Jọsụwa 1:6 - FỊAFỊA BAỊBỤLỤ

⁶ Iḅi ḅiokpọ nyana tẹ kụrọ sịẹẹ; kẹ gotẹ ọkọ ḅẹẹarị, ị́ mịna tomi ma mịẹtẹ ịn mu ama mẹ tẹ à karịm à kẹ ịna aḍapụ ma pịrị ḅẹ ama mẹ ọkị nyana ḅa.

Jọsụwa 1:6 Iomraidhean Croise

Suku-saakị 12:7

Anịtẹso KỊNỊNYANAḄỌ ḅe nwẹnị ḅụụ pakama Ebiramụ ḍie tẹ ḅẹẹ, “ị́ ḅụụ ḅụ paka-ḅo apụ mie à mị ama mẹ kẹ pịrị ḅarị ye” Mie ḅụ ọ̀ nwẹnị gbọrụ agbamịẹ-anga nama kẹ KỊNỊNYANAḄỌ ḅe tẹ ḅụụ pakama ò ḍie ḅọ ḅe pịrị.

Suku-saakị 26:3

Igoni mẹ kẹ mị ama mẹ bịan, anịsakị arị ị́ na sime ḅa, tẹ í boma ḅa, kẹ gotẹ ọkọ ḅẹẹarị, mịna ama mamgba à kẹ ị́yẹrị na, í furo-ḅẹ-apụ na pịrị ḅa, anịsakị à ye karị ḅara kẹ minini ị́ ḍa Ebira-amụ pịrị ye mẹ à nwẹn mịẹ ḅa.

2 Samụẹlị 10:12

Iḅi ḅiokpọ nyana-a, tẹ yee wa owiapụ ḅara kẹ owu sọ wamịna atomi na, wamịna Tamụnọ opu ama ma na pịrị; anịsakị yee KỊNỊNYANAḄỌ ḅe ḍiki tẹ ori na iḅi ḅara, iḅi ḅara mịẹ.”

1 Amadapụ 2:2

“À fịị ḅarị sakị mẹ ḅo laa tẹẹ. Ị́ ḅụụ ḅiokpọ nyana-a tẹ ye tọn-pẹlẹẹ,

1 Paka-aị 22:13

Anịtẹrẹmẹ mie ị́ lolo ḅarịye, ị́ ị́ ḅụụ ẹbị tẹ kẹẹ wararị oloko ma na, kụrọ Mozizi ḅara sime sakị KỊNỊNYANAḄỌ tọn Izirẹlị pịrị aị ma na kẹ elekima sụa-sụa. Kụrọ sịẹsimee, tẹ iḅi ḅiokpọ nyana-a. Ḅalafa ma; ḅụụ-tukutuku ma.

1 Paka-aị 28:10

Ị́ ḅụụ ẹbịị mịọkụ, kẹ gotẹ ọkọ ḅẹẹarị, KỊNỊNYANAḄỌ ḅe ị́ gbọrụ warị nama ọ̀ fịafịa yọ mẹ pịrị ḅẹ gotẹ ị́ sẹlẹ-ọkị tẹ; kụrọ sịẹ, tẹ anị mịẹ.”

1 Paka-aị 28:20

Anịtẹso Devidi nwẹnị ori owiḅọtụḅọ Sọlọmọnị ḅẹẹ, “Kụrọ sịẹ iḅi ḅiokpọ ḅụ, tẹ anị kọrịị. Ḅalafa ma, ḅụụ-tukutuku ma; kẹ gotẹ ọkọ ḅẹẹarị, KỊNỊNYANA-TAMỤNỌ jen-a jen-a ị̀ Tamụnọ ị́ na emii. Ori í pikirima, anịanịa ị́ sịkị ḅịa nwenii KỊNỊNYANAḄỌ ḅe warị mẹ ḅụ kọrị na-iḅi kọrịnama mẹmgba kọrị fama ḅa.

2 Paka-aị 15:7

Kụma ọmịnị, ó ḅiokpọọ! Ọ́ ḍụkụ tẹ ọmịna aḅara kọrị-kọrị ma, kẹ gotẹ ọkọ ḅẹẹarị, ọmịna kọrịnama mẹ ini anị gbẹẹ ḅa.”

2 Paka-aị 20:11

ḍikii, ịn kẹ wa gbẹẹarị ye anie ínye mẹ tẹ ị́ kẹ wa pịrị nyana tẹ ye mẹ ḅụ ḅo wa dee-pakama.

2 Paka-aị 20:7

Yei wamịna Tamụnọ, ị́ ị́ atomi Izirẹlịapụ ma tọrọkọ mị ama mẹ nyana apụ ma dee-pakama tẹ anị kẹ ị́ ikiaḅọ Ebira-amụ ḅụụ paka-ḅo apụ ma pịrị gbamaso-a mọ?

Devidi-Anume 27:14

KỊNỊNYANAḄỌ ḅe kẹ ḅiokpọmaa. Ò mininii, ḅioḅẹngbọ ḅịkị ma. KỊNỊNYANAḄỌ ḅe kẹ ḅiokpọmaa.

