Jerimaya 9:4 - FỊAFỊA BAỊBỤLỤ

⁴ Ọrụḅọ-ọrụḅọ mḅọ ikiaḅọ ẹbị nyanam, tẹ gbọrụḅọ-sọ ḅioḅẹngbọ kẹ mḅọ mịnaḅọ ọgọnọ gbana ḅịa; kẹ gotẹ ọkọ ḍukoarị, mịnaḅọ goḅọ-goḅọ Jekọbụ oḅori-kẹ-kịnịsịn ḅara kẹ oḅori-kẹ-kịnịsịn ḅa, tẹ ọrụḅọ-ọrụḅọ amịna ikiapụ ḍuko-simarị.

Jerimaya 9:4 Iomraidhean Croise

Suku-saakị 32:28

Anịtẹso owiḅọ ḅe nwẹnị ḅẹẹ, “Jekọbụ ḅarị jen-maaịn kẹ ị́ ẹrẹ sọ ḅịa, kụma Izirẹlị; gbala ị́ Tamụnọ na tomi na owu sọ tẹ ịn nẹngịma tẹ ẹrẹsị.”

Devidi-Anume 101:5

Jen tomḅọ ḅụ si-aị kẹ ḅeri-ḅio, ḅeri-ḅio ḍukoarịḅọ mẹ arị mḅọ ḅụ ị̀ ḅụụ wẹrị sikima ḅa; à ḍụkụ ḅụụ-gelematẹ opu ẹkwẹn kọn-arị tomḅọ pịrị ḅịa.

Devidi-Anume 15:3

ja atomi kẹ ọḅụjụ wori-sima-a ḅọ. Ò kura-aye kẹ amịna ikiapụ mịẹ-mịẹ-a tẹ ọ̀ pịkị ori na kpekitẹ angarị apụ kẹ ịba-fị ma-ḅọrọ ḅọrọ-a.

Egberima-Ẹkwẹn 10:18

Mḅọ kịnị ḍiki-ḅioḅuarị mẹ ḅọịarị ḅọ mẹ iruoḅọ. Ḅẹḅọ-ḅẹḅọ tẹ kịnị kẹ fiema ḅọrọarị ḅọ anie oḅori-ḅọ.

Egberima-Ẹkwẹn 25:18

Tomḅọ mịẹ-a ye kẹ mḅọ sịḅị sịn mẹ, anị okologie, anịanịa mgbele, anịanịa oḅuarị ḍiein kịnị-ḅaaḅa ḅara kẹ tomḅọ ḅaarị.

Egberima-Ẹkwẹn 4:16

Si-sịḅịḅio-sụa apụ atomi inetẹ mono-mono-a ini iri-ye mịẹ-a ogbo. In mono-a tẹ yaụ-sime nwenii in ḅo ye kẹ kịnị lamarị.

Egberima-Ẹkwẹn 4:17

Si-sịḅịḅio-sụa amịẹaị na kụrọ-kụrọ amịẹaị na ịna ḅụ fịye na ḅuu-ḅuu ye na kịkam.

Egberima-Ẹkwẹn 6:16

KỊNỊNYANAḄỌ ḅe ḍiki-ḅioḅuarị sonio aị emi, Ori opuma ḍiki-ḅioḅuarị sọnọma aị emi:

Egberima-Ẹkwẹn 6:19

iruo ḅẹrẹ-kiri-simeḅọ, tẹ iruo-aị iruo-aị tan-sara kpolimarị ḅọ, na mịẹ tẹ mịnapụ kamụ-kamụ-sọarị ḅọ na.

Ayịzaya 59:13

Wa kọngọ-kụrọma ị̀ pịrị tẹẹ, ị̀ sịkị tẹẹ, pịkị ḍụkụ tẹ ì ḍukamẹnjị-a. Wa jen-apụ ponoma tẹ ọḅụ kẹ ì gbin tẹ. Wamịna akuroma ma papaa aị; wamịna ẹkwẹn ma iruo aị.

Ayịzaya 9:16

Mịna apụ ma kẹ sịḅịdarị apụ ma mịẹ tẹ ini etela-iri tẹẹ, tẹ gbọrsịḅị pikiri fa tẹẹ.

