Jọsụwa 1:4 - FỊAFỊA BAỊBỤLỤ

⁴ Mị suku-jụ mẹ ḅụ simearị ịkpa mẹ na mị Lẹbanọnị mẹ na ḅụ ọkị nwenii mu Yuferetisi opu tọrụ mẹ la, Itayịti apụ ama mamgba ọkị mu Opu Tọrụ mẹ ḅụ ịrụa-ideriarị-anga muarị anga mẹ la, ọmịna ye-yọ sọ ḅa.

Jọsụwa 1:4 Iomraidhean Croise

1 Amadapụ 10:29

In kẹ Ijiputi ḅụ gbọrụ kirimẹnjị-ọmụarụ fịrịma ḅoarị ye seleḅa pakịrị ẹndẹ oyia asi finji (600), gbọrụ asụ anie seleḅa pakịrị sọnọma si, oyi finji (150); mị gbọrụ ḅara mẹ mịẹ ịn kẹ ịna ḅụụ ḅọrọtẹ mịna aị ma kẹ Itayịti ḅẹ amadapụ na, Siriya ḅẹ amadapụ mamgba na fịrịmarị ye.

1 Amadapụ 4:21

Sọlọmọnị ama-da kụrọ mẹ sịẹ mamgba anị ḅio emii Yuferetisi Tọrụ mẹ ḅụ ọkị mu Filisiteni laa, saakị mu Ijiputi ama anga mẹmgba laa. Ò ḍumo mẹmgba ḅụ ini ama-oso-igbigi kẹ ọ̀ gbẹm tẹ pịkị ò suku-ḅio simem.

1 Paka-aị 18:3

Devidi pịkị Adadeza, Zoba ḅẹ amadaḅọ nẹngịmam ori Hamatị la ḅẹ-muarị ogbo, ọ̀ gbala mu ọ̀ ḅẹrẹtọn mịẹ-pakama ḅẹ-muarị Yuferetisi tọrụ ḅụ.

1 Paka-aị 5:9

Ịna opu anama ma Gilẹdị ama mẹ ḅio lolo-kamam ẹrẹsị, ori anga mu ịkpa mẹ sọ-muarị anga ḅụ ịrụa-saakịarị-anga, anie Yuferetisi pakịrị mẹ sọ lam.

Ẹzịra 4:20

Gburo-gburotẹ opu amadapụ Jeruselemu ḅụ ama-da tẹẹ, tẹ pịkị Opu Tọrụ mẹ akaka simearị ama ma da, nwẹnị pịkị ịna aḅara sịẹ kẹ jen sịẹ gbẹẹarị igbigi na, fịrịma-ḅo ngọ sịḅị ḅẹ igbigi na, opu etela ḅụ mẹnjị-ḅọrọ gbẹẹ-gbẹẹ igbigi na daa-ọkịm.

Paka-so 23:31

Anịsakị àrị ọmịna oke pakama ḅa Awụ Tọrụ mẹ ḅụ saakị mu Filisiteniapụ ma la, pịkị Ịkpa mẹ ḅụ saakị mu Yuferetisi la; gbala àrị ama mẹ ḅio angarị apụ ma ḅọrọma ọmịna ḅara-ḅio suu ḅa, tẹ ọmịnị ọmịna tọrọkọ ḅụ ịn dee-pakama ḅa ẹrẹsị.

Ditẹrọnọmị 1:7

Miemẹ ẹrẹsị ọ́ saakịị, tẹ mẹnjị tọrọkọ Amọrayịtị apụ ma tụndụ ọgọnọ ḅẹ opu sịẹ mẹ na anị na kpeki tẹ angarị apụ mamgba na ama ma muu — anie Jodanị tụndụ suku-ḅio na, ḅẹ opu sịẹ mẹ na, lẹgịtẹ-kiri mẹ ḅẹ ama mẹ na, Samụnọtẹ Kiri ḅẹ mẹ na, opu tọrụ mẹ agara mẹ na, Kenanị ḅẹ apụ ma ama mẹ na, Lẹbanọnị na ọkị mu opu tọrụ mẹ jụjụ-ḅio Yuferetisi Tọrụ mẹ la.

Ditẹrọnọmị 11:24

Ḅẹ yọ, ḅẹ yọ tẹ ọmịna aḅụọ-kuḅu sịẹtẹ mẹnjị-ḅọrọ-anga goyegoye sime ọ́ pịrị ḅa; ọmịna ye-yọ ịkpa mẹ ḅụ ọkị mu Lẹbanọnị la ḅa, pịkị Tọrụ mẹ, Yuferetisi Tọrụ mẹ ḅụ ọkị mu ịrụa-ideriarị-anga ḅẹ opu tọrụ mẹ la ḅa.

Ditẹrọnọmị 3:25

Yee à saḅa-ḅọrọ tẹ Jodanị mẹ ọgọnọ-jụ ḅụ simearị iḅi ama mẹ, anị tụndụ ọgọnọ ḅẹ iḅi opu sịẹ mẹ na, Lẹbanọnị na ẹrị, arị ị́ tẹkẹm.

Mịẹfinji 9:14

Pọkọ mẹ nwẹnị sonio karama enjẹlị ḅe ḅẹẹ, “Ini enjẹlị ma tẹ ịn kẹ Yuferetisi opu tọrụ mẹ ḅụ kpọọ wẹrị apụ ma fimaa!”