Danẹlị 10:19

Ori mẹẹ, “Tamụnọ ị̀ ḅẹlẹmarị, anie ḅụ ḍụkụ tẹ gberie-sọ ị́ ḅụụ-ḅalaḅalama ma anịanịa ị́ tẹmẹ-naịn-naịnma.” Ò miemẹ ḍuko sakị, ị̀ ḅụụ-ḅio à nimi tẹ mịnẹ à pịkị osi ḅara nẹngị tẹẹ ḅẹẹm, Ị̀ nyanaḅọ, í ḍuko ḅẹ-ḅiiarị ye mẹ ḍuko ị̀ pịrịị. Ị́ ị̀ mịẹ tẹ ị̀ ḅụụ iḅi tarị ḅara nẹngị tẹẹ.

Hegayị 2:4

Kụma mịọkụ ó ḅioḅẹngbọ ḅịkị nyana ma, ọmịna ḅụụ ḅẹḅọ-ḅẹḅọ. Ọ́ kọrịnama mẹ kọrịị, kẹ gotẹ ọkọ ḅẹẹarị, yẹrị na ọmịnị na emi.

Zẹkaraya 8:9

“Ọ́ tẹmẹ kụrọmaa! Mịọkụ ọ́ naarị ẹkwẹn ma anie paa gbọrụ ẹkwẹn ma tẹ ini ị̀ Warị mẹ ḅẹ suku mẹ nama saakịarị sakị ịkịankoroapụ ma kọn ọ́ pịrị aị ma.

Kịẹn-aḅịḅị 26:53

“Mịna apụ ma mie sime-anga gotẹ ị́ ama ma ḍiema pịrị ḅarị apụ ẹrẹ, ẹrẹ ma kịẹn-ḅịḅị wẹrịtẹ la ḅara ḅụ.

Kịẹn-aḅịḅị 33:53

Anịsakị ọmịnị nwẹnị ịna ama mẹ nyana tẹ koro sịẹ ḅa anị ḅio, kẹ gotẹ ọkọ ḅẹẹarị, àrị ama mẹ kẹ ọ́ pịrị tẹẹ, ọmịnị anị nyana ḅẹ ḅara.

1 Kọrịntị 16:13

Ọmịnị ẹbịị; mininiye mẹ ḅụ ọ́ sịẹ-kụrọọ; ó ḅiokpọọ; ọ́ kụrọ-sịẹ.

Ẹfisọsị 6:10

Kunoma ye, ọmịnị ịnyọ sụa ḅinma, KỊNỊNYANAḄỌ ḅe na gbọrụ ḅụ sime na ori opu kụrọ mẹ ḅụ sịrẹrẹ na ḅụ.

Ditẹrọnọmị 1:21

Ḍikii, KỊNỊNYANAḄỌ ọmịna Tamụnọ ḅe ama mẹ kẹ ọmịna tọrọkọ koroma tẹẹ; ọmịnị iwo muu, tẹ KỊNỊNYANAḄỌ ọmịna aḍapụ ma Tamụnọ ḅe ḍuko ọ́ pịrị ḅara ḅụ ọkị nyanaa; ọ́ ḅalafa, anịanịa, ḅụụ tukutuku nyana ma.

Ditẹrọnọmị 1:8

Ḍikii àrị ama mẹ kẹ ọ́ pịrị tẹẹ; ọ́ sọ-muu, tẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ Ebira-amụ na, Ayịzịkị na, Jekọbụ na, ịn ḅọrọtẹ so ọkụma, kẹ ịna aḅụụ ḅụ paka-ḅo apụ ma pịrị nyana ḅẹ ama mẹ ọkị nyanaa.’ ”

Ditẹrọnọmị 11:8

Ọmịnị anịẹrẹsị oloko mamgba tẹ mịmgba à tọn ọ́ pịrị aị ma koko ḅa, mịẹtẹ ọmịnị ịnyọ nyana, tẹ sọ-mu tẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ọkị nyana ḅẹ ḅara.

Ditẹrọnọmị 31:23

KỊNỊNYANAḄỌ ḅe kụrọ kẹ Jọsụwa, Nọnị owiḅọtụḅọ ḅe pịrịm, tẹ ḅẹẹm: Iḅi-ḅiokpọ ḅụ kụrọ sịẹsimee; kẹ gotẹ ọkọ ḅẹẹarị, ị́ Izirẹlị ḅẹ awọmẹ ma ọkị-ḅo ama mẹ tẹ à ye karị ḅara kẹ mininim à kẹ ịn pịrị ḅẹ ama mẹ ḅio suu ḅa; àrị ị́nịna sime ḅa.

2 Timoti 2:1

Ị́yẹrị kịngẹ kụma, ị̀ tụḅọ, wa Kịrayịsị Jizọsị na gbọrụ ḅụ emi ye ḅụ ḅo wa laarị ḍiki-ḅụụjịrị mẹ ḅụ kụrọ-sịẹ simee.