Jerimaya 12:6

Ị́ amịnapụ kịngẹ sọ ị́ warị-kuḅu ḅẹ apụ, ị́ kẹ tomina ḅara-ḅio dẹrịma tẹẹ; tomi kẹ ị́ pakarị owu mẹ ini sọ anị ḅio emi. Ḅioḅẹngbọ kẹ ịna ọgọnọ gbana ma, ini ikia ḅara kẹ ẹkwẹn-arị sọ.”

Jerimaya 6:28

Inimgba kọngọ-kụrọma tẹ ḅiotọn ye kịngẹ mịẹarị apụ, ojo na ikulele na kụrọ ḅara kụrọ. Inimgba ḅụrụ-kọsị wararị, mẹnjị ma ḅọrọ tẹ ịba-fị ama ikelema.

Jerimaya 9:8

ịna ḅịḅị-ḅio-ḅẹ aḅẹlẹ ma kịnị-ḅaaḅa ye nyana wararị aḍịẹịn ọkụ; sakị mamgba arị iruo aị ḍukoarị. Ọrụḅọ-ọrụḅọ ikia ḅara kẹ ẹkwẹn kẹ mḅọ na kpeki tẹ anga ḅọ pịrịarị kụma karakaramatẹ ḍiein mie mḅọ tuu ọ̀ pịrịarị.

Izikẹlị 22:9

Ọmịna ḅụ ḅẹ jen-apụ osi apụ ḅụ iruo aị ḍukoarị ini ịn ḅaa ḅarị ḅara. Ịna ḅụ ḅẹ jen-apụ kẹ agbamịẹ oru-afụḅara pịrịtẹ fịye fịarị. Japụ sakị mamgba ịn lẹlẹ pịrị ye mịẹ mie ịna ḅụụ na-iḅiarị.

Lẹvitikọsị 19:16

Ị́ atomi ogbo-ḅio ḅụ mẹnjị-mẹnjị iwo na, ideri na tẹ iruo aị kẹ kịnị ḍuko-sima ma ḅọrọma ị́ na kpeki tẹ angarị ḅọ ḍumo gbolomaye ḅụ siye anga sịẹma. Yẹrị anie KỊNỊNYANAḄỌ ḅee.”

Malakayị 2:10

Wamịnị-mgba gbọrụ Ḍaḅọ nyanam. Gbọrụ Tamụnọ ḅe wamịnị-mgba tẹmẹm. Ọkọ kụma wa tiye gotẹ wamịna ḅịḅị simarị wa minini jụmọ-jụmọ pịrị ye ḅụ, tẹ tiye ẹrẹsị wa pịkị Tamụnọ wamịna elemu aḍapụ na fị ọḅọkụ mẹ ḍiki-simarị?

Matiyo 10:17

Ọ́ ḅụụ ẹbị lama, kẹ gotẹ ọkọ ḅẹẹarị, tomi ó kun ḅẹrẹkọn mu ḅa, tẹ ama-awarị ḅio ini ó fomu ḅa.

Matiyo 10:21

“Tomi ịna amịnapụ pakama-ḅo tẹ ini ịn ḅaa ḅa, tẹ anị gbọrụ ḅara mie ḍapụ sọ kẹ ịna awọmẹ mịẹ ḅarị ḅara; awọmẹ ịna ḍapụ-na-iyingiapụ-na tụḅụrụ tẹ ẹrị ḅa mịnẹ ini ịn ḅaam.

Luku 21:16

Ọmịna ḍapụ-na-iyingiapụ-na, owiapụ-amịnapụ na, furo-ḅẹ-apụ na, ikiapụ na ọ́ kẹ tomina ḅara-ḅio suu ḅa tẹ ini ọmịna ḅụ ḅẹ ja apụ ḅaa ḅa.

1 Tẹsalonịka 4:6

Ọkọẹrẹsị, miemẹ ḅụ gbọrụḅọ-sọ mḅọ pembema Kịrayịsị ḍukamẹnjịḅọ iri tẹ tọrụ pakama mḅọ pịrị ma. Jen sakị miemẹ wa ḍuko ọ́ pịrị tẹ, tẹ mịọkụ wa pịkị kụrọma ọmịna aḅeri nụnụarị, mịnẹ ọkọ sime ye mịẹ arị apụ ma KỊNỊNYANAḄỌ ḅe fomu-ḅara kẹ ịn pịrị ḅa.