Jọsụwa 11:3 - FỊAFỊA BAỊBỤLỤ

³ mu ịrụa-saakịarị-anga na, ịrụa-ideriarị-anga na ḅẹ Kenanị ḅẹ apụ anie Amọrayịtị apụ ma na, Itayịti apụ ma na, Pẹrịzayịtị apụ ma na, Jebusayịtị apụ tụndụ opu sịẹ mẹ ḅio ḅẹ apụ ma na, Mizipa ama mẹ ḅio Amọnị suku-ḅio sime Hivayịtị apụ ma na fịrịma.

Jọsụwa 11:3 Iomraidhean Croise

Suku-saakị 31:49

Ọ̀ nwẹnị ḅeriye mẹ sịn Mizipa, gbala ori mẹẹ, “KỊNỊNYANAḄỌ ḅe tọrụngbọ ị́yẹrị na yẹrị na ogboku simee, wa jụmọ-jụmọ ḅụụ ḅele wararị sakị ḅụ.

2 Samụẹlị 24:16

Enjẹlị ḅe Jeruselemu fama ḅẹ tẹ ọ̀ ḅara sụn-pakama anị daa tẹso, KỊNỊNYANAḄỌ ḅe nwẹnị siye mẹ wẹrịso tẹ anị ḅụ pịkị, tẹ enjẹlị ḅe tẹ tomi ma ogbo-ḅio kịnị ḅaa kọrịnama mẹ kọrịarịḅọ ḅe ḅẹẹ, “Iḅi tẹ, mịọkụ ị́ ḅara kẹ ị́ ḅụụ wẹrịị.” Anịsakị KỊNỊNYANAḄỌ ḅe enjẹlị ḅe Arahụna, Jebusayịtị ḅọ ḅe mgbọlụ sẹlẹ kiri ḅụ emi.

2 Samụẹlị 24:7

Anịtẹso ịn ḅo Taya ḅẹ ini ọmụ gotẹ nama kụrọma opu ama mẹ na, Hivayịtị apụ na, Kenanị ḅẹ apụ na opu ama mamgba lam; tẹ ịn paka-so Juda suku-jụ ḅẹ Biyasẹba mum.

1 Amadapụ 15:22

Anịtẹso Amadaḅọ Asa nwẹnị gbọrụḅọ-sọ sikima-a ḅara kẹ kpo-kpo gbolo Juda ḅụ sime apụ mamgba pịrị, tẹ ịn nwẹnị Rama ḅụ sime aḍụḅarị ma na anị ḅẹ opu asịn-ḅiri ma na dogi siin arị aị ma tẹ Basa kẹ nama sime aị ma. Amadaḅọ Asa nwẹnị arị ọkị tẹ kẹ Benijamịnị ye-yọ ḅụ Geba opu ama mẹ na Mizipa na nama kụrọma.

1 Amadapụ 9:20

Amọrayịtị na, Itayịti na, Pẹrịzayịtị na, Hivayịtị na, tomi kpo-kpo ma tẹ Kenanị ḅụ sime apụ ma na, Jebusayịtị apụ ma ḅụụ kirikọn-apụ ma tẹ Izirẹlịapụ ma na gboloma-a apụ ma

Devidi-Anume 133:3

Anị Hamọnị Tụndụ ọgọnọ sararị igirigi na kịkam, anie Zayọnị atụndụ ma ọgọnọ sararị ye mẹ. Anịanga anie KỊNỊNYANAḄỌ ḅe boma minini ori atomi pịrị yee: gbala-gbala kuno kuno-a ḍumo.

Devidi-Anume 89:12

Ị́yẹrị ọgọnọ-jụ mẹ na abajị suku mẹ na tẹmẹm; Tabọ Tụndụ na Hamọnị Tụndụ na ḍereku ḅụ nume-su í bomarị.

Sọlọmọnị Ḅẹlẹtẹịn Nume 4:8

Àrị ịya-ḅẹ-ẹrẹḅọ, Lẹbanọnị tụndụ ma ḅụ sime tẹ koro-ḅoo; ị̀ na ḅoo, Lẹbanọnị ḅụ. Amana tụndụ mẹ ḅẹ tọpịtẹ-anga mẹ ḅụ koro-ḅoo, Sẹnaya tụndụ na Hamọnị tụndụ na ḅụ, anie ọkụkụ amẹẹ na sịrị amẹẹ na angarị ayọ ma.

