Jọsụwa 1:9 - FỊAFỊA BAỊBỤLỤ

⁹ À tẹmẹ la ḅara kẹ ẹkwẹn ị́ pịrị tẹẹ — iḅi ḅiokpọ nyana tẹ kụrọ sịẹẹ; ḅalafa nyana ma, anịanịa ḅio tukutuku; kẹ gotẹ ọkọ ḅẹẹarị, KỊNỊNYANAḄỌ ị́ Tamụnọ ḅe í mu anga, mu anga ḅụ ị́nịna emi ẹrẹsị.”

Jọsụwa 1:9 Iomraidhean Croise

Suku-saakị 28:15

Ḍikii, arị ị́ na emii, tẹ í mu anga, mu anga ḅụ ị́ wẹrị kpaịnma ḅa, tẹ pịkị ị́ kẹ mị ama mẹ ḅo ḅa; kẹ gotẹ ọkọ ḅẹẹarị, arị ị́ koroma-so ḅịa nwenii arị aniemẹ tẹ à ḍuko ị́ pịrị tẹ ye mẹ mịẹ ḅa.”

Suku-saakị 39:2

KỊNỊNYANAḄỌ ḅe Josẹfụ na emi tẹ ò ḅo mịẹ ye, mịẹ ye ḅara ḅẹ sọ ḅọ sọm; anịsakị ori ọ̀ sịḅịdaḅọ Ijiputi-ḅẹ-ḅọ ḅe warị emi,

Suku-saakị 39:3

tẹ ọ̀ sịḅịdaḅọ ḅe nwẹnị ẹrị mịnẹ KỊNỊNYANAḄỌ ḅe ori na emi, anie ḅụ KỊNỊNYANAḄỌ ḅe mịẹtẹ ọ̀ mịẹ aị mamgba ori aḅara ḅụ lolom.

2 Samụẹlị 13:28

Anịtẹso Abusalọmụ nwẹnị tọn ori afịrịmẹnjịapụ pịrị “ọmịnị Amịnọnị iru ḅuu tọrụ-ḅaama ḅẹ sakị kẹ elekima sụa, anịsakị arị ọ́ ḅẹẹm, ‘Ọmịnị Amịnọnị fomuu,’ ḅẹḅẹ, anịrẹ ọmịnị ọ̀ ḅaa. Ọ́ ḅalafa ma; yẹrị mie tọn ọ́ pịrị yee, ọkọ-a? Ó ḅiokpọọ, tẹ ḅụụ tukutuku ma,”

1 Paka-aị 28:20

Anịtẹso Devidi nwẹnị ori owiḅọtụḅọ Sọlọmọnị ḅẹẹ, “Kụrọ sịẹ iḅi ḅiokpọ ḅụ, tẹ anị kọrịị. Ḅalafa ma, ḅụụ-tukutuku ma; kẹ gotẹ ọkọ ḅẹẹarị, KỊNỊNYANA-TAMỤNỌ jen-a jen-a ị̀ Tamụnọ ị́ na emii. Ori í pikirima, anịanịa ị́ sịkị ḅịa nwenii KỊNỊNYANAḄỌ ḅe warị mẹ ḅụ kọrị na-iḅi kọrịnama mẹmgba kọrị fama ḅa.

2 Paka-aị 15:7

Kụma ọmịnị, ó ḅiokpọọ! Ọ́ ḍụkụ tẹ ọmịna aḅara kọrị-kọrị ma, kẹ gotẹ ọkọ ḅẹẹarị, ọmịna kọrịnama mẹ ini anị gbẹẹ ḅa.”

Devidi-Anume 46:7

Kụrọ mamgba nyana KỊNỊNYANAḄỌ ḅe wamịnị na emi; Jekọbụ Tamụnọ ḅe anie wamịna ḅụụ-ḅọị-yọ.

Ayịzaya 41:10

Ḅalafa ma — àrị ị́nịna emii! Yẹrị ị́ Tamụnọọ, ḍụkụ tẹ gberie-sọ ị́ tẹmẹ-naịn-naịnma ma! Àrị ị́ mịẹ tẹ ị́ kụrọ ḅa, pịkị ḅarasụa ị́ pịrị ḅa Àrị ị́ gbaịn tẹ ị́ ḅọrọma ḅa.

Ayịzaya 43:1

Izirẹlị, ị́ tẹmẹ KỊNỊNYANAḄỌ ḅe ḅẹẹarị, “Ḅarị ḅalafa ma — àrị ị́ ḅọrọma ḅa. Àrị ẹrẹ kẹ ị́ sịn tẹẹ — yẹrị ị́ nyanam.”

