Jerimaya 9:5 - FỊAFỊA BAỊBỤLỤ

⁵ Ikiaḅọ oḅori kẹ ikiaḅọ sịn-arị, tẹ gbọrụḅọ-sọ karakara mẹ ḍuko-ḍuko-a; Ini ịna aḅẹlẹ toluma tẹ arị iruoarị, in si mịẹ nwenii ịnyọ ịna pọkọ-ta tẹẹ.

Jerimaya 9:5 Iomraidhean Croise

Suku-saakị 19:11

Tẹ ịn mịẹtẹ owiapụ ma tẹ warị mẹ ḅẹ ḅọkọ mẹ ḅụ simearị apụ ma, kala na, opu na atọrụngbọ pụnm, tẹ mịẹtẹ ịn ḅara kẹ ḅii, ḅii ḅọkọ mẹ ḍọkịm.

Jobu 11:3

Ị́ kọn-arị kịnị arị fiearị aị naa-a ẹkwẹn ma, kịnị aḅịḅị gbaịn ḅẹ, tẹ ị́ kịnị kombo sakị, gbọrụḅọ so í sule ḅịa?

Jobu 15:5

Kẹ gotẹ ọkọ ḅẹẹarị, ị́ mịẹ-irima ye kẹ ị́ ḅịḅị tolumarị tẹ ị́ nwẹnị epele-tiiḅọ ḅẹlẹ sẹlẹ-ọkị.

Devidi-Anume 140:3

Ịna ḅịḅị-ḅio ḅẹ aḅẹlẹ ma kịnị-ḅaaḅa ododo na kịka wararị; ịn kọn pakama-ḅoarị ẹkwẹn ma ọkụkụ lakwọ na kịkam.

Devidi-Anume 50:19

Sakị mamgba ọ́ tẹlẹma wararị si ẹkwẹn kọn; gbala-gbala ọ́ sakị fama-fama-a iruoye ḍuko ḅụ.

Devidi-Anume 52:3

Í siye ḅẹlẹma iḅiye nẹngịm, pịkị iruo ye ḅẹlẹma karakaraye nẹngịm.

Devidi-Anume 64:3

Ini okologie farị ḅara kẹ ịna aḅẹlẹ farị oḅumarị tẹ ḍịn kẹ ye da tẹ tẹịn ḅẹ ḅara kẹ ịna si ẹkwẹn ma kẹ kịnị daarị.

Devidi-Anume 7:14

Si-sịḅịḅio-sụa apụ ma si-aị kuroma ḅoarị ḅara ḍikii: ịn ḅụụ-fụka tọn pakama ḅo tẹ oḅori kẹ kịnị sịn amịẹaị mịẹarị.

Egberima-Ẹkwẹn 12:5

Kịnị mingirima-mingirima-a apụ inoma ofori ḅara kẹ ị́ na mịẹ ḅa; si-sịḅịḅio-sụapụ oḅori kẹ ị́ sịn kịngẹ mie in ḅiiarị ye.

Egberima-Ẹkwẹn 4:16

Si-sịḅịḅio-sụa apụ atomi inetẹ mono-mono-a ini iri-ye mịẹ-a ogbo. In mono-a tẹ yaụ-sime nwenii in ḅo ye kẹ kịnị lamarị.

Ayịzaya 5:18

Yei, ọ́ fa tẹẹ! Ọmịnị inetẹ ọmịna asi ḅụ pụkọ-so-a.

Ayịzaya 57:10

Ọ́ ḅụụ kọsị ḅara ḅakam, paa ọ́ tẹkẹ ḅẹ oru-atamụnọ ḍọkị ẹrị ḅụ, kụma ọ́ ḅara-siin-a gbala-gbala. Ó kuromarị ọmịna oru-afụḅara ma, tọrụ gbẹẹ sọ gbẹẹ-a aị ma, ịnyọ kẹ ọ́ pịrị ḅa, tẹ anie ḅụ ịnyọ ḅarị gbala-gbala ọ́ ta ḅịa.

Jerimaya 12:13

Ì atomi mbịaka ḍiḅim, kụma osuka mie ịn pẹlẹ ye; ịn ḅụụ-kọsị tẹ kọrịnama kọrịm, kụma gberie sọ ịn nyana ḅo-a anị ḅụ. Ì opu ịganị gotẹ in ḍiḅi aị ma fịaị pakama-a.”

Jerimaya 12:6

Ị́ amịnapụ kịngẹ sọ ị́ warị-kuḅu ḅẹ apụ, ị́ kẹ tomina ḅara-ḅio dẹrịma tẹẹ; tomi kẹ ị́ pakarị owu mẹ ini sọ anị ḅio emi. Ḅioḅẹngbọ kẹ ịna ọgọnọ gbana ma, ini ikia ḅara kẹ ẹkwẹn-arị sọ.”

Jerimaya 13:23

Kurukuru oju sụa tomḅọ inetẹ anị ḍima ḅẹ, anịanịa sịrị ori oju ḅụ gbọọn-gbọọn aị ma siin? Ini inem ḅẹḅẹ, tẹ si sikima jen mịẹ ḍin-a ḅọ ma sọ ḍawọ tẹ kuraye mịẹ ḅa.