Jọsụwa 1:18

Ḅẹḅọ-ḅẹḅọ tẹ sịḅị-kụrọma ị́ tọn ye pịrị tẹ ị́ ẹkwẹn-aḅịḅị poki-a ḅọ, poki-a ḅọ ị́ tọn mḅọ pịrị ye goyegoye ḅụ, sime fịị pịrị ḅa. Ị́yẹrị kịngẹ paa kụrọ sịẹ tẹ iḅi ḅiokpọ nyana.”

Jọsụwa 1:7

Ị́yẹrị kịngẹ paa kụrọ sịẹ tẹ iḅiọkụ ḅiokpọọ, ị́ ḅụụ ẹbị tẹ ị̀ fịrịmẹnjịḅọ Mozizi tọn ị́ pịrị Oloko mẹmgba wẹrịtẹ sime-ḅara mịẹ; anị ḅụ pịkị ama-ḅara, anịanịa ere-ḅara da ma, mịẹtẹ í mu anga, mu anga ye iḅiọkụ ị́nịna iḅi ḅẹ ḅara.

Jọsụwa 1:9

À tẹmẹ la ḅara kẹ ẹkwẹn ị́ pịrị tẹẹ — iḅi ḅiokpọ nyana tẹ kụrọ sịẹẹ; ḅalafa nyana ma, anịanịa ḅio tukutuku; kẹ gotẹ ọkọ ḅẹẹarị, KỊNỊNYANAḄỌ ị́ Tamụnọ ḅe í mu anga, mu anga ḅụ ị́nịna emi ẹrẹsị.”

Jọsụwa 10:25

Jọsụwa nwẹnị ịn ḅẹẹ, “Ọ́ ḅalafa, anịanịa ḅụụ-tukutuku nyana ma, ọ́ kụrọ sịẹsime tẹ iḅi ḅiokpọ nyanaa; kẹ gotẹ ọkọ ḅẹẹarị, mị ḅara mie KỊNỊNYANAḄỌ ḅe kẹ ọmịnị na fịya-a apụ mamgba, inima tẹ ọmịnị owu kẹ paka ḅarị apụ ma mịẹ ḅarị ḅara.”

Jọsụwa 13:6

tụndụ ọgọnọ ḅẹ opu sịẹ mẹ ḅụ simearị apụ mamgba Lẹbanọnị ḅụ ọkị mu Misirẹfọtimemu la, Sidọnị ḅẹ apụ mamgba sọ. Yẹrị ḅe ḅarana Izirẹlịapụ ma tọrọkọ in dee ḅa. À wẹrịtẹ tọn tẹ ḅara ḅụ, ị́yẹrị paa kiri mẹ ḍie Izirẹlị pịrị ini anị nyana tẹ sime ḅẹ ḅara.

Jọsụwa 18:3

Anieḅụ Jọsụwa nwẹnị Izirẹlịapụ ma ḅẹẹ, “Ó koru mu tọ-sakị la tẹrẹmẹ mu ama mẹ tẹ KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ?

Jọsụwa 21:43

Mị-ḅara mie KỊNỊNYANAḄỌ ḅe ama mẹmgba tẹ ò ye karị ḅara kẹ minini ịna aḍapụ ma pịrị ama mẹ kẹ Izirẹlị pịrị ḅara; ini anị ọkị nyana tẹso, ini anịjụ koro angam.

Jọsụwa 5:6

Kẹ gotẹ ọkọ ḅẹẹarị, Izirẹlị ḅẹ atomi ma kụra amesi kẹ ịkpa mẹ ḅio mẹnjịm, nwenii opu sịẹ mẹmgba ḅụ owu-akọnịapụ tẹ Ijiputi ḅụ paka-ḅo owiapụ ma fịị-faa famam, gbala ịn KỊNỊNYANAḄỌ ḅe pọkọ mẹ poki-a ẹrẹsị; KỊNỊNYANAḄỌ ḅe ye karị ịn pịrịm mịnẹ ò mininitẹ anị ama mẹ tẹ ḅụụ-ḅẹlẹmatẹ iḅiọkụma fịye so-pakamarị amakiri mẹ, tẹ KỊNỊNYANAḄỌ ḅe ye karị kẹ ịna aḍapụ pịrịm ọ̀ kẹ ịn pịrị ḅẹ ama mẹ ịn tọrụngbọ kẹ anị ẹrị ḅịa.

1 Samụẹlị 4:9

Ó ḅiokpọ nyana-a, tẹ owiapụ ḅara kẹ ọmịna aḅụụ mịẹ-pakamaa, yei mịẹ-pakamaa, yei Filisiteniapụ, anieofori ó ḅofa omoniapụ sọ Hiburu ḅịḅị fiearị apụ ma pịrị, ịn wẹrịtẹ omoni-sọ wa pịrị ḅara; ọmịnị owiapụ ḅara kẹ ọmịna aḅụụ mịẹ-pakama tẹ owu-sọọ.”