Jọsụwa 11:12 - FỊAFỊA BAỊBỤLỤ

¹² Arị amadapụ ma opu ama mamgba na, arịḅẹ amadapụ mamgba na Jọsụwa ini ọkịm, tẹ okologie mẹ kẹ ịkatakirikọn-a-ḅara kẹ ịn ḅaam. Mozizi, KỊNỊNYANAḄỌ ḅe fịrịmẹnjịḅọ ḅe wẹrịtẹ tọn tẹ ḅara.

Jọsụwa 11:12 Iomraidhean Croise

Ditẹrọnọmị 7:2

KỊNỊNYANAḄỌ ọmịna Tamụnọ ḅe ịn ḅọrọma ọ́ pịrị tẹ ọmịnị ịn nẹngịma sakị, ọmịnị ịkatakirikọn-a-ḅara kẹ ịn ḅaa nyanam; ọmịnị ini na gbọrụ ọḅọkụ sọ fị tẹ ọkụrụkụrụ nyana ịn pịrị ḅịa.

Jọsụwa 11:15

KỊNỊNYANAḄỌ ḅe wẹrịtẹ tọn tẹ kẹ ọ̀ fịrịmẹnjịḅọ Mozizi pịrị ḅara, mie Mozizi tọn Jọsụwa pịrị ḅara, tẹ anị ḅara mie Jọsụwa mịẹ ḅara KỊNỊNYANAḄỌ ḅe tọn Mozizi pịrị aị mamgba ḅụ ọ̀ mịẹ kọnma gberie-sọ ofori.

Jọsụwa 10:37

tẹ anị ọkị. Ini okologie kẹ anị ḅẹ amadaḅọ na, anị ḅẹ ama-ama ma na, anị ḅio sime ḅọ goḅọ-goḅọ ḅaa famam, kpọkpọ gbọrụ tomḅọ sọ kọnma-a ḅara, ọ̀ wẹrịtẹ kẹ Igilọnị mịẹ tẹ ịkatakirikọn-a-ḅara kẹ anị ḅio sime tomḅọ goḅọ-goḅọ ḅaa fama ḅara.

Jọsụwa 10:35

tẹ anị ene mẹ ḅụ anị ọkịm. Ọ̀ kẹ Lakisi mịẹ tẹ ḅara mie ọ̀ kẹ ịkatakirikọn-a-ḅara kẹ anị ene mẹ ḅụ okologie kẹ tomḅọ goḅọ-goḅọ ḅaa tẹ anị fama ḅara.

Jọsụwa 10:32

KỊNỊNYANAḄỌ ḅe Lakisi kẹ Izirẹlị ḅara-ḅio sunm, tẹ maaịn karama ene ḅụ ori anị ọkịm, tẹ okologie kẹ anị ḅio tomḅọ goḅọ-goḅọ ḅaam, ọ̀ wẹrịtẹ kẹ Libina mịẹ tẹ ḅara.

Jọsụwa 10:30

KỊNỊNYANAḄỌ ḅe pịkị anị na, anị ḅẹ amadaḅọ na kẹ ḅara-ḅio Izirẹlị pịrịm, tẹ ori okologie mẹ kẹ anị famam, tẹ anị ḅio tomḅọ goḅọ-goḅọ ḅaam; ọ̀ wẹrịso kọnma gbọrụḅọ-sọ ofori; tẹ ọ̀ kẹ Jeriko ḅẹ amadaḅọ mịẹ tẹ ḅara kẹ anị ḅẹ amadaḅọ mịẹm.

Jọsụwa 10:28

Anị ene mẹ ḅụ, Jọsụwa Mekida ọkịm, tẹ tomi mamgba na ịna amadaḅọ ḅe na ḅaam; ori ịkatakirikọn-a-ḅara kẹ anị ḅio tomḅọ goḅọ-goḅọ ḅaam, ọ̀ wẹrịso kọnma gbọrụḅọ-sọ ofori; tẹ ọ̀ kẹ Jeriko ḅẹ amadaḅọ mịẹ tẹ ḅara kẹ Mekida ḅẹ amadaḅọ ḅe mịẹm.

