Jọsụwa 1:1 - FỊAFỊA BAỊBỤLỤ

¹ Mozizi, KỊNỊNYANAḄỌ ḅe fịrịmẹnjịḅọ ḅe fịị mẹ ḅọrọ tẹso, KỊNỊNYANAḄỌ ḅe nwẹnị Jọsụwa, Nọnị owiḅọtụḅọ, Mozizi ḅarasụaḅọ ḅe ḅẹẹ,

Jọsụwa 1:1 Iomraidhean Croise

1 Amadapụ 19:16

Izirẹlị ḅẹ amadaḅọ sọ ḅarị ḅọ ḅara ḅụ pulo kẹ Nimisi owiḅọtụḅọ Jehu sịḅị saraa, pịkị í kiri ọkị ḅẹ ịkịankoroḅọ ḅara ḅụ pulo kẹ Ebẹlị-mẹhola ḅẹ Safatị owiḅọtụḅọ Ịlayịsa sịḅị saraa.

2 Amadapụ 3:11

Jehosafatị nwẹnị gbela, “Mịanga KỊNỊNYANAḄỌ ḅe ịkịankoroḅọ tẹ wa ḅụụ ḅụ ḅọrọtẹ KỊNỊNYANAḄỌ ḅe gbela ḅẹ ḅọ ofori?” Anịtẹso Izirẹlị ḅẹ amadaḅọ ḅe afịrịmẹnjịapụ ma ḅẹ gbọrụḅọ nwẹnị pakịrị, “Ịlayịsa Safatị owiḅọtụḅọ ḅe tẹ ḅarasụa Ịlayịja pịrị-pịrị ḅọ ḅe mịanga emii.”

Nehimaya 8:17

Kobiri-ogbo mẹmgba tẹ kun-ḅara mẹ ḅụ pịkịma-ḅo apụ ma igurugu awarị namam tẹ igurugu awarị ma ḅio angam; Nọnị owiḅọtụḅọ Jọsụwa ene ḅụ ọkị-ḅo anị ene mẹ la Izirẹlịapụ ma amụ ọkọ mịẹ-a. Gburo-gburotẹ ḅioḅẹlẹ nwẹnị paka.

Paka-so 24:13

Mie ḅụ Mozizi ò fịrịmẹnjịḅọ jọsụwa kẹ ọ̀ ḅụụ sụa tẹ saakịm tẹ Mozizi Tamụnọ Tụndụ mẹ kpọlị iwom.

Kịẹn-aḅịḅị 11:28

Jọsụwa, Nọnị owiḅọtụḅọ ḅe tẹ Mozizi sẹlẹ-ọkị tẹ ḅarasụa ọ̀ pịrịarị owiapụ ma ḅẹ gbọrụḅọ nwẹnị ḅẹẹ, “Mozizi, ị̀ nyanaḅọ, in dasịẹmaa.”

Kịẹn-aḅịḅị 12:7

Ị̀ fịrịmẹnjịḅọ Mozizi ḅụ anị ọkọ sime-a; ì bebe warị mẹmgba à kẹ ọ̀ ḅara sụam.

Kịẹn-aḅịḅị 13:16

Mịna ẹrẹ ma anie owiapụ ma tẹ Mozizi fịrịma pakamam mu ama mẹ ẹnyẹ nwẹn ḅẹẹ owiapụ ma ẹrẹ. Mozizi nwẹnị Nọnị owiḅọtụḅọ Hosiya mẹ ḍima tẹ Jọsụwa kẹ ọ̀ sịn.

Kịẹn-aḅịḅị 13:8

Iferemu furo ḅụ, Hosiya, Nọnị owiḅọtụḅọ ḅe.

Luku 16:10

Boowa kalịye ọlọ kpaịnma ḅọ pịkị tọnwa aị ọlọ kpaịnma ḅa; ye kalịye ọlọ kpaịnma-a ḅọ pịkị tọnwa aị ọlọ kpaịnma ḅịa.

Fịrịmẹnjịapụ 7:45

Sakị ḅọrọ tẹso, wamịna atẹngịapụ ma ịna aḍapụ ḅara akpụrụ-warị mẹ daa-ọkịm, tẹ anị dogi tẹ Jọsụwa na mẹnjị mu Tamụnọ dee-siin apụ ma ama ma ọkị ịna nye sọmam. Anịanga anị sime nwenii mu Devidi ḅụọ lam.

Romu 1:1

Pọlụ, Kịrayịsị Jizọsị fịrịmẹnjịḅọ ḅe, anie Tamụnọ sẹlẹ-ọkịm mịnẹ ori Iḅi-Oku mẹ ḍuko wasama ḅẹ ḅọ ḅe, mie mị ḍiri mẹ kẹẹ tẹ kẹ ọ́ fịrịma ye.

Ditẹrọnọmị 1:38

Jọsụwa, Nọnị owiḅọtụḅọ ḅe tẹ ọmịna tọrọkọ sịẹsime wararị ḅọ ḅe, ori ọ̀ sọ-mu ḅa; mịẹ tẹ ò ḅiokpọ, kẹ gotẹ ọkọ ḅẹẹarị, ori Izirẹlị mịẹ tẹ ini anị nyana ḅa.

Ditẹrọnọmị 31:23

KỊNỊNYANAḄỌ ḅe kụrọ kẹ Jọsụwa, Nọnị owiḅọtụḅọ ḅe pịrịm, tẹ ḅẹẹm: Iḅi-ḅiokpọ ḅụ kụrọ sịẹsimee; kẹ gotẹ ọkọ ḅẹẹarị, ị́ Izirẹlị ḅẹ awọmẹ ma ọkị-ḅo ama mẹ tẹ à ye karị ḅara kẹ mininim à kẹ ịn pịrị ḅẹ ama mẹ ḅio suu ḅa; àrị ị́nịna sime ḅa.

