Jọsụwa 1:7 - FỊAFỊA BAỊBỤLỤ

⁷ Ị́yẹrị kịngẹ paa kụrọ sịẹ tẹ iḅiọkụ ḅiokpọọ, ị́ ḅụụ ẹbị tẹ ị̀ fịrịmẹnjịḅọ Mozizi tọn ị́ pịrị Oloko mẹmgba wẹrịtẹ sime-ḅara mịẹ; anị ḅụ pịkị ama-ḅara, anịanịa ere-ḅara da ma, mịẹtẹ í mu anga, mu anga ye iḅiọkụ ị́nịna iḅi ḅẹ ḅara.

Jọsụwa 1:7 Iomraidhean Croise

1 Amadapụ 2:2

“À fịị ḅarị sakị mẹ ḅo laa tẹẹ. Ị́ ḅụụ ḅiokpọ nyana-a tẹ ye tọn-pẹlẹẹ,

1 Amadapụ 2:3

tẹ KỊNỊNYANAḄỌ ị́ Tamụnọ ḅe tọn ị́ pịrị aị mịẹ. Mozizi Oloko mẹ ḅio anị wẹrịtẹ kẹẹ wararị ḅara ḅụ ori oloko ma na ọ̀ tọn aị mamgba na ḅụ ọ̀ ḅịḅị pokii, mịẹtẹ í mu anga mu anga ḅụ ị́ mịẹ ye mịẹ ye lolo ḅarị ḅara.

2 Amadapụ 22:2

Ọ̀ KỊNỊNYANAḄỌ ḅe ḍiki-tọrụ ḅụ kuraye mịẹm tẹ ò Devidi mẹnjị etela mẹmgba ḅụ mẹnjị tẹ tọrụ pịkị ama-ḅara anịanịa ere-ḅara da-a.

1 Paka-aị 22:13

Anịtẹrẹmẹ mie ị́ lolo ḅarịye, ị́ ị́ ḅụụ ẹbị tẹ kẹẹ wararị oloko ma na, kụrọ Mozizi ḅara sime sakị KỊNỊNYANAḄỌ tọn Izirẹlị pịrị aị ma na kẹ elekima sụa-sụa. Kụrọ sịẹsimee, tẹ iḅi ḅiokpọ nyana-a. Ḅalafa ma; ḅụụ-tukutuku ma.

2 Paka-aị 15:7

Kụma ọmịnị, ó ḅiokpọọ! Ọ́ ḍụkụ tẹ ọmịna aḅara kọrị-kọrị ma, kẹ gotẹ ọkọ ḅẹẹarị, ọmịna kọrịnama mẹ ini anị gbẹẹ ḅa.”

2 Paka-aị 26:5

Zẹkaraya Tamụnọ mangịma mẹ kẹ ò toluma ḅọ ḅe ene ma ḅụ, ori ọ̀ ḅụụ kẹ Tamụnọ ḍọkị pịrịm; anịsakị ọ̀ KỊNỊNYANAḄỌ ḅe ḍọkị sakị goyegoye, Tamụnọ ọ̀ mịẹ tẹ ò lolom.

Jobu 1:8

KỊNỊNYANAḄỌ ḅe nwẹnị Ekwesu ḅe gbela, “Ị̀ fịrịmẹnjịḅọ Jobu ị́ ọ̀ kẹ ḅiokoroma tẹ mọ, mịnẹ tomikiri mẹ ḅụ ò pembema ḅụụ ḅụ ḅẹẹ-ḅẹẹye ofori karakara tomḅọ, tẹ ị̀ mangịma tẹ siye ḅụ ḅụụ sikima ḅelema ḅọ ofori?”

Devidi-Anume 80:19

KỊNỊNYANAḄỌ, kụrọmamgba nyana Tamụnọ, ị́ ọkụrụkụrụ kẹ wa ḍie, anịsakị wa ḅọrọma ḅa.

Egberima-Ẹkwẹn 4:27

Siye kọkọrọ tẹ da-da mẹnjị tọrọkọ muu. Karakara etela mẹ ḅụ, gbọrụ ḅụọ sọ kẹ gbisini so ma.

Egberima-Ẹkwẹn 8:20

Karakara mịẹ etela mie à mẹnjịarị; aḍụa ofori ḅẹrẹkọn etela ma mie à ḍuka-muarị,

Danẹlị 10:19

Ori mẹẹ, “Tamụnọ ị̀ ḅẹlẹmarị, anie ḅụ ḍụkụ tẹ gberie-sọ ị́ ḅụụ-ḅalaḅalama ma anịanịa ị́ tẹmẹ-naịn-naịnma.” Ò miemẹ ḍuko sakị, ị̀ ḅụụ-ḅio à nimi tẹ mịnẹ à pịkị osi ḅara nẹngị tẹẹ ḅẹẹm, Ị̀ nyanaḅọ, í ḍuko ḅẹ-ḅiiarị ye mẹ ḍuko ị̀ pịrịị. Ị́ ị̀ mịẹ tẹ ị̀ ḅụụ iḅi tarị ḅara nẹngị tẹẹ.

Kịẹn-aḅịḅị 27:23

tẹ ori ọ̀ ḅara kẹ ori ọgọnọ gbanam, tẹ kụrọ mẹ kẹ ọ̀ pịrịm KỊNỊNYANAḄỌ ḅe kẹ Mozizi ḅụ ḅọrọtẹ kẹ ọ̀ daa-karakarama ḅara.

Ditẹrọnọmị 11:8

Ọmịnị anịẹrẹsị oloko mamgba tẹ mịmgba à tọn ọ́ pịrị aị ma koko ḅa, mịẹtẹ ọmịnị ịnyọ nyana, tẹ sọ-mu tẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ọkị nyana ḅẹ ḅara.

