Jọsụwa 1:8 - FỊAFỊA BAỊBỤLỤ

⁸ Mị Oloko Ḍiri mẹ ị́ ḅịḅị ḅụ so ma, kụma ḍin na eneḅaka na ḅụ anị kẹ ḅiokoroma, mịẹtẹ ị́ ḅụụ ẹbị tẹ anị ḅio anị wẹrịtẹ kẹẹ wararị ḅara mamgba mịẹ ḅẹ ḅara; kẹ gotẹ ọkọ ḅẹẹarị, anịrẹ mie í etela ị́nịna lolo ḅarịye, tẹ ị́ nwẹnị iḅiọkụ iḅi ḅara mịẹ ḅa.

Jọsụwa 1:8 Iomraidhean Croise

Suku-saakị 24:63

Gbọrụ ḅoḅiri-so ḅụ, Ayịzịkị ye kẹ ḅiokoroma ḅẹ tẹ piri etela ḅụ ḅụọ-sụn-arị ogbo, ọ̀ tọrụ saakị tẹ ḍiki kụma, tomi ike-sụa-anama ọgọnọ ḅoarị.

2 Paka-aị 26:5

Zẹkaraya Tamụnọ mangịma mẹ kẹ ò toluma ḅọ ḅe ene ma ḅụ, ori ọ̀ ḅụụ kẹ Tamụnọ ḍọkị pịrịm; anịsakị ọ̀ KỊNỊNYANAḄỌ ḅe ḍọkị sakị goyegoye, Tamụnọ ọ̀ mịẹ tẹ ò lolom.

Devidi-Anume 119:11

Àrị í oloko kokoarị ì ḅioḅẹngbọ ḅụ, mịẹ tẹ à si kẹ ị́ mịẹ ḅịa ḅara.

Devidi-Anume 119:15

Àrị ị́ tọnm à mịẹ ḅẹ aị ma ḍawọarị, àrị í toluma aị ma pekele-ḍikiarị.

Devidi-Anume 119:97

À kpọma í oloko mẹ ḅẹlẹmarị! Bebe ene mẹ ḅụ arị anị kẹ kuroma ḅụ suuarị.

Devidi-Anume 119:99

Ye kẹ ì toluma apụ mamgba sọ à yefieye naa ịn nẹngị tẹ, à mịẹ ḅẹ tẹ í ḍuko aị ma kẹ ḅioḅẹngbọ ḅụ pekele-ḍikiarị ẹrẹsị.

Devidi-Anume 19:14

Yei KỊNỊNYANAḄỌ, ị̀ ḅụụ-ḅọị-yọ pịkị ị̀ pakịrịḅọ, yee ị̀ ẹkwẹn ma na à kuromarị aị ma na ị́ tọrọkọ ọkị na-iḅi aị sọ!

Devidi-Anume 40:10

Amụ à ḅọrọma oku mẹ kẹ koko ị̀ ḅụụ wẹrịma-a; sakị mamgba ḅioḅẹngbọ kẹ ị́ ḅụụ gbana na-iḅim mẹ na ị́ ḅarasụa mẹ na à ḍuko tẹ. Ị́ atomi mamgba kobiri wararị anga ḅụ amụ à gbọsime-a, í sime iḅi ḅara mẹ na í kuno-a ḅẹlẹma na gbolomaye ḅụ.

Egberima-Ẹkwẹn 3:1

À kẹ í tolumarị ye kẹ ḅioḅọrọma ma, ị̀ tụḅọ. À ḍuko ị́ pịrịarị ị́ mịẹ ḅẹ ye mẹ kẹ sakị mamgba ḅiokoromaa.

Ayịzaya 59:21

Tẹ àrị ọḅọkụ kẹ ọmịnị na fịarị; arị ị̀ kụrọ na ì toluma aị na kẹ ọ́ pịrịarị, arị ọmịna aị sọ mu ḅẹẹ-sakị ḅẹẹ-sakị la ḅẹ ḅara; tẹ mịọkụ sakị tọrọkọ mu ḅụ, ọmịnị ị̀ ḅịḅị poki tẹ ọmịna awọmẹ na ọmịna furo-ḅẹ-apụ na toluma tẹ ini ị̀ ḅịḅị poki ḅa, tọrọkọ-jụ ḅo ḅarị sakị mamgba ḅụ.”

