Jọsụwa 10:3 - FỊAFỊA BAỊBỤLỤ

³ Anieḅụ, Adonizẹdẹkị Jeruselemu ḅẹ amadaḅọ nwẹnị ḅịḅị kẹ Hohamụ, Hẹbụrọnị ḅẹ amadaḅọ ḅe na, Piramụ, Jamutu ḅẹ amadaḅọ ḅe na, Jefiya, Lakisi ḅẹ amadaḅọ ḅe na, Dẹbaya anie Egilọnị ḅẹ amadaḅọ ḅẹ na fịrịma tẹ ḅẹẹ,

Jọsụwa 10:3 Iomraidhean Croise

Suku-saakị 23:2

Tẹ Kiriyati-aba (anie Hẹbụrọnị) ḅụ Sera fịịm, Kenanị ama mẹ ḅio; tẹ Ebira-amụ nwẹnị Sera gotẹ saakị ḍụẹịn ḍuu tẹ á gotẹ tẹmẹ-la owu kọn.

Suku-saakị 37:14

Mie ḅụ ọ̀ ḍa nwẹnị ọ̀ ḅẹẹ, “Mịọkụ mu í owiapụ-amịnapụ ma ye ini na sime-ḅara ḍikii, anana ogbo mẹ kpaịn wararị ḅoto, tẹ pịkị ḅịḅị da ḅo ị̀ pịrị.” Mie ḅụ ori Hẹbụrọnị tụndụ ogboku mẹ ḅụ ọ̀ fịrịma tẹ ò ḅo Sịkẹmụ lam.

2 Samụẹlị 2:11

Anịsakị tẹ Devidi kẹ Hẹbụrọnị ḅụ Juda warị mẹ ḅụ ama-da sakị anie sọnọma akụra na, sonio akalụ na.

2 Amadapụ 18:14

Hẹzịkaya Juda ḅẹ amadaḅọ ḅe nwẹnị ḅịḅị kẹ Asiriya ḅẹ amadaḅọ ḅe fịrịma Lakisi ḅụ, tẹ ḅẹẹm, “À mịẹ-irima tẹ; ị̀ ḅụụ ḅụ ị́ ḅụụ nụnụ ọkịị; ị́ kẹ ị̀ ọgọnọ gbana ye gbana ye à dogi ḅa.” Asiriya ḅẹ amadaḅọ ḅe nwẹnị ḅii Hẹzịkaya Juda ḅẹ amadaḅọ seleḅa pakịrị-pakịrị puku sọnọa si, oyi maa apuku finji, na pakịrị oyi ẹndẹ (900,000) na golu kpoo oyi apuku, gbọrụ puku finji, na kpoo sọnọa ẹndẹ (90,000) na gbẹẹ

2 Amadapụ 18:17

Asiriya ḅẹ amadaḅọ ḅe nwẹnị amadaḅọ palị in kẹ Tatanị sịn kiri la tẹ ọmụ-alaḅọ na, Rabisarị sịn kiri la tẹ ọmụ-alapụ na, kụrọtẹ ḅẹrẹ na oku-mẹnjịḅọ ịn kẹ Rabisake sịn ḅọ ḅe na, gburo-gburotẹ ọmụ-ogbo na kẹ Lakisi ḅụ sime tẹ kẹ Amadaḅọ Hẹzịkaya fịrịma Jeruselemu ḅụ. Ịn nwẹnị saakị tẹ Jeruselemu ḅo. Ịn ḅo la tẹso, in nwẹnị opu etela mẹ ḅụ ọgọnọ ḅẹ ḍawa ḅio minji ḅọrọ ḅoarị anga mẹ tẹ ḅịtẹ ḍori apụ kọrịnama kọrịarị anga ḅụ sime.

2 Paka-aị 11:9

Adorahimu na, Lakisi na, Azẹka na,

Jerimaya 34:7

Babịlonịya ḅẹ amadaḅọ ọmụ-ogbo mẹ owu kẹ opu ama mẹ pakarị sakị. Ọmụ-ogbo mẹ pịkị owu kẹ Lakisi na Azẹka na tẹ Juda ḅụ kiri kọn ja kụrọnị ama ma sọ pakarị.

