Jọsụwa 12:1 - FỊAFỊA BAỊBỤLỤ

¹ Mịọkụ mịna amadapụ ma anie Izirẹlịapụ nẹngịma tẹ ịna ama ọkị nyana apụ ma, Jodanị ḅẹ ịrụa-saakịarị-anga anga, Anọnị ḅẹ tụndụ-ogboku mẹ ḅụ ọkị mu Hamọnị ọgọnọ-jụ ḅẹ tụndụ la.

Jọsụwa 12:1 Iomraidhean Croise

1 Amadapụ 4:19

Geba, Yuri owiḅọtụḅọ ḅe ḍikiḍikiarị kpo anie: Gilẹdị ye-yọ mẹ, ḅọrọtẹ sakị ḅụ Amadaḅọ Siyọnị Amọrayịtị amadaḅọ ḅe na, Amadaḅọ Ogu, Basani ḅe amadaḅọ ḅe sọ ḅẹrẹtọn tẹ anị anga. Mịna oyi maa apụ finji ma sikima, gbọrụ ḅẹrẹtọnḅọ bebe ama mamgba kẹ sịḅị-daam.

Devidi-Anume 133:3

Anị Hamọnị Tụndụ ọgọnọ sararị igirigi na kịkam, anie Zayọnị atụndụ ma ọgọnọ sararị ye mẹ. Anịanga anie KỊNỊNYANAḄỌ ḅe boma minini ori atomi pịrị yee: gbala-gbala kuno kuno-a ḍumo.

Devidi-Anume 136:21

Ori ịna akiri kẹ ori atomi pịrị; ọ̀ ḅẹlẹma sime gbamasom;

Devidi-Anume 89:12

Ị́yẹrị ọgọnọ-jụ mẹ na abajị suku mẹ na tẹmẹm; Tabọ Tụndụ na Hamọnị Tụndụ na ḍereku ḅụ nume-su í bomarị.

Ayịzaya 16:2

Ini Anọnị Tọrụ Akaka ma ḅụ sime tẹ koru tẹ mu ḅẹ anga nimi-a apụ ḅara kẹ mẹnjị iwo-na-ideri-naarị, tẹ feni-warị ḅio dee-pakama tẹ afeni kịkarị.

Kịẹn-aḅịḅị 21:13

Anịjụ ḅụ in saakị mẹnjịm, tẹ mu Anọnị Tọrụ saḅa-anga ḅụ akpụrụ-warị pike tẹ kobirim anịjụ mẹ tẹ ịkpa mẹ ḅio Amọrayịtị apụ oke mẹ ḅụ finjima mu wararị anga mẹ; Anọnị Tọrụ mẹ anie Mohabụ oke Amọrayịtị apụ ma na Mohabụ na ogboku ḅụ.

Kịẹn-aḅịḅị 21:21

Anịtẹso Izirẹlị oku-mẹnjịapụ fịrịma Siyọnị, Amọrayịtị apụ ma amadaḅọ ḅe dama-mum, mịnẹ ịn ọ̀ ḅẹẹ,

Kịẹn-aḅịḅị 21:24

Tẹ Izirẹlị nwẹnị okologie mẹ kẹ ọ̀ ḅaa, tẹ nwẹnị ori ama Anọnị mẹ ḅụ saakị mu Jabọkụ la, mu Amọrayịtị apụ ma sime ala-jụ la ọkị nyana. Jabọkụ anie Amọnị ḅe apụ ma oke mịẹ sime anga.

Kịẹn-aḅịḅị 32:19

Kẹ gotẹ ọkọ ḅẹẹarị, wa ini na Jodanị mẹ ḅẹ osi pakịrị anga mẹ ḅụ ọkị mu ḅụ ḍuu fị gboloma ḅịa; gbala wamịna ḍuu Jodanị mẹ ḅẹ ịrụa-saakịarị-anga ḅụ ḅo wa pịrị tẹ ẹrẹsị.”

Kịẹn-aḅịḅị 32:32

KỊNỊNYANAḄỌ ḅe tọrọkọ ḅụ wa ḅụụ tẹlẹma ọmụ pịrị ḅara kẹ saḅa-ḅọrọ Kenanị ḅẹ ama mẹ ḅio sọ-mu ḅa, tẹ wa nyana ḅẹ sime-anga mẹ paa wamịnị na anị sime-ḅara sime ḅa Jodanị mẹ saḅa anga ḅụ.”

Kịẹn-aḅịḅị 32:33

Mozizi nwẹnị Siyọnị, Amọrayịtị apụ ma amadaḅọ ḅe ama-da iri mẹ na, Ogu, Basani ḅẹ amadaḅọ ḅe ama-da iri mẹ na, arị ḅẹ opu ama ma na, kala-ama ma na, bebe opu asịẹ ma ikelema-koro kẹ Gadi owiapụ-awọmẹ na, Rubẹnị owiapụ-awọmẹ na, Josẹfụ owiḅọtụḅọ Manasẹ furo mẹ kẹ maa anga ḍiya ḅẹ gbọrụ anga na pịrị.

Ditẹrọnọmị 2:24

Ọ́ saakịị, tẹ ọmịna mẹnjị kọntẹ Anọnị mẹ ḅẹ Tụndụ Ogboku mẹ mẹnjị saḅaa; ḍikii, à Siyọnị Amọrayịtị ḅọ Ẹsịbọnị ḅẹ amadaḅọ ḅe na ori ama na kẹ ọmịna ḅara-ḅio ḅụ ọ́ pịrị tẹ, ọ́ saakị owu kẹ ọ̀ pakaa tẹ anị ọkị nyana-a.

