Jọsụwa 1:2 - FỊAFỊA BAỊBỤLỤ

² “Mozizi ị̀ fịrịmẹnjịḅọ ḅe ọ̀ fịị tẹ; anịẹrẹsị mịọkụ saakị mị Jodanị mẹ saḅa-ḅọrọọ, ị́yẹrị na mịna atomi mamgba na tẹ anị ama mẹ tẹ à kẹ ini Izirẹlịapụ ma pịrịarị ama mẹ ḅio sọ-muu.

Jọsụwa 1:2 Iomraidhean Croise

Suku-saakị 17:8

Anịsakị ọmịnị igoni ḅara kẹ angarị ama mẹ, Kenanị ama mẹmgba à kẹ ị́yẹrị na, ị́ ḅọrọ tẹso, í furo-ḅẹ-apụ na pịrị ḅa, anị nyana gbamaso ḅara ḅụ, tẹ arị ịna Tamụnọ sọ ḅa.”

Nehimaya 9:23

So-tọrụ ḅẹ lolia ḅin ḅara kẹ ị́ mịẹtẹ ịna ḅụụ paka-ḅo apụ kamam; tẹ ị́ ịn kẹ ḅo ḍuko ịna ḍapụ pịrịm, in so tẹ nyana ḅẹ ama mẹ ḅio koromam.

Jobu 1:8

KỊNỊNYANAḄỌ ḅe nwẹnị Ekwesu ḅe gbela, “Ị̀ fịrịmẹnjịḅọ Jobu ị́ ọ̀ kẹ ḅiokoroma tẹ mọ, mịnẹ tomikiri mẹ ḅụ ò pembema ḅụụ ḅụ ḅẹẹ-ḅẹẹye ofori karakara tomḅọ, tẹ ị̀ mangịma tẹ siye ḅụ ḅụụ sikima ḅelema ḅọ ofori?”

Ayịzaya 42:1

KỊNỊNYANAḄỌ ḅe mẹẹ: Ị̀ fịrịmẹnjịḅọ mịanga emi, anie à mịẹ kụrọmarị ḅọ ḅe À sẹlẹ ọkị gbọrụḅọ ḅe, mịẹ ị̀ ḅụụ-ḅẹlẹma ḅọ ḅe, Àrị ị̀ tẹmẹ kẹ ọ̀ ḅụụ ḅio suu ḅinma tẹ, Ọ̀ karakara ḅẹrẹkọn ọkị-ḅo sịẹ-sịẹ ma pịrị ḅa.

Kịẹn-aḅịḅị 12:7

Ị̀ fịrịmẹnjịḅọ Mozizi ḅụ anị ọkọ sime-a; ì bebe warị mẹmgba à kẹ ọ̀ ḅara sụam.

Ditẹrọnọmị 3:28

Kụma tọn Jọsụwa pịrịị, ò ḅiokpọmaa, ịnyọ kẹ ọ̀ pịrịị; kẹ gotẹ ọkọ ḅẹẹarị, ori mie mị atomi ma kẹ sịḅịda tẹ kẹ saḅa ḅarịye, anịsakị ori mie ama mẹ tẹ ị́ ẹrị ḅarịye mẹ ḅio ịn kẹ suu tẹ ịn nyana ḅarịye.

Ditẹrọnọmị 31:7

Anịtẹso Mozizi nwẹnị Jọsụwa sịn, tẹ ọ̀ ḅẹẹ Izirẹlị mẹmgba tọrọkọ ḅụ, “Iḅi ḅiokpọ ḅụ kụrọ sịẹsime; kẹ gotẹ ọkọ ḅẹẹarị, ị́ mịna atomi ma na ama mẹ tẹ KỊNỊNYANAḄỌ ḅe kẹ ịna aḍapụ pịrị ḅẹ ye karị ḅara kẹ minini tẹ ama mẹ ḅio sọ-mu ḅa, tẹ ini anị nyana ḅẹ ḅara kẹ ị́ ịn koroma ḅa.

Ditẹrọnọmị 34:5

Anieḅụ Mozizi, KỊNỊNYANAḄỌ ḅe fịrịmẹnjịḅọ ḅe anịjụ, Mohabụ ḅẹ ama mẹ ḅio fịịm, KỊNỊNYANAḄỌ ḅe ẹkwẹn-ḅịḅị mẹ wẹrịtẹ ḅẹẹ ḅara,

Jọsụwa 1:1

Mozizi, KỊNỊNYANAḄỌ ḅe fịrịmẹnjịḅọ ḅe fịị mẹ ḅọrọ tẹso, KỊNỊNYANAḄỌ ḅe nwẹnị Jọsụwa, Nọnị owiḅọtụḅọ, Mozizi ḅarasụaḅọ ḅe ḅẹẹ,

Jọsụwa 1:11

“Ó tomi ma ogbo ḅio mẹnjị tolu tẹ tọn ịn pịrị, ‘Ọmịnị ọ́ fị ḅẹ fịye ḍọkị wẹrịị, kẹ gotẹ ọkọ ḅẹẹarị, tẹra aḍin sakị ḅụ ọ́ mị Jodanị mẹ saḅa-ḅọrọ ḅa, tẹ mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrịm ọ́ nyana ḅẹ ama mẹ sọ-mu ḅa.’ ”