Jọsụwa 10:12 - FỊAFỊA BAỊBỤLỤ

¹² Anịtẹso Jọsụwa ẹkwẹn KỊNỊNYANAḄỌ ḅe pịrịm ene mẹ tẹ KỊNỊNYANAḄỌ ḅe Amọrayịtị apụ ma saḅama Izirẹlị ḅẹ owiapụ ma pịrị sakị mẹ, tẹ ọ̀ nwẹnị Izirẹlị tọrụ ogbo ḅụ ḅẹẹ, “Ịrụa ị́yẹrị Gibiyọnị ḅụ gbọrụ ogbo sịẹsimee anịsakị ị́yẹrị Akalụ, Ahijalọnị Tụndụ Ogboku ḅụ sịẹsimee”

Jọsụwa 10:12 Iomraidhean Croise

2 Samụẹlị 2:12

Abụna, Naha owiḅọtụḅọ ḅe na, Isi-bosẹtị, Sọlụ owiḅọtụḅọ ḅe afịrịmẹnjịapụ na, Mahanahịmu ḅụ paka Gibiyọnị mum.

2 Amadapụ 20:10

Hẹzịkaya nwẹnị pakịrị, “Anị sarasara ye sọ ịrụa ḅio pakarị tẹmẹ mẹ oyia ḅụọ kẹ nangwọ ḅẹ nakara yee ịrụa ḅio pakarị tẹmẹ mẹ oyia ḅụọ kẹ ọḅụ da.”

2 Amadapụ 20:11

Ayịzaya ịkịankoroḅọ ḅe nwẹnị owu KỊNỊNYANAḄỌ ḅe pịrị; tẹ KỊNỊNYANAḄỌ ḅe nwẹnị bele ḅio ḅẹ tẹmẹ mẹ kẹ oyia ḅụọ kẹ ọḅụ da anị sakị mẹ tẹ Ahazi nama kpọlị-iwo ẹbẹ mẹ ḅụ ịrụa mẹ tuuideri tẹ sakị mẹ ḅụ.

2 Amadapụ 20:9

Ayịzaya nwẹnị pakịrị, “Mie KỊNỊNYANAḄỌ ḅe ḅụụ ḅụ ḅo ị́ pịrị elekima, mịnẹ KỊNỊNYANAḄỌ ḅe ò minini ye mẹ mịẹ ḅa: bele ḅụ pakarị tẹmẹ mẹ anị oyia ḅụọ kẹ tọrọkọ mu ḅẹ mụnọọ anị oyia ḅụọ kẹ ọḅụ da ḅẹ?”

1 Paka-aị 8:13

Bẹraya na Sịẹma na anie ḍapụ awarị sịḅịdapụ tẹ Ayijalọnị ḅụ sime apụ ma aḍapụ, inima tẹ Gati ḅụ sime apụ ma dee-mangịma apụ ma.

2 Paka-aị 11:10

Zora na, Ahijalọnị na, Hẹbụrọnị na namam.

Jobu 9:7

Ori ḅe tẹ tọn otuka mẹ pịrị tẹ anị puu paka-a ḅọ ḅe; ori ḅe tẹ lolia ma gbaịn kịtịpụma ḅọ ḅe.

Devidi-Anume 148:3

Ịrụa na akalụ na, ọmịnị ò tokinii; ḅịyarị alolia ọmịnị ò tokinii.

Devidi-Anume 19:4

anịsọ anị kịkarị ịna pọkọ tomikiri mamgba la tẹẹ, tomikiri ḅẹ ịkọlị mamgba anị naa tẹẹ. Tamụnọ So-tọrụ mẹ kẹ ịrụa mẹ sime-yọ mịẹ tẹ;

Devidi-Anume 74:16

Ị́yẹrị ḍin na eneḅaka na tọnm, ị́yẹrị ịrụa mẹ na akalụ mẹ na kẹ arị sime anga wẹrị;

Ayịzaya 28:21

KỊNỊNYANAḄỌ ḅe owu sọ ḅa, Pẹrazimu tụndụ ọgọnọ na Gibiyọnị tụndụ suku ḅụ na ọ̀ sọ ḅara mẹ, mịẹ tẹ ori ọ̀ tọn tẹ mịẹ ḅẹ ye mẹ mịẹ ḅẹ ḅara — ori amịẹaị ma tomina tọrọkọ kịrị aị kịka lamarị sọ. Ori ọ̀ kọrịnama mẹ kọrị fama ḅa, ọ̀ ḅọị tẹ kọrị kọrịnama mẹ.

Ayịzaya 38:8

Ama-da Ehazi nama ḅekin-warị kpọlị ye mẹ ọgọnọ KỊNỊNYANAḄỌ ḅe mịẹ tẹ tẹmẹ mẹ oyi aḅụọ kẹ ọḅụ da ḅa.

Ayịzaya 60:20

Í kururu ene ma ḅo kunoma ḅa, yẹrị KỊNỊNYANAḄỌ ḅe í sime gbamaso bele sọ ḅa, Ḅịya tọrọkọ-tọrọkọ mu ịrụa na akalụ na nẹngị ḅa.