Jerimaya 40:10

“Yẹrị ḅioju Mizipa ḅụ sime tẹ ọmịna tọrụ-ḍimaḅọ sọ ḅa Babịlonịya ḅẹ apụ ma mị yọ ḅo sakị. Kụma ọmịnị inetẹ iru, sịnmgbọlụ amẹẹ na olivu-olo na kobiri ḅụụ-wẹrịma, tẹ ọmịnị ọkị tẹ simearị kala-ama ma ḅio anga ḅa.”

Jerimaya 40:6

À mu Gedalaya na simem Mizipa ḅụ, tẹ ama mẹ ḅụ kirikọn-apụ ma ogboku angam.

Jerimaya 41:14

Anie ḅụ Isimẹlị Mizipa ḅio dogi-so ikoliapụ nwẹnị pịkịma-ḅo, ma tẹ Johananị Kariya tụḅọ ḅe dama-mu.

Jerimaya 41:3

Isimẹlị pịkị Gedalaya na Mizipa ḅụ sime Izirẹlịapụ sọ kẹ sụa ḅaam, pịkị Babịlonịya ḅẹ ọmụapụ tẹ anịanga sime apụ sọ.

Kịẹn-aḅịḅị 13:29

Amalẹkị ḅẹ apụ ma Kenanị suku-jụ mẹ ḅio angam; Hitahiti apụ ma na, Jebusayịtị apụ ma na, Amọrayịtị apụ ma na tụndụ ọgọnọ ḅe sịẹ mẹ ḅio angam; anịsakị Kenanị ḅẹ apụ ma Mẹdịterenanị Opu Tọrụ mẹ akaka ḅụ na Jodanị Tọrụ mẹ na ḅụ angam.”

Ditẹrọnọmị 4:48

Arowa tẹ Anọnị ḅẹ Tụndụ Ogboku mẹ ḅẹ agara mẹ ḅụ simearị ye mẹ ḅụ ọkị mu Siriyọnị Tụndụ (anie pịkị Hamọnị Tụndụ) jụjụ-ḅio la,

Ditẹrọnọmị 7:1

KỊNỊNYANAḄỌ ọmịna Tamụnọ ḅe ọmịnị ọkị-ḅo tẹ ama mẹ tẹ ọ́ sọ-mu anị ọkị nyana ḅẹ muarị ama mẹ ḅio suu, tẹ ọmịna tọrọkọ tọnwa opu asịẹ, Itayịti apụ ma na, Gagasayịtị apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na, gburo-gburotẹ, kụrọ nyana ọ́ nẹngị-nẹngịtẹ sọnọma opu asịẹ ọfịn sin sakị.

Jọsụwa 11:17

Halakị Tụndụ tẹ saakị-gelema Seya da-mu wararị tụndụ ḅụ ọkị mu Beligadị jụjụ-ḅio, Amọnị tụndụ suku, Lẹbanọnị ḅẹ tụndụ-ogboku mẹ ḅio la. Ori ịna amadapụ mamgba ọkịm, tẹ ịn fomu tẹ ịn ḅaam.

Jọsụwa 11:8

KỊNỊNYANAḄỌ ḅe nwẹnị ịn kẹ Izirẹlị ḅara-ḅio ḅụ su, inima tẹ ịn ḅaa, tẹ ịn ḍuka mu gburo-gburotẹ Sayịdọnị na, Misirẹfọtimemu jụjụ-ḅio la tẹ ịn ḅaa, anịsakị ịrụa-saakịarị-anga ḅụ mu Mizipa ḅẹ Tụndụ-Ogboku la, nwenii kpọkpọ gbọrụḅọ-sọ wẹrịso kọnma-a apụ ma.

Jọsụwa 13:11

na Gilẹdị na Gẹsọ ḅẹ apụ ma na, Mahaka ḅẹ apụ ma na, Emọnị Tụndụ mẹ na, Basani mẹmgba ọkị mu Salika la.

