Jọsụwa 1:16 - FỊAFỊA BAỊBỤLỤ

¹⁶ Tẹ ịn nwẹnị Jọsụwa pakịrị, “Ị́ tọn wa pịrị aị mamgba wa mịẹ ḅa, anịsakị ị́ wa kẹ fịrịma anga, fịrịma anga wa mu ḅa.

Jọsụwa 1:16 Iomraidhean Croise

Ẹzịra 10:4

Saakị, kẹ gotẹ ọkọ ḅẹẹarị, miemẹ anie ị́ kọrịnama, anịsakị wa ị́nịna emi; kụrọ sịẹ tẹ anị mịẹ”.

Kịẹn-aḅịḅị 32:25

Gadi owiapụ-awọmẹ ma na, Rubẹnị owiapụ-awọmẹ ma na nwẹnị Mozizi ḅẹẹ, “Ị́ afịrịmẹnjịapụ wa nyanaḅọ ḅe tọn ḅara mịẹ ḅa.

Kịẹn-aḅịḅị 32:31

Gadi owiapụ-awọmẹ ma na, Rubẹnị owiapụ-awọmẹ ma na nwẹnị pakịrị, “KỊNỊNYANAḄỌ ḅe kẹ ị́ afịrịmẹnjịapụ ḅẹẹ tẹ ḅara, anị ḅara mie wa mịẹ ḅarị ḅara.

Ditẹrọnọmị 34:9

Nimi tẹmẹ mẹ nwẹnị Jọsụwa, Nọnị owiḅọtụḅọ ḅe ḅụụ sọ ḅin; gbala Mozizi ori aḅara kẹ ori ọgọnọ gbana tẹ ẹrẹsị; anieḅụ Izirẹlị ḅẹ apụ ma ọ̀ ḅịḅị pokim, tẹ KỊNỊNYANAḄỌ ḅe wẹrịtẹ tọn Mozizi pịrị ḅara mịẹm.

Ditẹrọnọmị 5:27

Sọma mu kpekii, tẹ KỊNỊNYANAḄỌ wamịna Tamụnọ ḅe ḍuko ḅẹ aị mamgba naa; tẹ KỊNỊNYANAḄỌ wamịna Tamụnọ ḅe ḍuko ị́ pịrị ḅarị aị mamgba ḍuko wa pịrị; anịsakị wa arị naa tẹ mịẹ ḅa.

Tayịtọsị 3:1

Kẹ ị́ atomi ma ḅiokoroma tẹ ịn sịḅị-tuu ḅẹrẹtọn-apụ na, kụrọ-ḅara ḅụ simearị apụ na pịrị, tẹ ịna ḅịḅị poki, pịkị tẹlẹma tẹ iḅiye goyegoye mịẹ, ḅọkọ, ḅọkọ ḅụ.

Jọsụwa 1:15

nwenii KỊNỊNYANAḄỌ ḅe ịnyọsara kẹ ọmịna amịnapụ na ọmịnị na pịrị ḅa, anịsakị ịn nwẹnị pịkị anị ama mẹ tẹ KỊNỊNYANAḄỌ ḅe kẹ ịn pịrịarị ama mẹ nyana ḅa; anịtẹrẹmẹ mie ọ́ pịkịma ọ́ nyana ama mẹ ḅo tẹ anị nyana ḅarịye, ama mẹ tẹ Mozizi KỊNỊNYANAḄỌ ḅe fịrịmẹnjịḅọ ḅe Jodanị saḅa-koro ḅụ kẹ ọ́ pịrị ama mẹ ịrụa-saakịarị-anga mẹ da mu anga ḅụ.”

Jọsụwa 1:17

Wa wẹrịtẹ ye mamgba ḅụ Mozizi ḅịḅị poki ḅara, mie wa kẹ ị́ ḅịḅị poki ḅarị ḅara; KỊNỊNYANAḄỌ ị́ Tamụnọ ḅe kịngẹ paa ị́nịna simee, ọ̀ wẹrịtẹ Mozizi na sime-ḅara!