Ayịzaya 43:5

Ḅalafa ma — yẹrị na ị́ na emi! “Sụma-jụ ịrụa saakị paka-ḅoarị yọ mẹ na anị tuuideriarị ala-tẹịn yọ mẹ na ḅụ arị í atomi ma ọkị ama ḅo ḅa.

Ayịzaya 8:12

“Tomi ma ḅụ sọma ịn tọn tẹ mịẹ ḅẹ ḍọkịarị aị ma ḅụ, pịkị in gotẹ ḅalafaarị aị ma ḍiki-ḅalafa ma.

Danẹlị 10:19

Ori mẹẹ, “Tamụnọ ị̀ ḅẹlẹmarị, anie ḅụ ḍụkụ tẹ gberie-sọ ị́ ḅụụ-ḅalaḅalama ma anịanịa ị́ tẹmẹ-naịn-naịnma.” Ò miemẹ ḍuko sakị, ị̀ ḅụụ-ḅio à nimi tẹ mịnẹ à pịkị osi ḅara nẹngị tẹẹ ḅẹẹm, Ị̀ nyanaḅọ, í ḍuko ḅẹ-ḅiiarị ye mẹ ḍuko ị̀ pịrịị. Ị́ ị̀ mịẹ tẹ ị̀ ḅụụ iḅi tarị ḅara nẹngị tẹẹ.

Hegayị 2:4

Kụma mịọkụ ó ḅioḅẹngbọ ḅịkị nyana ma, ọmịna ḅụụ ḅẹḅọ-ḅẹḅọ. Ọ́ kọrịnama mẹ kọrịị, kẹ gotẹ ọkọ ḅẹẹarị, yẹrị na ọmịnị na emi.

Hegayị 2:5

Ijiputi ḅụ ọ́ paka-ḅo sakị, à mininim mịnẹ sakị mamgba àrị ọmịnị na sime ḅa. À paa ọmịnị na emi, mie ḅụ ọ́ ḅalafa ma.”

Fịrịmẹnjịapụ 4:19

Kụma Pita na Jọnị na nwẹnị ịn pakịrị, “Ọmịnị ḅarana kọn ọmịna aḅụụ pịrịị, ndẹẹ maaịn ma ḅụ kuraye Tamụnọ tọrọkọ — ọmịna ḅịḅị poki mụnọọ, Tamụnọ ḅịḅị poki?

Ditẹrọnọmị 1:21

Ḍikii, KỊNỊNYANAḄỌ ọmịna Tamụnọ ḅe ama mẹ kẹ ọmịna tọrọkọ koroma tẹẹ; ọmịnị iwo muu, tẹ KỊNỊNYANAḄỌ ọmịna aḍapụ ma Tamụnọ ḅe ḍuko ọ́ pịrị ḅara ḅụ ọkị nyanaa; ọ́ ḅalafa, anịanịa, ḅụụ tukutuku nyana ma.

Ditẹrọnọmị 20:1

Ọmịnị ọmịnị na fịya-a apụ na ọmụgbin ḅẹ sakị, tẹ ọ́ tọnwa asụ na, kirimẹnjị-ọmụarụ na, ḍụḅa ọ́ soku-ḅẹ ọmụ-ogbo nẹngị ọmụ-ogbo na ẹrị-ẹrị, ọmịnị in ḍiki ḅalafaa ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị na emi, oriḅe tẹ Ijiputi ama mẹ ḅụ ó ḍikiḍiki pakama-ḅo ḅọ ḅe.

Ditẹrọnọmị 31:23

KỊNỊNYANAḄỌ ḅe kụrọ kẹ Jọsụwa, Nọnị owiḅọtụḅọ ḅe pịrịm, tẹ ḅẹẹm: Iḅi-ḅiokpọ ḅụ kụrọ sịẹsimee; kẹ gotẹ ọkọ ḅẹẹarị, ị́ Izirẹlị ḅẹ awọmẹ ma ọkị-ḅo ama mẹ tẹ à ye karị ḅara kẹ mininim à kẹ ịn pịrị ḅẹ ama mẹ ḅio suu ḅa; àrị ị́nịna sime ḅa.

Ditẹrọnọmị 31:28

Ọmịnị ọmịna afuro ma ḅẹ omongiapụ mamgba na, ọmịna fịrịmẹnjị-opuapụ na, kobiri ḅo gboloma ị̀ pịrịị, mịẹtẹ arị ịna aḅeri ḅio mịna ẹkwẹn-aḅịḅị ma kọn suu, tẹ So na Kiri na sịn ḅẹrẹ-kiri sime aị sọ ini ẹngbẹsẹ.