Ditẹrọnọmị 12:32

À tọn ọ́ pịrị ye goyegoye ọ́ ḅụụ ẹbị-ẹbị tẹ anị mịẹ ḅa; ó ye kẹ anị ḅụ sụa, anịanịa ye sin ma.

Ditẹrọnọmị 28:14

tẹ ọmịnị ẹkwẹn-aḅịḅị ma tẹ mịmgba à tọn ọ́ pịrị aị ma ḅụ tọrụ-pịkị ama-ḅara, anịanịa ere-ḅara da tẹ mu fịrịmẹnjị oru-atamụnọ pịrị ḅẹ kẹ arị ḍukamẹnjị-a ḅẹḅẹ.

Ditẹrọnọmị 29:8

tẹ ịna ama ọkịm, tẹ anị kẹ sime-anga mịẹ Rubẹnị furo-ḅẹ-apụ na, Gadi furo-ḅẹ-apụ na, Manasẹ furo-ḅẹ-apụ kẹ maa anga ḍiya ḅẹ gbọrụ anga mẹ na pịrịm.

Ditẹrọnọmị 29:9

Anịẹrẹsị ọ́ mị ọḅọkụ mẹ ḅẹ ẹkwẹn-aḅịḅị ma mịẹ ḅẹ ḅara kẹ ḅụụ ẹbị-ẹbị, mịẹtẹ ọmịnị inetẹ ọ́ mịẹ ḅẹ aị mamgba ḅụ lolo ḅẹ ḅara.

Ditẹrọnọmị 31:7

Anịtẹso Mozizi nwẹnị Jọsụwa sịn, tẹ ọ̀ ḅẹẹ Izirẹlị mẹmgba tọrọkọ ḅụ, “Iḅi ḅiokpọ ḅụ kụrọ sịẹsime; kẹ gotẹ ọkọ ḅẹẹarị, ị́ mịna atomi ma na ama mẹ tẹ KỊNỊNYANAḄỌ ḅe kẹ ịna aḍapụ pịrị ḅẹ ye karị ḅara kẹ minini tẹ ama mẹ ḅio sọ-mu ḅa, tẹ ini anị nyana ḅẹ ḅara kẹ ị́ ịn koroma ḅa.

Ditẹrọnọmị 4:2

Ẹkwẹn mẹ tẹ arị ẹkwẹn tẹ tọn ọ́ pịrị ye mẹ ḅụ ó ye kẹ sụa, anịanịa ye sin ma; mịẹtẹ ọ́ KỊNỊNYANAḄỌ ọmịna Tamụnọ ḅe oloko ma tẹ à tọn ọ́ pịrị aị ma koko ḅẹ ḅara.

Ditẹrọnọmị 5:32

Ọmịnị anịẹrẹsị ḅụụ ẹbị ḅa tẹ KỊNỊNYANAḄỌ ọmịna Tamụnọ ḅe wẹrịtẹ tọn ọ́ pịrị tẹ ḅara mịẹ ḅẹ ḅara; ọ́ tọrụ pịkị ama-ḅara, anịanịa ere-ḅara da ma.

Jọsụwa 1:1

Mozizi, KỊNỊNYANAḄỌ ḅe fịrịmẹnjịḅọ ḅe fịị mẹ ḅọrọ tẹso, KỊNỊNYANAḄỌ ḅe nwẹnị Jọsụwa, Nọnị owiḅọtụḅọ, Mozizi ḅarasụaḅọ ḅe ḅẹẹ,

Jọsụwa 1:8

Mị Oloko Ḍiri mẹ ị́ ḅịḅị ḅụ so ma, kụma ḍin na eneḅaka na ḅụ anị kẹ ḅiokoroma, mịẹtẹ ị́ ḅụụ ẹbị tẹ anị ḅio anị wẹrịtẹ kẹẹ wararị ḅara mamgba mịẹ ḅẹ ḅara; kẹ gotẹ ọkọ ḅẹẹarị, anịrẹ mie í etela ị́nịna lolo ḅarịye, tẹ ị́ nwẹnị iḅiọkụ iḅi ḅara mịẹ ḅa.

Jọsụwa 1:9

À tẹmẹ la ḅara kẹ ẹkwẹn ị́ pịrị tẹẹ — iḅi ḅiokpọ nyana tẹ kụrọ sịẹẹ; ḅalafa nyana ma, anịanịa ḅio tukutuku; kẹ gotẹ ọkọ ḅẹẹarị, KỊNỊNYANAḄỌ ị́ Tamụnọ ḅe í mu anga, mu anga ḅụ ị́nịna emi ẹrẹsị.”

Jọsụwa 11:15

KỊNỊNYANAḄỌ ḅe wẹrịtẹ tọn tẹ kẹ ọ̀ fịrịmẹnjịḅọ Mozizi pịrị ḅara, mie Mozizi tọn Jọsụwa pịrị ḅara, tẹ anị ḅara mie Jọsụwa mịẹ ḅara KỊNỊNYANAḄỌ ḅe tọn Mozizi pịrị aị mamgba ḅụ ọ̀ mịẹ kọnma gberie-sọ ofori.

Jọsụwa 23:6

Anịẹrẹsị ọmịnị iḅiọkụ jike-a ḅara kẹ kụrọ-sịẹ, Mozizi Oloko ḍiri mẹ ḅio kẹẹ wararị ye mẹmgba koko tẹ anị mịẹ ḅụ, anị ḅụ pịkị ama-ḅara, anịanịa ere-ḅara da-a ḅara,