Jerimaya 28:1

Anị gbọrụ kụra mẹ ḅụ, Zẹdẹkaya ama-da tẹ ini karama kụra mẹ ḅẹ sọnọ karama akalụ mẹ ḅụ Azuru tụḅọ Hananaya, Gibiyọnị ḅụ ḅo gbọrụ ịkịankoroḅọ, ẹkwẹn ị̀ pịrịm Tamụnọ-warị mẹ ḅio. Agbamịẹapụ ma na tomi ma tọrọkọ mie ò ḍuko ị̀ pịrị ye

Emọsị 2:9

“Tẹ anịsọ, ị̀ atomi, ọmịna asịḅị mie à gotẹ Amọnị ḅẹ apụ ma ḅaa siin yee anie, sida sịn-arị sịn sịẹ gele ḅara kẹ geletẹ pịkị oku nwẹn-sịn asịn kụrọ ḅara kẹ kụrọ wararị apụ ma.

Emọsị 8:9

Anị ene mẹ ḅụ, à mịẹ tẹ ịrụa mẹ eneḅaka-fịafịa-ogbo ḅụ ideri tẹ eneḅaka ḅụ tomikiri mẹ ḅo kanakana ḅa sakị mẹ. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Habakọkụ 2:20

KỊNỊNYANAḄỌ ḅe ọ̀ fịafịa Warị ḅio emi; yee tomikiri sime-ḅọ sime-ḅọ yaụ-sime ọ̀ tọrọkọ ḅụ.

Habakọkụ 3:11

Ị́ aḍịẹịn ma fọnya kọrị ḅọrọ tẹ ị́ ḅịyarị aḅẹkẹrẹ nwanam ḅọrọ sakị, ịrụa mẹ na akalụ mẹ na sịẹsimem.

Zẹkaraya 2:13

Ọrụḅọ-ọrụḅọ yaụ-simee, KỊNỊNYANAḄỌ ḅe tọrọkọ, gbala ori ọ̀ fịafịa sime-yọ ḅụ sime tẹ ḅoarị.

Ditẹrọnọmị 17:3

tẹ mu tẹ fịrịmẹnjị oru-atamụnọ, anịanịa ịrụa mẹ, anịanịa akalụ mẹ, anịanịa, ḅẹẹye-ḅẹẹye tẹ So-ḅio sime ye tẹ à tọn-tọn-aị ma pịrị tẹ sunsin ịn pịrị,

Ditẹrọnọmị 4:19

Anịsakị ọmịnị ọmịna aḅụụ ẹbị anieofori ó ḅofa ọmịna atọrụ saakị So daa, tẹ So-ḅio sime aị mamgba — ịrụa mẹ na, akalụ mẹ na, lolia ma na — ẹrị sakị ó ḅofa pịkị tẹ sunsin tẹ fịrịmẹnjị arị pịrị. KỊNỊNYANAḄỌ ọmịna Tamụnọ ḅe mịna aị ma kẹ bebe So mẹ suku-ḅio simearị asịẹ mamgba pịrị tẹẹ.

Jọsụwa 10:13

Ịrụa mẹ gbọrụ ogbo ḅụ sịẹsimem, tẹ akalụ mẹ daasịẹm, nwenii opu sịẹ mẹ inina fịya-a apụ ma ḅụ gbẹẹfị ḅii ọkịm. Ịrụa mẹ bebe gbọrụ ene pembeye simem so ogboku mẹ ḅụ tẹ tuuideri ḅẹ fọnya-a mẹ, miemẹ Jasa Ḍiri mẹ ḅio kẹẹ-a?

Jọsụwa 19:42

Salibumị na, Ahijalọnị na, Itila na,

Jọsụwa 21:24

Ahijalọnị na, anị ḅẹ osuka-akiri na kẹ sụa, Gatị-rimọnị na, anị ḅẹ osuka-akiri na kẹ sụa — inia opu ama,

Ḅẹrẹkọn-apụ 12:12

Anịtẹso Ẹlọnị, Zẹbulọnị ḅẹ ḅọ ḅe fịịm tẹ ini Ahijalọnị, Zẹbulọnị ḅẹ ama ḅio ò ḍiḅim.

Ḅẹrẹkọn-apụ 5:20

Lolia ma So-ḅio sime tẹ owu sọm; ịna mẹnjị etela ma ḅụ ịn Sisera na owu sọm.

1 Samụẹlị 12:18

Anieḅụ Samụwẹlị KỊNỊNYANAḄỌ ḅe sịnm, tẹ anị gbọrụ ene mẹ ḅụ KỊNỊNYANAḄỌ ḅe so-alagba na, eene na kẹ fịrịmam; tẹ tomi mamgba nwẹnị gburo-gburo ḅara kẹ KỊNỊNYANAḄỌ ḅe na, Samụwẹlị na ḍiki-ḅalafaa.

1 Samụẹlị 14:31

Anị ene mẹ ḅụ Mikimasi ḅụ in Filisiteniapụ ma ḅaa sara ma mu Ahijalọnị lam. Tẹ ịnyọ nwẹnị tomi ma ta lama.