Jọsụwa 11:6 - FỊAFỊA BAỊBỤLỤ

⁶ KỊNỊNYANAḄỌ ḅe nwẹnị Jọsụwa ḅẹẹ, “Ịn ḍiki ḅalafa ma, kẹ gotẹ ọkọ ḅẹẹarị, ḅaa mị sakị ḅụ, fịtẹ apụ ḅara ḅụ arị inimgba saḅama Izirẹlị pịrị ḅa. Ḅụọ-kụkụ ḅụ ị́ ịna asụ ma ọḅụjụ ḅẹ aḅụọ ma pẹlẹ ḅa, tẹ fịnị kẹ ịna kirimẹnjị-ọmụarụ ma dọkịma ḅa.”

Jọsụwa 11:6 Iomraidhean Croise

2 Samụẹlị 8:4

Devidi ọ̀ ḅara ḅụ asụ-dọkụ-ọmụapụ kịnị inia ẹndẹ sọnọa si finji (1,700) na, ḅụọ kẹ mẹnjịarị ọmụgbin-apụ kịnị maa apuku, oyi ẹndẹ finji (20,000) na ọkịm; tẹ Devidi nwẹnị kirimẹnjị-ọmụarụ ma ḅẹ asụ mamgba aḅụọ pẹlẹ-pẹlẹ-siin fama, kụma nwẹnị kirimẹnjị-ọmụarụ sọnọa si na-iḅi ḅẹ asụ kọnma.

2 Amadapụ 6:16

Ịlayịsa nwẹnị pakịrị, “Ḅalafa ma, wamịnị na simearị apụ ini na emi apụ nẹngịm.”

2 Paka-aị 20:16

Ḅaa ḅụ ọmịnị ideri-mu owu kẹ in pakaa; ḍikii, in Zizi ḅẹ kpọlị iwo anga mẹ ḅụ ḅo ḅa; ọmịnị in ḍọkị-ẹrị ḅarị anga anie tụndụ ogboku mẹ ḅẹ kunoma, Jẹrịyẹlị ịkpa mẹ ḅẹ ịrụa-saakịarị-anga ḅụ.

Devidi-Anume 46:10

Ọ̀ ḅẹẹarị, “Ọ́ ḅarị ọmụ gbin ma, tẹ nimi mịnẹ yẹrị Tamụnọ; sịẹ-sịẹ ma ogboku yẹrị tẹịnḅọ, tomikiri mẹ kana-koro ḅụ yẹrị tẹịnḅọ.”

Devidi-Anume 46:11

Kụrọmamgba nyana KỊNỊNYANAḄỌ ḅe wamịnị na emi; Jekọbụ Tamụnọ ḅe anie wamịna ḅụụ-ḅọị-yọ.

Devidi-Anume 46:9

Bebe tomikiri mẹ kana-koro ḅụ ori ọmụ pẹlẹ-pẹlẹ-pẹlẹarị; Ori iboli ma anyịmarị, ḅẹkẹrẹ ma gulugulumarị, pịkị ekpeke ma kẹ fịnị ḅio dọkịmarị.

Egberima-Ẹkwẹn 20:7

Kịnị mingirima-a, pịkị kuraye mịẹarị ḍaḅọ nyana awọmẹ ma ini iḅi fụḅara sụam.

Ayịzaya 30:16

Anie nakara, ó kuromarị ye fọnya mangịarị asụ ọgọnọ ọmịnị na fịya-a apụ ḅụ mangị-so; anịsakị ọmịnị na fịya-a apụ ḅụ mangị-so mẹ ó kuraye mịẹm — mangị-so mẹ anie ọ́ mịẹ na-iḅi yee! Ó kuromam ọmịna asụ ma iḅiọkụ mangịarị, kụma ó ḍukarị apụ ma sarama mangị ọ́ nẹngị ḅa.

Ayịzaya 31:1

Ḅarasụa gotẹ Ijiputi muarị apụ ma ịn fa tẹ! Ijiputi nyana wararị ḅakatẹ ọmụgbin aị ma ḅụ mie ịn sịrẹrẹarị — asụ ma na, kirimẹnjị-ọmụarụ ma na, ọmụapụ na, kụma ịn KỊNỊNYANAḄỌ ḅe ḅụ sịrẹrẹ-a, Izirẹlị tẹkẹarị Fịafịa Ḅọ ḅe, anịanịa ọ̀ ḅara ḅarasụa ḅii.

Izikẹlị 39:9

Izirẹlị opu ama ma ḅio angarị apụ ma paka mu kịnị koroma mangị-so owuna-aị kolokolo mu fịnị tọnọ ḅa. Ịna ekpeke amẹẹ na, iboli amẹẹ na, ḍiein amẹẹ na, ḅẹkẹrẹ amẹẹ na, mgbele amẹẹ na kẹ fịnị sụkama ḅa, tẹ arị fa ḅịa sọnọma kụra la ḅa.

Hosiya 14:3

Gbala-gbala Asiriya inetẹ wa ḅọrọma ḅịa, tẹ ọmụgbin-asụ inetẹ wa gbaịn ḅọrọma ḅịa. Wa ḅarị jen kẹ wamịna oru-afụḅara ma ḅẹẹ ḅịa mịnẹ arị wamịna Tamụnọọ. Yei KỊNỊNYANAḄỌ, ọkụrụkụrụ nyana jen ịn dama-mu tẹ ḅarasụa nyana ḅẹ anga ofori apụ pịrịarị ḅọ.”