Mayịka 1:13

Ọmịnị ma tẹ Lakisi ḅụ simearị apụ ma, ọmịnị asụ ma kẹ kirimẹnjị-ọmụarụ ma ḅụụ kpọọ. Ọmịnị Izirẹlịapụ mịẹ asi ma ḍikima mịẹm; aniemẹ mịẹtẹ Jeruselemu ọkọ mịẹm.

Kịẹn-aḅịḅị 13:22

Ịn tarị-tarị mẹnjị mu Kenanị suku-jụ lam, tẹ anịjụ ḅọrọ Hẹbụrọnị lam. Hẹbụrọnị ḅụ simearị apụ anie Anakị ḅẹ nonji-atomi ma: Ahimanị na, Sesahị na Talịmayị na — Hẹbụrọnị paka tẹ sọnọma akụra ḅọrọ tẹrẹmẹ Ijiputi ḅụ Zohanị pakam.

Jọsụwa 10:1

Adonizẹdẹkị, Jeruselemu ḅẹ amadaḅọ Jọsụwa kẹ Ayị ọkị tẹ ịkatakirikọn-a-ḅara kẹ anị fama, ọ̀ wẹrịtẹ Jeriko na anịḅẹ amadaḅọ na mịẹ ḅara kẹ Ayị na, anịḅẹ amadaḅọ na mịẹ ḅara na, Gibiyọnị ḅẹ apụ Izirẹlị na dein mịẹ tẹ ini ogbo-ḅio emi ḅara naa tẹso,

Jọsụwa 10:23

Ini ọkọ mịẹm, tẹ fukuru mẹ ḅio sọnọ amadapụ ma anie Jeruselemu ḅẹ amadaḅọ ḅe na, Hẹbụrọnị ḅẹ amadaḅọ ḅe na, Jamutu ḅẹ amadaḅọ ḅe na, Lakisi ḅẹ amadaḅọ ḅe na, Igilọnị ḅẹ amadaḅọ ḅe na ọkị-ḅom.

Jọsụwa 10:34

Jọsụwa nwẹnị Izirẹlị mẹmgba na Lakisi ḅụ saḅa-ḅọrọ Igilọnị mu, tẹ anị ikelema-koro, tẹ owu kẹ anị pakam,

Jọsụwa 10:5

Anịtẹso Amọrayịtị apụ ma ḅẹ sọnọ amadapụ ma, Jeruselemu ḅẹ amadaḅọ ḅe na, Hẹbụrọnị ḅẹ amadaḅọ ḅe na, Jamutu ḅẹ amadaḅọ ḅe na, Lakisi ḅẹ amadaḅọ ḅe na, Igilọnị ḅẹ amadaḅọ ḅe na nwẹnị ịna ọmụgbin-apụ kobiri, tẹ ịna ọmụ-ogbo mamgba na ini na nwẹnị gbọrụ ogbo ḅụ sime Gibiyọnị pịrị tẹ owu kẹ anị paka.

Jọsụwa 14:15

Ḅọrọtẹ sakị ḅụ Hẹbụrọnị mẹ ẹrẹ anie Kiriyati-aba — ḅị Aba ḅe anie ḍụḅa tomi nẹngị-nẹngịtẹ atomi tẹ ịn kẹ Anakimu sịn apụ ma ḅụ ḍụḅatẹịn tomḅọ. Ama mẹ nwẹnị ọmụ ḅụ ịnyọsara.

Jọsụwa 15:54

Humuta na, Kiriyati-aba (anie Hẹbụrọnị) na Ziyọ na; esenia opu ama na arịḅẹ kala-ama ma na kẹ arị ḅụ sụa.

Jọsụwa 15:63

Kụma Jeruselemu ḅụ anga Jebusayịtị apụ ma, Juda inetẹ in dee pakama-a; anieḅụ Jebusayịtị apụ ma na, Juda ḅẹ apụ ma na Jeruselemu ḅụ anga ḅo mịmgba lam.

Jọsụwa 18:28

Zela na, Halẹfu na, Jebusi (anie Jeruselemu) na, Gibiya na, Kiriyati-jeharimụ na — ngei opu ama fa jei na, arị ḅẹ kala-ama ma na kẹ arị ḅụ sụa. Miemẹ anie Benijamịnị furo mẹ ḅẹ sime anga mẹ, anị ḅẹ afuro ma wẹrịtẹ sime-ḅara ḅụ.