Jọsụwa 10:7 - FỊAFỊA BAỊBỤLỤ

⁷ Anieḅụ owu-akọnịapụ mamgba na, ḅiokpọtẹ owu-sọ ḅara-ḅaatẹ apụ mamgba na nwẹnị Jọsụwa ḅụụ sọ tẹ Giligalị ḅụ sime tẹ iwo mu.

Jọsụwa 10:7 Iomraidhean Croise

Ayịzaya 8:12

“Tomi ma ḅụ sọma ịn tọn tẹ mịẹ ḅẹ ḍọkịarị aị ma ḅụ, pịkị in gotẹ ḅalafaarị aị ma ḍiki-ḅalafa ma.

Ayịzaya 8:14

Yẹrị anie ḅalafama Fịafịa-wararị-ḅọ ḅe ẹrẹsị, à kịkarị ye anie tomina aḅụọ bịan-bịan tẹ ịn pụmbụarị ḍụḅarị. À kịkarị ye anie Juda na Izirẹlị na asịẹ ma na Jeruselemu ḅẹ apụ ma na kun ḅẹ tẹ tuu ḍiein.

Jọsụwa 10:6

Gibiyọnị ḅẹ owiapụ ma nwẹnị ḅịḅị kẹ Jọsụwa fịrịma, Giligalị ḅio ịna sime anga mẹ ḅụ tẹ ḅẹẹm, “Ị́ ḅara foofoma ma ị́ afịrịmẹnjịapụ ḅụụ ḅụ, fọnya iwo wa ḍọkụma-ḅo, tẹ wa ḅọrọma tẹ ḅarasụa wa pịrịị; kẹ gotẹ ọkọ ḅẹẹarị, Amọrayịtị apụ ma amadapụ mamgba tẹ tụndụ opu sịẹ mẹ ḅụ angarị apụ ma kobiri ḅo wa da-paka tẹ.”

Jọsụwa 8:1

KỊNỊNYANAḄỌ ḅe nwẹnị Jọsụwa ḅẹẹ, “Ḅalafa, anịanịa ḅụụ-tukutuku ma; owu mẹ sọarị owiapụ mamgba ọkị ị́ ḅụụ sụa, tẹ saakị tẹ iwo Ayị muu. Ḍikii, à Ayị ḅẹ amadaḅọ ḅe na, ori atomi na, ori opu ama na, ori ama na kẹ ị́ ḅara-ḅio ị́ pịrị tẹ.

Jọsụwa 8:3

Anieḅụ Jọsụwa na, owu mẹ sọarị owiapụ mamgba na iwo Ayị mu ḅẹ ḅara kẹ saakịm; tẹ Jọsụwa nwẹnị kụrọtẹ ḅiokpọ ḅara kẹ owu-sọ ḅara-ḅaatẹ kịnị tẹra apuku na jei ẹndẹ na (30,000) fịrịma mu ḍin ḅụ.