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Jerimaya 51:58

Kụrọtẹ opu Babịlọnị onu ma, in sukuruma-gbin ḅa; tẹ anị ḅẹ sịẹ kperere-kperere wararị ogigo aḅọkọ ma dọkịma kiri pịrị ḅa. Tomikiri ḅẹ asịẹ ma mịẹarị aị mamgba papaa aị; ịn ḅụụ-kọsịtẹ kọrị aị ma dọkị faarị. “Yẹrị, Kụrọmamgba nyana KỊNỊNYANAḄỌ ḅe, ọkọ ḅẹẹm.”

Jerimaya 51:64

tẹ ḅẹẹ, ‘Mie anị paka Babịlọnị pịrị ḅarị ḅara, anị ḅile sọ-mu tẹ ḅarị gbala-gbala jen kẹ saakị paka-ḅo ḅịa, KỊNỊNYANAḄỌ ḅe ọkị-ḅo anị ọgọnọ gbana ḅẹ-yearị gulugulu mẹ ẹrẹsị.’ ” Jerimaya ẹkwẹn-aḅịḅị ma mị yọ kunomam.

Jerimaya 7:28

Í ḍuko ịn pịrị ḅa mịnẹ ịna sịẹ mẹ yẹrị ịn Nyana Tamụnọ ḅe ḅịḅịpoki-poki-a, anịanịa ịn daa tẹ fomu-ḅara ḅụ ye-ḍawọ. Ḅioḅẹngbọ kẹ ḅụụ ḅụ gbana na-iḅi ḅara sime mẹ fịtẹ. Kịnị ḅarị jen kẹ anị gboloma ye ḍuko-a.

Jerimaya 9:3

Sakị mamgba ịn tẹlẹma wararị iruo aị ḍuko; karakara nakara kịnị mingirima mie ama kiri mẹ daarị. KỊNỊNYANAḄỌ ḅe mẹẹ, “Ị̀ atomi gbọrụ si mịẹ tẹ so jen si mịẹarị, tẹ yẹrị ịna Tamụnọ ḅara kẹ ị̀ ọkị-a.”

Jerimaya 9:8

ịna ḅịḅị-ḅio-ḅẹ aḅẹlẹ ma kịnị-ḅaaḅa ye nyana wararị aḍịẹịn ọkụ; sakị mamgba arị iruo aị ḍukoarị. Ọrụḅọ-ọrụḅọ ikia ḅara kẹ ẹkwẹn kẹ mḅọ na kpeki tẹ anga ḅọ pịrịarị kụma karakaramatẹ ḍiein mie mḅọ tuu ọ̀ pịrịarị.

Izikẹlị 24:12

karakaraye anị ḅẹ asarị mẹmgba so fama ḅịa sọ kọrị-fịnị mẹ ḅio.

Mayịka 6:12

Ọmịna ngọ-kọn apụ ma ḅụụ igoin-apụ inoma ḅakam, anịsakị ọmịna ama mẹ ḅẹ apụ mamgba iruo apụ famam tẹ ịna ḅịḅị-ḅio oḅori-kẹ-kịnịsịn ḅẹlẹ nyana wararị.”

Mayịka 6:3

KỊNỊNYANAḄỌ ḅe mẹẹ, “yei ị̀ atomi, à tiye kẹ ọ́ mịẹ? À tọ-ḅara kẹ ḅụụ-palịmaye sọ ọ́ pịrị? Ọmịnị ị̀ pakịrịị!

Habakọkụ 2:13

Sịẹ-sịẹ ma tẹ ị́ nẹngịma aị ma ye mịẹ-a kụrọ kọrịnama ḅụ ịna ịnyọ fama famam, tẹ ịn nama ye mẹmgba fịnị ḅio dọkịarị. Kụrọmamgba Nyana KỊNỊNYANAḄỌ ḅe miemẹ mịẹm.

Malakayị 2:10

Wamịnị-mgba gbọrụ Ḍaḅọ nyanam. Gbọrụ Tamụnọ ḅe wamịnị-mgba tẹmẹm. Ọkọ kụma wa tiye gotẹ wamịna ḅịḅị simarị wa minini jụmọ-jụmọ pịrị ye ḅụ, tẹ tiye ẹrẹsị wa pịkị Tamụnọ wamịna elemu aḍapụ na fị ọḅọkụ mẹ ḍiki-simarị?

Ẹfisọsị 4:25

Ọkọẹrẹsị, ọ́ ḅarị iruo ma! Ọrụḅọ-ọrụḅọ karakaraye mẹ ḍuko mḅọ pembema Kịrayịsị minini ḅọ pịrịị, wamịnị-mgba gbọrụ ḅụ ḅụ Kịrayịsị oju mẹ ḅụ emi ẹrẹsị.

1 Timoti 4:2

Ọkọ sime toluma aị ma iruo kẹ oḅori-kẹ-kịnịsịn ḅụ mie ini arị wasamarị, anịsakị aniemẹ mịẹarị apụ ma ịna tẹmẹ aḅioḅẹngbọ fịị tẹ, gbala ọfịrịarị ikulele kẹ dọkịma ye ọkụ.

Ḅẹrẹkọn-apụ 2:10

Anị bebe ḅụọ mẹmgba sọ nwẹnị kobiri so ịna aḍapụ ma ḍọkụma-mu, inima tẹ KỊNỊNYANAḄỌ ḅe nimi-a, anịanịa, kọrịnama mẹ tẹ, ọ̀ kọrị Izirẹlị pịrị tẹ ye mẹ nimi-a jen ḅụọ nwẹnị ịn ḅọrọ tẹso, saakị.