Ditẹrọnọmị 2:32

Anịtẹso Siyọnị nwẹnị Jehazi ḅụ owu kẹ wa paka ḅẹ ḅom, ori na, ori atomi mamgba na,

Ditẹrọnọmị 3:1

Anịtẹso wa nwẹnị vuunma pịkị tẹ Basani mu etela mẹ da-mu; tẹ Ogu Basani ḅẹ amadaḅọ ḅe nwẹnị Ẹdẹrẹyi ḅụ owu kẹ wa paka ḅẹ ḅo, ori na ori na ori atomi mamgba na.

Ditẹrọnọmị 4:44

Mie Oloko mẹ tẹ Mozizi kẹ Izirẹlị ḅẹ awọmẹ ma pịrị ye mẹ.

Ditẹrọnọmị 4:46

Jodanị mẹ ọgọnọ-jụ Bẹtị-pẹyọ na dama-dama tụndụ ogboku mẹ ḅụ Siyọnị Amọrayịtị apụ ma amadaḅọ ḅe tẹ Ẹsịbọnị ḅụ sime ḅọ ḅe ama mẹ ḅio oriḅe tẹ Mozizi na Izirẹlị ḅẹ awọmẹ ma na ḅụụ ḅụ owu-ḅara-iḅi nyana ḅọ ḅe, ini Ijiputi ḅẹ ama mẹ ḅio paka-ḅo sakị.

Ditẹrọnọmị 4:48

Arowa tẹ Anọnị ḅẹ Tụndụ Ogboku mẹ ḅẹ agara mẹ ḅụ simearị ye mẹ ḅụ ọkị mu Siriyọnị Tụndụ (anie pịkị Hamọnị Tụndụ) jụjụ-ḅio la,

Jọsụwa 1:15

nwenii KỊNỊNYANAḄỌ ḅe ịnyọsara kẹ ọmịna amịnapụ na ọmịnị na pịrị ḅa, anịsakị ịn nwẹnị pịkị anị ama mẹ tẹ KỊNỊNYANAḄỌ ḅe kẹ ịn pịrịarị ama mẹ nyana ḅa; anịtẹrẹmẹ mie ọ́ pịkịma ọ́ nyana ama mẹ ḅo tẹ anị nyana ḅarịye, ama mẹ tẹ Mozizi KỊNỊNYANAḄỌ ḅe fịrịmẹnjịḅọ ḅe Jodanị saḅa-koro ḅụ kẹ ọ́ pịrị ama mẹ ịrụa-saakịarị-anga mẹ da mu anga ḅụ.”

Jọsụwa 11:17

Halakị Tụndụ tẹ saakị-gelema Seya da-mu wararị tụndụ ḅụ ọkị mu Beligadị jụjụ-ḅio, Amọnị tụndụ suku, Lẹbanọnị ḅẹ tụndụ-ogboku mẹ ḅio la. Ori ịna amadapụ mamgba ọkịm, tẹ ịn fomu tẹ ịn ḅaam.

Jọsụwa 11:3

mu ịrụa-saakịarị-anga na, ịrụa-ideriarị-anga na ḅẹ Kenanị ḅẹ apụ anie Amọrayịtị apụ ma na, Itayịti apụ ma na, Pẹrịzayịtị apụ ma na, Jebusayịtị apụ tụndụ opu sịẹ mẹ ḅio ḅẹ apụ ma na, Mizipa ama mẹ ḅio Amọnị suku-ḅio sime Hivayịtị apụ ma na fịrịma.

Jọsụwa 13:8

Manasẹ furo mẹ kẹ maa anga ḍie ḅẹ osi pakịrị mẹ Rubẹnị afuro ma na, Gadi afuro ma na ḅụụ sọ tẹ ịna sime kiri tẹ Mozizi kẹ ịn pịrị anga mẹ ọkịm Jodanị mẹ ọgọnọ-jụ ịrụa-saakịarị-anga da-mu, Mozizi KỊNỊNYANAḄỌ ḅe fịrịmẹnjịḅọ ḅe wẹrịtẹ kẹ ịn pịrị ḅara ḅụ.

Jọsụwa 22:4

Anịsakị KỊNỊNYANAḄỌ ọmịna Tamụnọ ḅe mịọkụ ịnyọsara kẹ ọmịna amịnapụ ma pịrị tẹ, ọ̀ wẹrịtẹ kẹ ịn karịma ḅara; anịẹrẹsị ọ́ pịkị tẹ so anị ama mẹ tẹ Mozizi, KỊNỊNYANAḄỌ ḅe fịrịmẹnjịḅọ ḅe Jodanị mẹ ḅẹ osi pakịrị anga ḅụ kẹ ọ́ pịrị tẹ ọ́ nyana ye simearị anga mẹ mu.

Ḅẹrẹkọn-apụ 11:18

Anịtẹso ini ịkpa mẹ mẹnjị-tolum, tẹ mẹnjị Idọmụ ḅẹ ama mẹ na, Mohabụ ḅẹ ama mẹ na ikelema-koro tẹ ḅo Mohabụ ḅẹ ama mẹ ḅẹ ịrụa-saakịarị-anga mẹ ḅụ Amọnị mẹ ḅẹ osi pakịrị anga mẹ lam, tẹ akpụrụ-warị pike tẹ simem; kụma ịn mẹnjị Mohabụ ye-yọ sọ-mu-a, kẹ gotẹ ọkọ ḅẹẹarị, Anọnị mẹ anie Mohabụ oke.