Matiyo 12:35

Iḅi tomḅọ mḅọ ḅioḅẹngbọ koko wararị iḅi aị ma pakama-ḅoarị; si tomḅọ pịkị mḅọ ḅioḅẹngbọ koko wararị si-aị ma pakama-ḅoarị.

Matiyo 28:20

tẹ ọ́ pịkị ye kẹ in toluma tẹ ini à tọn ọ́ pịrị ye goyegoye koko. Anịsakị yẹrị na ọmịnị na sakị mamgba sime ḅa, ọkị mu tomikiri mẹ ḅẹ kunoma la.”

Matiyo 7:21

“ ‘Ị̀ Nyanaḅọ, Ị̀ Nyanaḅọ’ kẹ ị̀ sịn-arị ḅọ goḅọ-goḅọ anie Tamụnọ Ama-da suku-ḅio simearị atomi ma ḅẹ gbọrụḅọ sọ ḅarị ḅọ-a, kụma ị̀ Ḍa So-ḅio simearị ḅọ ḅe ḅiiarị ye mịẹ ḅọ ngẹrị.

Matiyo 7:24

“Ọkọẹrẹsị, ḅẹḅọ-ḅẹḅọ tẹ mịna ị̀ ẹkwẹn ma naa tẹ arị koro ḅara mịẹ ḅọ mḅọ kịkarị ḅọ anie ye-nimi tomḅọ tẹ amịna warị kẹ ịkụ ọgọnọ nama ḅọ.

Luku 11:28

Kụma Jizọsị nwẹnị pakịrị, “Ọkọ fama-a, Tamụnọ ẹkwẹn mẹ naa tẹ anị ḍuko ḅara mịẹ apụ ma rẹ anie boma tẹ apụụ!”

Jọnị 13:17

Mịọkụ ọ́ mị karakara mẹ nimi tẹ ḅara, ọ́ tọ-ḅara na gbasị ḅara kẹ ḅioḅẹlẹ ḅẹ ọmịnị anị kẹ ọmịna mịẹ-mịẹye sọma kụma!

Jọnị 14:21

“Ì oloko ma ọkị tẹ arị ḅẹẹ ḅara mịẹarị ḅọ, mịẹarị ḅọ anie ị̀ ḅẹlẹmarịḅọ, ị̀ Ḍa ḅe ị̀ ḅẹlẹmaḅọ, ḅẹlẹmaḅọ ḅẹlẹma ḅa, yẹrị sọ mḅọ ḅẹlẹma tẹ ị̀ ḅụụ mịẹfinji mḅọ pịrị ḅa.”

Ẹfisọsị 4:29

Ó si kẹ ja apụ mịẹ ḅẹ ẹkwẹn kọn ma, kụma iḅi ẹkwẹn tẹ ḅarasụa tomḅọ pịrị ḅẹ ye, mịẹtẹ ọ́ kọọn ḅarị ẹkwẹn mẹ nama sịẹmarị ye sọ tẹ anị naa apụ iḅima ḅarị ḅara.

Ditẹrọnọmị 29:8

tẹ ịna ama ọkịm, tẹ anị kẹ sime-anga mịẹ Rubẹnị furo-ḅẹ-apụ na, Gadi furo-ḅẹ-apụ na, Manasẹ furo-ḅẹ-apụ kẹ maa anga ḍiya ḅẹ gbọrụ anga mẹ na pịrịm.

Ditẹrọnọmị 29:9

Anịẹrẹsị ọ́ mị ọḅọkụ mẹ ḅẹ ẹkwẹn-aḅịḅị ma mịẹ ḅẹ ḅara kẹ ḅụụ ẹbị-ẹbị, mịẹtẹ ọmịnị inetẹ ọ́ mịẹ ḅẹ aị mamgba ḅụ lolo ḅẹ ḅara.