Ditẹrọnọmị 31:3

KỊNỊNYANAḄỌ ọmịna Tamụnọ ḅe ḅioju ḅarana tarị ọmịna tọrọkọ saḅa-ḅọrọ mu ḅa; ori ọmịna tọrọkọ mịna opu asịẹ ma fama ḅa, mịẹtẹ ọmịnị ịn aḅara ịn nyana aị ọkị ḅẹ ḅara; anịsakị KỊNỊNYANAḄỌ ḅe wẹrịtẹ ḍuko tẹ ḅara, Jọsụwa saḅa mu ọmịna sịḅịda ḅa.

Ditẹrọnọmị 33:1

Mie boma mẹ tẹ Mozizi Tamụnọ Fịrịmẹnjịḅọ ḅe tẹrẹmẹ ọ̀ fịị, kẹ Izirẹlị ḅẹ awọmẹ ma boma boma mẹ.

Ditẹrọnọmị 34:12

Anịsakị opu kụrọ mẹmgba na, gburo-gburotẹ tẹmẹ-naịn-naịnma amịẹaị tẹ Mozizi Izirẹlị ḅẹ apụ mamgba tọrọkọ ḅụ mịẹ aị ma ḅụ ò pembema ḅọ ofori.

Ditẹrọnọmị 34:5

Anieḅụ Mozizi, KỊNỊNYANAḄỌ ḅe fịrịmẹnjịḅọ ḅe anịjụ, Mohabụ ḅẹ ama mẹ ḅio fịịm, KỊNỊNYANAḄỌ ḅe ẹkwẹn-ḅịḅị mẹ wẹrịtẹ ḅẹẹ ḅara,

Ditẹrọnọmị 34:9

Nimi tẹmẹ mẹ nwẹnị Jọsụwa, Nọnị owiḅọtụḅọ ḅe ḅụụ sọ ḅin; gbala Mozizi ori aḅara kẹ ori ọgọnọ gbana tẹ ẹrẹsị; anieḅụ Izirẹlị ḅẹ apụ ma ọ̀ ḅịḅị pokim, tẹ KỊNỊNYANAḄỌ ḅe wẹrịtẹ tọn Mozizi pịrị ḅara mịẹm.

Tayịtọsị 1:1

Pọlụ, Tamụnọ omoniḅọ, pịkị Jizọsị Kịrayịsị fịrịmẹnjịḅọ. Tamụnọ ị̀ sẹlẹ tẹ ị̀ fịrịmam à mu Tamụnọ atomi ma minini mịẹ kụrọma, tẹ ịn kẹ mu wamịna Tamụnọ nimi etela mẹ tolumarị karakara mẹ lamaa,

Jemụsị 1:1

Jemusị, Tamụnọ na KỊNỊNYANAḄỌ Jizọsị Kịrayịsị na fịrịmẹnjịḅọ ḅe ḅara ḅo ḍiri mẹ: Ḅii-ḅịḅị sime Tamụnọ atomi ma tẹ bebe tomikiri mẹ ḅụ gala-gala wararị apụ mamgba pịrịị.

Jọsụwa 1:15

nwenii KỊNỊNYANAḄỌ ḅe ịnyọsara kẹ ọmịna amịnapụ na ọmịnị na pịrị ḅa, anịsakị ịn nwẹnị pịkị anị ama mẹ tẹ KỊNỊNYANAḄỌ ḅe kẹ ịn pịrịarị ama mẹ nyana ḅa; anịtẹrẹmẹ mie ọ́ pịkịma ọ́ nyana ama mẹ ḅo tẹ anị nyana ḅarịye, ama mẹ tẹ Mozizi KỊNỊNYANAḄỌ ḅe fịrịmẹnjịḅọ ḅe Jodanị saḅa-koro ḅụ kẹ ọ́ pịrị ama mẹ ịrụa-saakịarị-anga mẹ da mu anga ḅụ.”

Jọsụwa 1:2

“Mozizi ị̀ fịrịmẹnjịḅọ ḅe ọ̀ fịị tẹ; anịẹrẹsị mịọkụ saakị mị Jodanị mẹ saḅa-ḅọrọọ, ị́yẹrị na mịna atomi mamgba na tẹ anị ama mẹ tẹ à kẹ ini Izirẹlịapụ ma pịrịarị ama mẹ ḅio sọ-muu.

Jọsụwa 12:6

Mozizi KỊNỊNYANAḄỌ ḅe fịrịmẹnjịḅọ ḅe na, Izirẹlịapụ ma na ịn nẹngịmam. Mozizi KỊNỊNYANAḄỌ ḅe fịrịmẹnjịḅọ ḅe nwẹnị ịna ama mẹ kẹ Rubẹnị na, Gadi na, afuro ḅẹ apụ na, Manasẹ furo mẹ kẹ maa anga ḍiya ḅẹ gbọrụ pakịrị ḅe apụ na pịrị ini anị ọkị tẹ anị nyana.

Mịẹfinji 1:18

Yẹrị anie ḍumo wararị ḅọ ḅe! À fịịm, kụma mịọkụ à ḍumo wararị, mu ḅẹ sakị ḅẹ sakị la. À kụrọ nyana wararị fịị ḅụ, pịkị Ḍuḅu ḅio ḅụ.