọrụ anịanịa Fịtẹ Opu Tọrụ mẹ) ḅụ ọmụ mẹ gbinm.

Suku-saakị 19:25

tẹ ori opu ama ma na, tụndụ ogboku mẹmgba na, opu ama ma ḅio anga sime apụ mamgba na, kiri mẹ ọgọnọ so-paka aị ma na ḅaa guluguluma fama famam.

1 Amadapụ 15:20

Bẹnị-hadadị nwẹnị Amadaḅọ Asa ḅịḅị poki tẹ nwẹnị ḅẹrẹtọn ori ọmụ-ogbo ma pịrịarị apụ ma fịrịma mu Izirẹlị ḅẹ opu ama ma si anga sịẹ, tẹ ịn nwẹnị Ijọnị na, Danị na, Ebẹlị-bẹtị-mahaka na Kịnẹrẹtị na Nafutali iri ḅụ sime ama mamgba na nẹngịma.

Izikẹlị 25:9

à mịẹ tẹ kịnị owu kẹ bebe amakiri mẹ ḅụ á ḍụa-ḍụa opu ama ma paka ḅa, iḅi tẹịn opu ama ma kịngẹ sọ ḅọrọ ḅịa — Bẹtị-jẹsịmọtị, Balị-mehọni na, Kiriyatahịmu na.

Kịẹn-aḅịḅị 21:20

anịsakị Bamọtị ḅụ ịn mu Mohabụ iri ḅụ simearị tụndụ ogboku mẹ lam, Pisiga Tụndụ sịḅị ọgọnọ tẹ ḍiki ideri ma-mu ịkpa mẹ ọgọnọ laarị pakịrị ḅụ.

Kịẹn-aḅịḅị 34:11

anịsakị Sefamụ ḅụ oke mẹ ideri-mu Ribula la ḅa Eyini ḅụ ịrụa-saakịarị-anga anga ḅụ tẹ oke mẹ ideri-mu Kịnẹrẹtị ḅẹ tọrụ mẹ ḅẹ tuma anga mẹ la ḅa ịrụa-saakịarị-anga anga mẹ ḅụ;

Luku 5:1

Gbọrụ ene ḅụ, ḅụ Jizọsị Gẹnẹsarẹtị tọrụ akaka sịẹ wararị ogbo, tomi jụmọ-jụmọ sukuruma ma-mu ọ̀ lam, ịn Tamụnọ ẹkwẹn mẹ poki ḅẹ ḅara.

Jọnị 6:1

Miemẹ ḅọrọ tẹso, Jizọsị nwẹnị Galili tọrụ mẹ saḅa osi pakịrị anga mu (anị tọrụ mẹ Tayịberiyasị tọrụ sọ ịn kẹ anị sịn sịnm).

Ditẹrọnọmị 3:17

Ịkpa ḅio ḅẹ Ele mẹ na, Jodanị mẹ na sọ kẹ sụa oke mịẹ ḅụ, Kịnẹrẹtị ḅụ ọkị mu Ịkpa ḅio ḅẹ Ele mẹ ḅẹ opu tọrụ Fụn Tọrụ mẹ jụjụ-ḅio la, pịkị ịrụa-saakịarị-anga ḅụ Pisiga Tụndụ mẹ ḅẹ tuma kiri mẹ suku-ḅio la.

Ditẹrọnọmị 4:49

na Jodanị mẹ ḅẹ ịrụa-saakịarị-anga mẹ ḅụ Ịkpa ḅio ḅẹ Ele mẹmgba, ọkị mu Ịkpa ḅio ḅẹ Ele mẹ ḅẹ Opu Tọrụ mẹ sime jụjụ-ḅio la Pisiga Tụndụ ḅẹ tuma kiri mẹ suku-ḅio kẹ sụa.

Jọsụwa 11:2

amadapụ ma tẹ ọgọnọ-jụ ḅẹ tụndụ opu sịẹ mẹ ḅụ sime apụ mamgba na, Kịnẹrọtị suku-jụ ịkpa ḅio ḅẹ ele mẹ ḅio ḅẹ ama ma na, lẹgị kiri ḅụ sime ama ma na, ịrụa-ideriarị-anga ḅụ Nafọtidọ na,

Jọsụwa 13:20

Bẹtị-pẹyọ na, Pisiga ḅẹ tuma anga ma na, Bẹtị-jẹsịmọtị na,

Jọsụwa 15:2

Ịna suku-jụ ḅẹ oke mẹ Fụn Tọrụ mẹ ḅẹ kunoma ḅụ opu ọpọ mẹ tẹ tọrụ kẹ suku-jụ da-mu anga mẹ ḅụ;

Jọsụwa 15:5

Ịrụa-saakịarị-anga ḅẹ oke mẹ anie Fụn Tọrụ mẹ, ọkị mu Jodanị mẹ ḅọkọ la. Anịsakị ọgọnọ-jụ pakịrị ḅẹ oke mẹ Jodanị mẹ ḅọkọ ḅụ opu tọrụ mẹ ḅe opu ọpọ mẹ ḅụ saakịm.

Jọsụwa 3:16

ọgọnọ-jụ seri ideri-ḅoarị aminji ma nwẹnị ala-jụ ḅụ pẹlẹ tẹ tunduru sime, ịn kẹ Adamụ sịn opu ama tẹ Zarẹtani akaka simearị ye mẹ ḅụ. Anịsakị seri ideri Araba mẹ ḅẹ tọrụ mẹ na, Fụn Tọrụ mẹ na muarị aminji ma nwẹnị gbọrsịḅị pẹlẹ so; tẹ tomi ma Jeriko na dama-dama ḅụ saḅa-korom.