Jọsụwa 11:4 - FỊAFỊA BAỊBỤLỤ

⁴ Ịn nwẹnị ịna ọmụapụ ogbo-ogbo mamgba kẹ paka-ḅo, gburo-gburotẹ ọmụ-ogbo, kịẹn-ḅịḅị ḅụ onwi tẹ tọrụ akaka ḅụ simearị ye mẹ pembe ḅara, tọnwa-tọnwa ḅẹ Asụ na, kirimẹnjị-ọmụarụ na inina emi.

Jọsụwa 11:4 Iomraidhean Croise

Suku-saakị 22:17

piki-pikiye-ofori ḅara ḅụ arị í boma ḅa, à mịẹtẹ í furo-ḅẹ-apụ So-ḅio ḅẹ alolia ma na, onwi ma tẹ tọrụ akaka ḅẹ mịmọ mẹ ọgọnọ simearị aị ma sara ḅara kama ḅa. Anịsakị í furo-ḅẹ-apụ ini na fịya-a apụ ma ogigo mẹ ọkị nyana ḅa,

Suku-saakị 32:12

Kụma ị́yẹrị mie ḅẹẹ ye, ‘Àrị iḅi kẹ ị́ mịẹ ḅa, tẹ mịẹtẹ í furo-ḅẹ-apụ tọrụ-minji ḅẹ onwi mẹ tẹ kịnị inetẹ kịẹn ḅịa ye mẹ sime-ḅara sime inweni-ogbo sọ ḅa.’ ”

2 Samụẹlị 17:11

Kụma ị̀ datụkụma nimi ẹkwẹn anie, Danị ḅụ ọkị mu Biyasẹba la, Izirẹlị mẹmgba, tomina-ogbo ḅụ mịmọ ọgọnọ ḅẹ onwi sime-ḅara sime apụ ma kobiri ị́ ḍọkụma-ḅo, tẹ ị́yẹrị nwẹnị ḅarana owu mẹ mu.

1 Amadapụ 4:20

Mịmọ ọgọnọ ḅụ onwimgbọlị ma sara ḅara mie Juda na Izirẹlị na ḅụ tomi ḅin ḅara: ịn fịye fịịm, ịn pịkị ḅuum, tẹ nwẹnị ḅioḅẹlẹ.

Devidi-Anume 20:8

Ọkọ sime apụ ma ịn pụmbụ tẹ ḅịkị ḅa, kụma wamịnị wa saakị tẹ sịẹ-kụrọ ḅa.

Jọsụwa 11:5

Mịna amadapụ mamgba ịna ọmụgbin-apụ ma na gbolomatẹ ḅo Izirẹlị na owu sọ ḅẹ gotẹ Mẹrọmụ ḅẹ aminji ma akaka ḅụ gbolomatẹ simem.

Ḅẹrẹkọn-apụ 7:12

Anịsakị Midiyanị ḅẹ apụ ma na, Amalẹkị ḅẹ apụ ma na, Ịrụa-saakịarị-anga ḅẹ apụ mamgba na nwẹnị tomina-ogbo ḅara kẹ igurube sara ḅara kẹ tụndụ ogboku mẹ ḅụ ḅin ma-mu wararị; ịna ike-sụa-anama ma ogbo mẹ onwi tẹ tọrụ akaka ḅụ sara wararị onwin sime-ḅara, gbala kịẹnkịẹn-ọkụ-ofori ḅara.

1 Samụẹlị 13:5

Filisiteniapụ ma nwẹnị Izirẹlị na owu sọ ḅẹ kirimẹnjị-ọmụarụ tẹra puku, jeia ẹndẹ finji (30,000) tẹlẹma, asụ-dọkụ-ọmụapụ kịnị jeia ẹndẹ (6,000) na pekele-ḍiki tẹ sẹlẹ-ọkị, ḅụọ kẹ mẹnjị ọmụgbin-apụ itu kụma mịmọ ọgọnọ ḅẹ onwi sara ḅara saratẹ inweni-ogbo sẹlẹ-ọkị; in nwẹnị iwo Mikimasi dama-mu, anie Bẹtị-aveni ḅẹ ịrụa-saakịarị-anga mẹ, tẹ akpụrụ-warị pike tẹ kobiri.