Jọsụwa 1:10

Anịtẹso Jọsụwa nwẹnị tọn Izirẹlị ḅẹ fịrịmẹnjị-opuapụ ma pịrị,

Jọsụwa 1:17

Wa wẹrịtẹ ye mamgba ḅụ Mozizi ḅịḅị poki ḅara, mie wa kẹ ị́ ḅịḅị poki ḅarị ḅara; KỊNỊNYANAḄỌ ị́ Tamụnọ ḅe kịngẹ paa ị́nịna simee, ọ̀ wẹrịtẹ Mozizi na sime-ḅara!

Jọsụwa 1:18

Ḅẹḅọ-ḅẹḅọ tẹ sịḅị-kụrọma ị́ tọn ye pịrị tẹ ị́ ẹkwẹn-aḅịḅị poki-a ḅọ, poki-a ḅọ ị́ tọn mḅọ pịrị ye goyegoye ḅụ, sime fịị pịrị ḅa. Ị́yẹrị kịngẹ paa kụrọ sịẹ tẹ iḅi ḅiokpọ nyana.”

Jọsụwa 10:25

Jọsụwa nwẹnị ịn ḅẹẹ, “Ọ́ ḅalafa, anịanịa ḅụụ-tukutuku nyana ma, ọ́ kụrọ sịẹsime tẹ iḅi ḅiokpọ nyanaa; kẹ gotẹ ọkọ ḅẹẹarị, mị ḅara mie KỊNỊNYANAḄỌ ḅe kẹ ọmịnị na fịya-a apụ mamgba, inima tẹ ọmịnị owu kẹ paka ḅarị apụ ma mịẹ ḅarị ḅara.”

Jọsụwa 10:8

KỊNỊNYANAḄỌ ḅe nwẹnị Jọsụwa ḅẹẹ, “Ịn ḍiki ḅalafa ma, kẹ gotẹ ọkọ ḅẹẹarị, àrị ịn kẹ ị́ ḅara-ḅio ḅụ ị́ pịrị tẹẹ; ịna aḅụụ gbọrụ owiḅọ sọ ị́ tọrọkọ ḅụ sịẹsime ḅịa.”

Jọsụwa 3:7

Tẹ KỊNỊNYANAḄỌ ḅe nwẹnị Jọsụwa ḅẹẹ, “Mịmgba ḅụ mie arị Izirẹlị mẹmgba tọrụ ogbo ḅụ ị́ saakị-gelema ḅarịye, mịẹtẹ ịn nimi ḅẹ ḅara mịnẹ, á wẹrịtẹ Mozizi na sime-ḅara anị ḅara mie àrị ị́nịna sime ḅarị ḅara.

Jọsụwa 6:27

Mị-ḅara mie KỊNỊNYANAḄỌ ḅe kẹ Jọsụwa na sime-ḅara; tẹ ori ereso nwẹnị opu ama mẹmgba ikelema-koro.

Jọsụwa 8:1

KỊNỊNYANAḄỌ ḅe nwẹnị Jọsụwa ḅẹẹ, “Ḅalafa, anịanịa ḅụụ-tukutuku ma; owu mẹ sọarị owiapụ mamgba ọkị ị́ ḅụụ sụa, tẹ saakị tẹ iwo Ayị muu. Ḍikii, à Ayị ḅẹ amadaḅọ ḅe na, ori atomi na, ori opu ama na, ori ama na kẹ ị́ ḅara-ḅio ị́ pịrị tẹ.

Ḅẹrẹkọn-apụ 6:14

KỊNỊNYANAḄỌ ḅe nwẹnị vuunma pịkị ọ̀ da tẹ ọ̀ ḅẹẹ, “Mie í gburo-gburotẹ ịnyọ mẹ ḅụ muu, tẹ Midiyanị ḅara ḅụ Izirẹlị ḍụa-ḅọrọmaa. Fịrị mẹ kẹ ị́ fịrịmarị ḅọ ḅe yẹrị-yaa?”

1 Samụẹlị 10:7

Mịọkụ mịna elekima ma ḅo ị́ na donia sakị, ị́ ḅara mịẹ ḅẹ ḍọkị ye ḍọkị ye mịẹ, kẹ gotẹ ọkọ ḅẹẹarị, Tamụnọ ị́ na emi.