Ditẹrọnọmị 30:14

Kụma ẹkwẹn-ḅịḅị mẹ anị kpọma ọmịnị na kpeki lama wararị; anị ọmịna ḅịḅị-ḅio na, ọmịna ḅioḅẹngbọ na ḅụ emi, anie mịẹtẹ ọmịnị inetẹ anị mịẹ ḅa.

Ditẹrọnọmị 31:11

Izirẹlị mẹmgba ḅo anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ ḅụ, ọ̀ tọrọkọ, ḅụụ kẹ ò ḍie ḅarị sakị mẹ ḅụ, ọmịnị Izirẹlị mẹmgba tọrọkọ ịn naarị ḅara kẹ mị Oloko mẹ go ḅa.

Ditẹrọnọmị 31:24

Mozizi gbọrụ ḍiri ḅio mị Oloko mẹ ḅẹ ẹkwẹn-aḅịḅị ma kẹẹ mu gbọrsịḅị anịḅẹ kunoma mẹ la fama tẹso,

Ditẹrọnọmị 5:1

Mozizi Izirẹlị mẹmgba sịn kobiri tẹ ịn ḅẹẹm, “Izirẹlịapụ ó poki yee! Ọ́ kẹẹ wararị oloko ma na tọn-pịrị-aị ma na tẹ à mịmgba ọ́ naarị ḅara kẹ ḍuko ọ́ pịrịarị aị ma naa, anịsakị ọmịnị arị ḍawọ tẹ ḅụụ ẹbị-bịtẹ arị mịẹ ḅa.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

Ditẹrọnọmị 5:32

Ọmịnị anịẹrẹsị ḅụụ ẹbị ḅa tẹ KỊNỊNYANAḄỌ ọmịna Tamụnọ ḅe wẹrịtẹ tọn ọ́ pịrị tẹ ḅara mịẹ ḅẹ ḅara; ọ́ tọrụ pịkị ama-ḅara, anịanịa ere-ḅara da ma.

Kọlọsị 3:16

Kịrayịsị oku mẹ na anị ḅẹ iḅi mẹmgba ọmịna aḅioḅẹngbọ ḅụ angaa. Nimi mẹmgba ḅụ ó ye kẹ jụmọ-jụmọ tolumaa. Ó Devidi nume mẹ ḅẹ aị na ja anume na fịafịa anume na suu; ó su Tamụnọ bomaa, ịmịẹtẹ-ḅẹẹ aḅioḅẹngbọ ḅụ.

Jọsụwa 1:7

Ị́yẹrị kịngẹ paa kụrọ sịẹ tẹ iḅiọkụ ḅiokpọọ, ị́ ḅụụ ẹbị tẹ ị̀ fịrịmẹnjịḅọ Mozizi tọn ị́ pịrị Oloko mẹmgba wẹrịtẹ sime-ḅara mịẹ; anị ḅụ pịkị ama-ḅara, anịanịa ere-ḅara da ma, mịẹtẹ í mu anga, mu anga ye iḅiọkụ ị́nịna iḅi ḅẹ ḅara.

Jọsụwa 8:34

Miemẹ ḅọrọ tẹso, Jọsụwa Oloko mẹ ḅẹ ẹkwẹn-aḅịḅị mamgba go famam, boma mẹ-o, wori-nume mẹ-o, Oloko Ḍiri mẹ ḅio arị wẹrịtẹ kẹẹ wararị ḅara mamgba.

Mịẹfinji 22:14

Amịna akapa sịkịrị fịafịama tẹ ẹrẹsị ḍumo sịn mgbọlụ mẹ fị kụrọ nyana tẹ, pịkị onu aḅọkọ ma ḅụ ḅọrọ opu ama mẹ ḅio sọ-mu ḅẹ apụ ma, ḅioḅẹlẹ sime ịn pịrịm.