Jọsụwa 13:5

na Gẹbalayịtị apụ kiri mẹ na, Lẹbanọnị mẹmgba na, ịrụa-saakịarị-anga mẹ da-mu ḅụ Beligadị. Ẹmọnị Tụndụ mẹ suku ḅụ ọkị mu mẹnjị Hamatị sọarị ḅọkọ mẹ la,

Jọsụwa 15:38

Dilanị na, Mizipa na, Jokitili na,

Jọsụwa 15:63

Kụma Jeruselemu ḅụ anga Jebusayịtị apụ ma, Juda inetẹ in dee pakama-a; anieḅụ Jebusayịtị apụ ma na, Juda ḅẹ apụ ma na Jeruselemu ḅụ anga ḅo mịmgba lam.

Jọsụwa 18:26

Mizipa na, Kẹfira na, Moza na,

Jọsụwa 3:10

Jọsụwa nwẹnị ḅẹẹ, “Mie ḅụ mie ọ́ nimi ḅarịye mịnẹ ḍumo wararị Tamụnọ ḅe ọmịna ogbo-ḅio emi, tẹ gbarị-a ḅara ḅụ ọmịna tọrọkọ Kenanị ḅẹ apụ ma na, Itayịti apụ ma na, Hivayịtị apụ ma na, Pẹrịzayịtị apụ ma na, Gagasayịtị apụ ma na, Amọrayịtị apụ ma na, Jebusayịtị apụ ma na dee pakama ḅa.

Ḅẹrẹkọn-apụ 20:1

Anịtẹso Izirẹlịapụ mamgba Danị ḅụ ọkị mu Biyasẹba la, Gilẹdị ḅẹ ama mẹ kẹ sụa, nwẹnị paka-ḅo, tẹ gbọrụ tomḅọ ḅara kẹ Mizipa ḅụ kobiri KỊNỊNYANAḄỌ ḅe pịrị.

Ḅẹrẹkọn-apụ 21:5

Izirẹlịapụ ma nwẹnị ḅẹẹ, “Izirẹlị ḅẹ afuro mamgba ḅụ tọ furo KỊNỊNYANAḄỌ ḅe tọrọkọ ḅẹ kobiri mẹ ḅo-a?” Gbala oriḅe tẹ Mizipa ḅụ KỊNỊNYANAḄỌ ḅe tọrọkọ ḅẹ kobiri mẹ ḅo-a ḅo ḅe gbolomaye kẹ ịn gburo-gburotẹ ye karị tẹ ẹrẹsị, tẹ ḅẹẹm, “Ini mḅọ ḅaa ḅa.”

Ḅẹrẹkọn-apụ 21:8

Ịn nwẹnị gbela, “Izirẹlị ḅẹ afuro ma ḅụ tọ gbọrụ furo KỊNỊNYANAḄỌ ḅe ḍọkụma-ḅo ḅẹ Mizipa ḅọ-a?” In nwẹnị ḍọkị-ẹrị mịnẹ Jabẹsị-giliyadị ḅụ gbọrụḅọ-sọ akpụrụ-warị mẹ ḅo tẹ kobiri mẹ ḅo-a.

Ḅẹrẹkọn-apụ 3:3

Ọ̀ kọnma asịẹ ma anie Filisiteniapụ sọnọa ama ma na, Kenanị ḅẹ apụ ma na, Sayịdọnị ḅẹ apụ ma na, Hivayịtị apụ tẹ Lẹbanọnị tụndụ ọgọnọ sime apụ ma na, Balị-hamọni tụndụ ḅụ ọkị mu mẹnjị Hamatị sọarị ḅọkọ mẹ jụjụ-ḅio la.

Ḅẹrẹkọn-apụ 3:5

Anieḅụ Izirẹlịapụ ma Kenanị ḅẹ apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na ogbo-ḅio angam.

1 Samụẹlị 10:17

Mịọkụ Samụwẹlị tomi ma sịn ḅo gboloma KỊNỊNYANAḄỌ ḅe pịrịm Mizipa ḅụ,