Jọsụwa 10:2 - FỊAFỊA BAỊBỤLỤ

² ọ̀ nwẹnị gburo-gburo ḅara kẹ ḅalafa lama, gbala Gibiyọnị anie gburo-gburotẹ opu ama, tẹ amadaḅọ nyana opu ama ma pembe opu ama, tẹ ḍụḅa Ayị nẹngị wararị, anịsakị anịḅẹ owiapụ mamgba ịnyọ nyana opu atomi famam.

Jọsụwa 10:2 Iomraidhean Croise

2 Samụẹlị 12:26

Mịọkụ Johabụ Amọnị ḅẹ apụ ma ḅụ Raba na owu sọm, tẹ amadapụ opu ama mẹ ọkịm.

Egberima-Ẹkwẹn 10:24

Karakaraye-mịẹapụ in ḅii ye nyanarị, kụma si-sịḅịḅio-sụapụ ma in gotẹ ḅalafa tẹịn ye mẹ, mie ịn nyana ḅarịye.

Ditẹrọnọmị 11:25

Inetẹ ọmịna kuḅu daasịẹ ḅẹ gbọrụ owiḅọ sọ ofori KỊNỊNYANAḄỌ ọmịna Tamụnọ ḅe ó ḍiki-ḅalafa mẹ na, ọmịna aḅụụ opu ḅalafa nyana mẹ na kẹ ọ́ mẹnjị-ḅọrọ ḅarị ama mamgba ọgọnọ gbana ḅa ọ̀ wẹrịtẹ kẹ ọ́ karịma ḅara.

Ditẹrọnọmị 2:25

Mịmgba mẹ ḅụ à saakị tomi ma tẹ bebe so mẹ suku-ḅio simearị apụ ma ọgọnọ opu ḅara kẹ ó ḍiki-ḅalafa na, siye tẹ ḅo ịn la ḅẹ ye ḅẹ kuroma na kẹ suu ḅa inima tẹ ó gbolomaye naa ḅarị apụ ḅụ, anịsakị ini ó gotẹ ḅalafa ḅụ sẹkịma tẹ opu akụ ḅụ sime ḅa.

Ditẹrọnọmị 28:10

Anịsakị tomikiri ḅụ simearị tomi-kụlọkụlọ mamgba ẹrị ḅa mịnẹ KỊNỊNYANAḄỌ ḅe ẹrẹ mẹ ḅụ ini ọ́ sịnm, tẹ ó ḍiki-ḅalafaa ḅa.

Hiburu 10:27

Anie nakara, sime wa pịrị ye anie ḅalafa ḅụ sime tẹ ḅo ḅarị ḅẹrẹkọn mẹ na ḅalafama opu kọrị-fịnị mẹ na, tẹ Tamụnọ na tụḅụrụarị apụ ma dọkịma guluguluma ḅarịye mẹ na, koru!

Hiburu 10:31

Anị kpọma tẹmẹ-naịn-naịnmaye sọ ḅa, tomḅọ ḍumo wararị Tamụnọ ḅe aḅara-ḅio ḅịkị sọ kụma!

Jọsụwa 2:24

Tẹ ịn nwẹnị Jọsụwa ḅẹẹ, “Karakaraye ḍuko, ḅara ḅụ, KỊNỊNYANAḄỌ ḅe ama mamgba kẹ wamịna aḅara-ḅio ḅụ wa pịrị tẹ; anịsakị anie sikima, ama mẹ ḅio simearị apụ mamgba wa gotẹ naịn-ḅọrọarị.”

Jọsụwa 9:24

Ịn nwẹnị Jọsụwa pakịrị, “Anị kẹ gotẹ ọkọ mịẹ ye, piki-pikiye-ofori ḅara ḅụ ini anị ḍuko ị́ afịrịmẹnjịapụ pịrịm, mịnẹ, KỊNỊNYANAḄỌ ị́ Tamụnọ ḅe tọn ọ̀ fịrịmẹnjịḅọ Mozizi pịrịm ò bebe ama mẹ kẹ ọ́ piri, tẹ ọmịna tọrọkọ simearị ama mẹ ḅio sime apụ mamgba ḅaa fama; anieḅụ wa nwẹnị wamịna aḍumo gotẹ gburo-gburo ḅara kẹ ó gotẹ ḅalafa lama tẹ miemẹ mịẹm.

Jọsụwa 9:3

Kụma Gibiyọnị ḅẹ apụ Jọsụwa kẹ Jeriko na, Ayị na mịẹ ye naa tẹso,

1 Samụẹlị 27:5

Anịtẹso Devidi nwẹnị Akisi ḅẹẹ, “À nwẹnị ị́ tọrụ ḅụ ḍiki-ḅụụjịrị ḍọkị-ẹrị tẹ ḅẹḅẹ, í opu sịẹ mẹ ḅẹ ama-ama ma ḅụ, yee ị́ gbọrụ ama kẹ ị̀ pịrị ye sọ, mịẹtẹ arị anịjụ anga ḅẹ ḅara, kẹ gotẹ ọkọ ḅẹẹarị, ị́ fịrịmẹnjịḅọ tiegotẹ amadaḅọ opu ama mẹ ḅio ị́ na anga na-iḅi?”