Jọsụwa 10:4 - FỊAFỊA BAỊBỤLỤ

⁴ “Ọmịnị iwo ị̀ ḍọkụma-ḅo tẹ ḅarasụa ị̀ pịrị, tẹ yee wa Gibiyọnị na owu-sọ tẹ ịn ḅaa, kẹ gotẹ ọkọ ḅẹẹarị, anịḅẹ atomi Jọsụwa na, Izirẹlịapụ ma na dein mịẹ tẹ.”

Jọsụwa 10:4 Iomraidhean Croise

Matiyo 16:24

Anịtẹso Jizọsị nwẹnị ò ḍukamẹnjịapụ ma ḅẹẹ, “Gbọrụḅọ nwẹnị ị̀ na sọ tẹ mẹnjị ḅarị ḅẹḅẹ, mḅọ amịna ḅụụ kẹ ḅioḅọrọmaa, tẹ amịna ẹngbẹsẹ-sịn saakị dogi, tẹ ì ḍuka ḅoo.

Jọnị 15:19

Ó sime tomikiri mẹ pịrị namịna mimgbe ini ọ́ ḅẹlẹma tẹẹ, sime tomikiri mẹ pịrị apụ ḅara ḅụ. Kụma à tomikiri mẹ ḅụ ọ́ sẹlẹ-ọkị tẹ ẹrẹsị ọ́ ḅarị sime tomikiri mẹ pịrị-a. Anie mie tomikiri mẹ gotẹ ó ḍiki-ḅioḅuarị ye.

Fịrịmẹnjịapụ 21:28

tẹ oloku, “Izirẹlịapụ, ó ḅo ḅarasụaa! Ḅie kịrị-kịrị anga mu-mu tẹ Izirẹlịapụ na, Oloko mẹ na, mị Tamụnọ-warị mẹ na ḅụ siye kẹ kịnị mamgba tolumarị ḅọ ḅee. Mịọkụ ọ̀ pịkị Ja asịẹ ḅẹ apụ kẹ sọ Tamụnọ-warị mẹ ḅo tẹ, mị fịafịa yọ mẹ pilema tẹ.”

2 Timoti 3:12

Kịrayịsị Jizọsị na gbọrụ ḅụ sime tẹ Tamụnọ kịka ḍumo ḅiiarị ḅọ, ḅiiarị ḅọ ịn ḅaa-ḅọkọ kẹ mḅọ ḍọkị ḅa;

Jemụsị 4:4

Ọmịnị sunsin Tamụnọ pịrị sịkịtẹ atomi! Ó nimi-a mịnẹ ḅẹlẹma nyana tomikiri ḅẹ si-aị pịrị anie Tamụnọ na fịya-a? Tomikiri ḅẹ si-aị ḅẹlẹmaḅọ ḅẹlẹmaḅọ, mḅọ Tamụnọ na fịya-a ḅọ sọ tẹẹ.

Jọsụwa 10:1

Adonizẹdẹkị, Jeruselemu ḅẹ amadaḅọ Jọsụwa kẹ Ayị ọkị tẹ ịkatakirikọn-a-ḅara kẹ anị fama, ọ̀ wẹrịtẹ Jeriko na anịḅẹ amadaḅọ na mịẹ ḅara kẹ Ayị na, anịḅẹ amadaḅọ na mịẹ ḅara na, Gibiyọnị ḅẹ apụ Izirẹlị na dein mịẹ tẹ ini ogbo-ḅio emi ḅara naa tẹso,

Jọsụwa 10:5

Anịtẹso Amọrayịtị apụ ma ḅẹ sọnọ amadapụ ma, Jeruselemu ḅẹ amadaḅọ ḅe na, Hẹbụrọnị ḅẹ amadaḅọ ḅe na, Jamutu ḅẹ amadaḅọ ḅe na, Lakisi ḅẹ amadaḅọ ḅe na, Igilọnị ḅẹ amadaḅọ ḅe na nwẹnị ịna ọmụgbin-apụ kobiri, tẹ ịna ọmụ-ogbo mamgba na ini na nwẹnị gbọrụ ogbo ḅụ sime Gibiyọnị pịrị tẹ owu kẹ anị paka.

Jọsụwa 9:15

Jọsụwa nwẹnị inina dein ḅara mịẹ tẹ inina ọḅọkụ fị, ịn wẹrịso tẹ in ḍumo-sime ḅẹ ḅara, tẹ tomina-ogbo mẹ ḅẹ tọrọkọ-tarịapụ ma ḅụụ-pikima ịn pịrịm.

1 Pita 4:4

Tẹ mịọkụ ọ́ ḅarị oru nimi apụ ma na sọ tẹ ịn kọn-arị piri-ḅio-ḅẹ anama kịka ḍumo mẹ na gbala-gbala ḅụụ ọlọ-a ḍumo mẹ na kọn-a mẹ ẹrẹsị in ḅụụ-bua tẹ ọ́ mịẹ simearị.

Mịẹfinji 16:14

Ini ma anie ḅụụ-buama-aị mịẹ-mịẹ oru si-atẹmẹ. Mịna tẹra si-atẹmẹ ma nwẹnị mu tomikiri sime amadapụ mamgba kobiri ḅo mịnẹ in ḅo Kụrọmamgba Nyana Tamụnọ ḅe opu Ene mẹ ḅẹ ọmụ mẹ gbin.