Nahọmụ 2:13

Ḍikii arị ị́ da-paka tẹ, ye mamgba nyana KỊNỊNYANAḄỌ ḅe ọkọ ḅẹẹm, anịsakị à fịnị kẹ í kirimẹnjị-ọmụarụ ma dọkịma tẹ onwin turee-tureema so ḅa, tẹ okologie mẹ ị́ asambịrịma ọkụkụ ma ḅaa guluguluma ḅa; tomikiri ḅụ arị í kun-kun pẹịarị aị ma pẹlẹ-siin ḅa, tẹ kịnị ḅarị jen-maaịn kẹ ị́ fịrịmẹnjịapụ pọkọ mẹ naa ḅịa.

Ditẹrọnọmị 7:16

Tomi-kụlọkụlọ tẹ KỊNỊNYANAḄỌ ọmịna Tamụnọ ḅe saḅama ọ́ pịrị ḅarị apụ goyegoye ọmịnị ịn ḅaa ḅa, ọmịnị ịn ḍiki sịḅị-jịrị ma, ọ́ pịkị fịrịmẹnjị ịna oru-atamụnọ pịrị ma, kẹ gotẹ ọkọ ḅẹẹarị, aniemẹ ḍiein sọ ọ́ pịrị ḅa.

Jọsụwa 10:8

KỊNỊNYANAḄỌ ḅe nwẹnị Jọsụwa ḅẹẹ, “Ịn ḍiki ḅalafa ma, kẹ gotẹ ọkọ ḅẹẹarị, àrị ịn kẹ ị́ ḅara-ḅio ḅụ ị́ pịrị tẹẹ; ịna aḅụụ gbọrụ owiḅọ sọ ị́ tọrọkọ ḅụ sịẹsime ḅịa.”

Jọsụwa 11:5

Mịna amadapụ mamgba ịna ọmụgbin-apụ ma na gbolomatẹ ḅo Izirẹlị na owu sọ ḅẹ gotẹ Mẹrọmụ ḅẹ aminji ma akaka ḅụ gbolomatẹ simem.

Jọsụwa 11:7

Anieḅụ Jọsụwa owu-akọnịapụ mamgba ọ̀ ḅụụ sọ tẹ bẹkẹ-ḅara-kẹ ḅo owu kẹ ịn pakam Mẹrọmụ ḅẹ aminji ma akaka ḅụ.

Jọsụwa 11:9

KỊNỊNYANAḄỌ ḅe kẹ Jọsụwa ḅẹẹ ḅara mie ọ̀ mịẹ ḅara, ọ̀ ḅụọ-kụkụ ḅụ ịna asụ ma ọḅụjụ ḅẹ aḅụọ ma pẹlẹm, tẹ fịnị kẹ ịna kirimẹnjị-ọmụarụ ma dọkịmam.

Jọsụwa 3:5

Tẹ Jọsụwa nwẹnị tomi ma ḅẹẹ, “Ọmịnị ọmịna aḅụụ mịẹ fịafịama, kẹ gotẹ ọkọ ḅẹẹarị, ḅaa ḅụ KỊNỊNYANAḄỌ ḅe ọmịna ogboku ḅụụ-gbiripuma ye mịẹ ḅa.”

Ḅẹrẹkọn-apụ 20:28

anịsakị Finihasi, Ẹlịyeza owiḅọtụḅọ pịkị Erọnị taa-owiḅọtụḅọ ḅe anie anị tọrọkọ sime tẹ fịrịmẹnjịarị tẹ ḅẹẹm, “Anịsọ wa paa siin mu wamịna amịnapụ Benijamịnị furo-ḅẹ-apụ ma na owu sọ ḅarị mọ, anịanịa wa anị dasịẹma?” KỊNỊNYANAḄỌ ḅe nwẹnị pakịrị, “Ọmịnị iwo muu; kẹ gotẹ ọkọ ḅẹẹarị, ḅaa arị ịn kẹ ọmịna ḅara ḅio ḅụ ọ́ pịrị ḅa.”

Ḅẹrẹkọn-apụ 7:9

Anị gbọrụ ḍin mẹ ḅụ KỊNỊNYANAḄỌ ḅe nwẹnị ọ̀ ḅẹẹ, “Saakịị, tẹ ideri-mu owu kẹ akpụrụ-warị mẹ pakaa; kẹ gotẹ ọkọ ḅẹẹarị, arị anị kẹ ị́ ḅara-ḅio ḅụ ị́ pịrị tẹ.

1 Samụẹlị 11:9

In nwẹnị oku-mẹnjịapụ ma tẹ oku mẹ kẹ ḅo apụ ma ḅẹẹ, “Mị-ḅara mie ọ̀ kẹ Jabẹsị-giliyadị ḅẹ apụ ma ḅẹẹ ḅarị ḅara, ‘ḅaa ḅụ ịrụa mẹ ọfịrị ḅẹ sakị, ọ́ ḍụa-ḅọrọmaḅọ nyana ḅa.’ ” Oku-mẹnjịapụ ma ḅo ḍuko Jabẹsị ḅẹ apụ ma pịrị tẹso, in nwẹnị ḅioḅẹlẹ.