Jọsụwa 9:24

Ịn nwẹnị Jọsụwa pakịrị, “Anị kẹ gotẹ ọkọ mịẹ ye, piki-pikiye-ofori ḅara ḅụ ini anị ḍuko ị́ afịrịmẹnjịapụ pịrịm, mịnẹ, KỊNỊNYANAḄỌ ị́ Tamụnọ ḅe tọn ọ̀ fịrịmẹnjịḅọ Mozizi pịrịm ò bebe ama mẹ kẹ ọ́ piri, tẹ ọmịna tọrọkọ simearị ama mẹ ḅio sime apụ mamgba ḅaa fama; anieḅụ wa nwẹnị wamịna aḍumo gotẹ gburo-gburo ḅara kẹ ó gotẹ ḅalafa lama tẹ miemẹ mịẹm.

Jọsụwa 8:31

Mozizi, KỊNỊNYANAḄỌ ḅe fịrịmẹnjịḅọ ḅe wẹrịtẹ tọn kẹ Izirẹlịapụ ma pịrị tẹ, anị wẹrịtẹ Mozizi Oloko Ḍiri mẹ ḅio kẹẹ wararị ḅara, “Pẹlẹ-a aḍụḅarị tẹ gbọrụ tomḅọ sọ amụ arị ọgọnọ ḅụ ikulele kẹ mịẹ namakọrịye saakị-gelema-a gbọrụ agbamịẹ-anga”; tẹ ịn nwẹnị anị ọgọnọ dọkịma-agba mịẹ KỊNỊNYANAḄỌ ḅe pịrị, ịn pịkị gbọrụḅụụ-sime-agba mịẹm.

Jọsụwa 8:8

Anịsakị ọmịnị opu ama mẹ ọkị sakị ọ́ fịnị kẹ opu ama mẹ ḅụ sụa ḅa, KỊNỊNYANAḄỌ ḅe wẹrịtẹ ḅẹẹ tẹ ḅara, ọmịnị à tọn ọ́ pịrị ḅara ḍiki mịẹ.”

Jọsụwa 11:13

Kụma Hazọ ngẹrị sikima, tụndụ ọgọnọ sịẹ wararị gbọrụ opu ama tẹ Izirẹlị dọkịma ye ofori; aniemẹ mie Jọsụwa dọkịma ye,

Ditẹrọnọmị 9:3

Anịẹrẹsị mịmgba ó nimi mịnẹ oriḅe tẹ ọmịna tọrọkọ tarị ye guluguluma kọrị fịnị ḅara kẹ saḅa ḅọ ḅe anie KỊNỊNYANAḄỌ ọmịna Tamụnọ ḅe; ori ịn ḅaa ḅa, tẹ mịẹtẹ ịn sịḅị-tuu ḅa ọmịna tọrọkọ, anieḅụ ọmịnị in dee pakama ḅa, tẹ mịẹtẹ ịn fọnya fịị fa ḅa, KỊNỊNYANAḄỌ ḅe kẹ wẹrịtẹ ọ́ karịma tẹ ḅara.

Jọsụwa 10:20

Jọsụwa na, Izirẹlị ḅẹ owiapụ ma na gburo-gburo lama ḅara mẹ kẹ ịn ḅaa nwenii ini ọfịn pakama fama tẹ, tẹ ịna aḅụụ boowa kọn apụ ma tẹ ini ọmụ gotẹ nama kụrọma wararị opu ama ma ḅio sọ-mu apụ ma sọ-mu tẹso,

Jọsụwa 13:6

tụndụ ọgọnọ ḅẹ opu sịẹ mẹ ḅụ simearị apụ mamgba Lẹbanọnị ḅụ ọkị mu Misirẹfọtimemu la, Sidọnị ḅẹ apụ mamgba sọ. Yẹrị ḅe ḅarana Izirẹlịapụ ma tọrọkọ in dee ḅa. À wẹrịtẹ tọn tẹ ḅara ḅụ, ị́yẹrị paa kiri mẹ ḍie Izirẹlị pịrị ini anị nyana tẹ sime ḅẹ ḅara.

Jọsụwa 21:44

KỊNỊNYANAḄỌ ḅe ye karị ḅara kẹ minini ịna aḍapụ ma pịrị tẹ ḅara ḅụ, pakịrị-pakịrị ḅụ ori ịnyọsara kẹ ịn pịrịm; inina fịya-a apụ mamgba ḅụ ịn kuḅu sịẹ tẹ gbọrụḅọ-sọ ofori, anị kẹ gotẹ ọkọ mịẹ ye, KỊNỊNYANAḄỌ ḅe inina fịya-a apụ mamgba kẹ ịna aḅara-ḅio ịn pịrị tẹ ẹrẹsị.