Jerimaya 9:8 - FỊAFỊA BAỊBỤLỤ

⁸ ịna ḅịḅị-ḅio-ḅẹ aḅẹlẹ ma kịnị-ḅaaḅa ye nyana wararị aḍịẹịn ọkụ; sakị mamgba arị iruo aị ḍukoarị. Ọrụḅọ-ọrụḅọ ikia ḅara kẹ ẹkwẹn kẹ mḅọ na kpeki tẹ anga ḅọ pịrịarị kụma karakaramatẹ ḍiein mie mḅọ tuu ọ̀ pịrịarị.

Jerimaya 9:8 Iomraidhean Croise

2 Samụẹlị 3:27

Abịna pịkịma-ḅo Hẹbụrọnị la tẹso, Johabụ nwẹnị ḅeri-ḅio ḅeri-ḅio ẹkwẹn ọ̀ pịrị ḅẹ ḅara kẹ ori ọkị akaka pịrị ogigo-ḅọkọ mẹ ogboku, tẹ nwẹnị anịjụ ò furo ḅụ ogie kẹ ò temi, anieḅụ ọ̀ nwẹnị fịị; ò iyimbere Asahẹlị sịḅị ẹrẹsị.

Devidi-Anume 12:2

Inimgba iruo jụmọ-jụmọ pịrịarị: ịn kịnị furuma-ẹkwẹn kẹ oḅori kẹ ọrụḅọ-ọrụḅọ sịn-arị.

Devidi-Anume 12:3

Yei KỊNỊNYANAḄỌ, furuma-ẹkwẹn ma kọn-arị aḅẹlẹ ma mịẹ tẹ arị gbọsime! Ḅụụ-bomarị aḅịḅị ma gbaịn, ini mẹ,

Devidi-Anume 120:3

Ọmịnị iruo apụ, ndẹẹ Tamụnọ kẹ ọ́ mịẹ ḅẹ ye? Ndẹẹ ọ̀ kẹ ọ́ pịrị ḅẹ fomu-ḅara?

Devidi-Anume 28:3

Ị̀ kẹ si-sịḅịḅio-sụapụ ma ḅụ sụa ḅẹrẹ-ḅarasii-apụ ḅẹ ma, ini ma tẹ siye mịẹarị apụ ma: ini ma tẹ ikia ḅara kẹ ẹkwẹn-arị, kụma ḍiki-ḅioḅu ịna aḅioḅẹngbọ emi apụ ma.

Devidi-Anume 35:20

Ini ikiapụ ḅara kẹ ẹkwẹn-a: anie nakara iruo aị mie in kuroma ḅo tẹ kẹ dein ḅẹlẹmarịapụ ma ḅụ ḍukoarị.

Devidi-Anume 55:21

Ori ẹkwẹn lọkọ bọta nẹngịm, kụma ò ḅioḅẹngbọ ḅụ ḍiki-ḅioḅu simem; ori ẹkwẹn olo sịnịnị ḅara sịnịnịm, kụma anị okologie oḅu ḅara oḅum.

Devidi-Anume 57:4

Si kẹ kịnị tọn-arị apụ ma ì gbori-ikelema tẹ, anie tomi pẹị, pẹị ọkụkụ ma kịkarị apụ ma. Ịna aka ma ḅẹkẹrẹ ma na ḍịn ma na kịkarị ịna aḅẹlẹ ma okologie ma oḅu ḅara oḅuarị.

Devidi-Anume 62:5

Tamụnọ ngẹrị ḅụ mie à sịrẹrẹ wararị; ori mie à kẹ ḅiokpọmarị.

Devidi-Anume 64:8

Ịn kọn-arị ẹkwẹn ma ẹrẹsị ori ịn ḅaa guluguluma ḅa; ini ẹrị apụ mamgba amịna asịḅị jike ḅa.

Egberima-Ẹkwẹn 25:18

Tomḅọ mịẹ-a ye kẹ mḅọ sịḅị sịn mẹ, anị okologie, anịanịa mgbele, anịanịa oḅuarị ḍiein kịnị-ḅaaḅa ḅara kẹ tomḅọ ḅaarị.

Jerimaya 5:26

Si atomi ì atomi ogboku angarị, ịn ḅọị tẹ koruarị ḅara ịgbọ kẹ feni tuu apụ ẹbị ḅara, kụma in tuu ḍiein mẹ tomi mie ịn kẹ kun ḅẹ ye.

Jerimaya 5:9

Mịna aị ma gotẹ à fomu-ḅara kẹ ịn pịrị na-iḅi-a, à gbẹẹfị fị na-iḅi-a nwẹn sime sịẹ ḅụ?

Jerimaya 9:3

Sakị mamgba ịn tẹlẹma wararị iruo aị ḍuko; karakara nakara kịnị mingirima mie ama kiri mẹ daarị. KỊNỊNYANAḄỌ ḅe mẹẹ, “Ị̀ atomi gbọrụ si mịẹ tẹ so jen si mịẹarị, tẹ yẹrị ịna Tamụnọ ḅara kẹ ị̀ ọkị-a.”

Jerimaya 9:4

Ọrụḅọ-ọrụḅọ mḅọ ikiaḅọ ẹbị nyanam, tẹ gbọrụḅọ-sọ ḅioḅẹngbọ kẹ mḅọ mịnaḅọ ọgọnọ gbana ḅịa; kẹ gotẹ ọkọ ḍukoarị, mịnaḅọ goḅọ-goḅọ Jekọbụ oḅori-kẹ-kịnịsịn ḅara kẹ oḅori-kẹ-kịnịsịn ḅa, tẹ ọrụḅọ-ọrụḅọ amịna ikiapụ ḍuko-simarị.

Jerimaya 9:5

Ikiaḅọ oḅori kẹ ikiaḅọ sịn-arị, tẹ gbọrụḅọ-sọ karakara mẹ ḍuko-ḍuko-a; Ini ịna aḅẹlẹ toluma tẹ arị iruoarị, in si mịẹ nwenii ịnyọ ịna pọkọ-ta tẹẹ.

Mayịka 6:12

Ọmịna ngọ-kọn apụ ma ḅụụ igoin-apụ inoma ḅakam, anịsakị ọmịna ama mẹ ḅẹ apụ mamgba iruo apụ famam tẹ ịna ḅịḅị-ḅio oḅori-kẹ-kịnịsịn ḅẹlẹ nyana wararị.”