Jọsụwa 10:6 - FỊAFỊA BAỊBỤLỤ

⁶ Gibiyọnị ḅẹ owiapụ ma nwẹnị ḅịḅị kẹ Jọsụwa fịrịma, Giligalị ḅio ịna sime anga mẹ ḅụ tẹ ḅẹẹm, “Ị́ ḅara foofoma ma ị́ afịrịmẹnjịapụ ḅụụ ḅụ, fọnya iwo wa ḍọkụma-ḅo, tẹ wa ḅọrọma tẹ ḅarasụa wa pịrịị; kẹ gotẹ ọkọ ḅẹẹarị, Amọrayịtị apụ ma amadapụ mamgba tẹ tụndụ opu sịẹ mẹ ḅụ angarị apụ ma kobiri ḅo wa da-paka tẹ.”

Jọsụwa 10:6 Iomraidhean Croise

2 Amadapụ 4:24

Anịtẹso á nwẹnị asụ ḅe dẹẹ tẹlẹma, tẹ á fịrịmẹnjịḅọ ḅe ḅẹẹ, “Nama ḅe mịẹtẹ ọ̀ saakị mangị. Minini tẹ ọ̀ mangị la ḅara ḅụ ò ye sin ma, àrị ọkọ kẹ ị́ ḅẹẹ sikima.”

Devidi-Anume 125:2

Tụndụ ma Jeruselemu ikelema-koro ḅara, anị ḅara anie KỊNỊNYANAḄỌ ḅe ori atomi ma ikelema-koro ḅara mịọkụ mu ḅẹẹ-sakị ḅẹẹ-sakị la.

Ayịzaya 33:22

Kẹ gotẹ ọkọ ḍukoarị, KỊNỊNYANAḄỌ ḅe anie wamịna ḅẹrẹkọnḅọ; KỊNỊNYANAḄỌ ḅe anie oloko sụa wa pịrịarị-ḅọ. KỊNỊNYANAḄỌ ḅe anie wamịna amadaḅọ, ori mie wa ḅọrọma ḅarịye.

Kịẹn-aḅịḅị 13:29

Amalẹkị ḅẹ apụ ma Kenanị suku-jụ mẹ ḅio angam; Hitahiti apụ ma na, Jebusayịtị apụ ma na, Amọrayịtị apụ ma na tụndụ ọgọnọ ḅe sịẹ mẹ ḅio angam; anịsakị Kenanị ḅẹ apụ ma Mẹdịterenanị Opu Tọrụ mẹ akaka ḅụ na Jodanị Tọrụ mẹ na ḅụ angam.”

Luku 1:39

Anịtẹso ala-a Meri nwẹnị ḅụ tẹlẹma tẹ fọnya-fọnya mu Judiya ḅẹ tụndụ mẹ iwo mu gbọrụ ama la.

Ditẹrọnọmị 1:15

Anieḅụ arị ọmịna afuro ḅụ ye-nimi, yefieye naa, tẹ kụn nyanatẹ owiapụ ọkị tẹ kẹ sịḅịdapụ sọma ọ́ pịrịm, ḅẹrẹtọn kịnị maa ẹndẹ oyia asi finji finji na, kịnị sọnọa si sọnọa si na, kịnị amesi oyi finji finji na, oyia apụ oyia apụ na pịrị, pịkị fịrịmẹnjị-opuapụ na sọmam ọmịna afuro ikelema-koro ḅụ.

Jọsụwa 10:5

Anịtẹso Amọrayịtị apụ ma ḅẹ sọnọ amadapụ ma, Jeruselemu ḅẹ amadaḅọ ḅe na, Hẹbụrọnị ḅẹ amadaḅọ ḅe na, Jamutu ḅẹ amadaḅọ ḅe na, Lakisi ḅẹ amadaḅọ ḅe na, Igilọnị ḅẹ amadaḅọ ḅe na nwẹnị ịna ọmụgbin-apụ kobiri, tẹ ịna ọmụ-ogbo mamgba na ini na nwẹnị gbọrụ ogbo ḅụ sime Gibiyọnị pịrị tẹ owu kẹ anị paka.

Jọsụwa 10:7

Anieḅụ owu-akọnịapụ mamgba na, ḅiokpọtẹ owu-sọ ḅara-ḅaatẹ apụ mamgba na nwẹnị Jọsụwa ḅụụ sọ tẹ Giligalị ḅụ sime tẹ iwo mu.

Jọsụwa 21:11

Ịn Kiriyati-aba anie Hẹbụrọnị kẹ ịn pịrịm (Aba anie Anakị ḍa) anị ikelema-koro osuka-akiri ma na kẹ sụa Juda tụndụ ọgọnọ ḅẹ opu sịẹ mẹ ḅio ḅụ.

Jọsụwa 5:10

Izirẹlị ḅẹ atomi ma Giligalị ḅio kobiri sime wararị ogbo ịn Saḅaḅọrọ-Alalị mẹ fịm akalụ mẹ ḅẹ ngei aḍin fa jei eneḅaka, Jeriko ḅẹ ele ma ḅio ḅoḅiri-so ḅụ.

Jọsụwa 9:15

Jọsụwa nwẹnị inina dein ḅara mịẹ tẹ inina ọḅọkụ fị, ịn wẹrịso tẹ in ḍumo-sime ḅẹ ḅara, tẹ tomina-ogbo mẹ ḅẹ tọrọkọ-tarịapụ ma ḅụụ-pikima ịn pịrịm.

Jọsụwa 9:6

Ịn nwẹnị Giligalị ḅụ akpụrụ-warị mẹ ḅio Jọsụwa ḍọkụma-mu tẹ ori na Izirẹlị ḅẹ owiapụ ma na ḅẹẹ, “Wa ala-jụ ḅẹ opu sịẹ ḅụ sime tẹ ḅom; anieḅụ wamịnị na ọḅọkụ fị mịọkụ.”

Jọsụwa 9:8

Ịn nwẹnị Jọsụwa ḅẹẹ, “Wamịnị anie ọmịna afịrịmẹnjịapụ.” Jọsụwa nwẹnị ịn gbela, “Ọmịnị tọ apụ? Ọ́ tọ-anga sime tẹ ḅo?.”