Jerimaya 9:3 - FỊAFỊA BAỊBỤLỤ

³ Sakị mamgba ịn tẹlẹma wararị iruo aị ḍuko; karakara nakara kịnị mingirima mie ama kiri mẹ daarị. KỊNỊNYANAḄỌ ḅe mẹẹ, “Ị̀ atomi gbọrụ si mịẹ tẹ so jen si mịẹarị, tẹ yẹrị ịna Tamụnọ ḅara kẹ ị̀ ọkị-a.”

Jerimaya 9:3 Iomraidhean Croise

Suku-saakị 39:16

Anịtẹso árị ọ̀ kapa mẹ kẹ árị akaka koroma wẹrị nwenii á di warị ḅom.

Egberima-Ẹkwẹn 12:5

Kịnị mingirima-mingirima-a apụ inoma ofori ḅara kẹ ị́ na mịẹ ḅa; si-sịḅịḅio-sụapụ oḅori kẹ ị́ sịn kịngẹ mie in ḅiiarị ye.

Ayịzaya 1:3

Nambulo ma sọ amịna nyanaḅọ nimi wararị, yedogi-anama sọ ịn nyanaḅọ fịye kẹ ịn pịrị fị-fị yọ nimi wararị. Kụma ị̀ atomi, Izirẹlịapụ ma nimi-a mịnẹsẹ yẹrị ịna Tamụnọ. Gbala-gbala ini aniemẹ fieye naa-a.”

Ayịzaya 3:5

In si ḅara kẹ jụmọ-jụmọ na mịẹ ḅa ye sime tomḅọ pịrị ḅara gotẹ. Ịwọ awọmẹ ḅarị ịna omongiapụ mangịma ḅịa, papaa atomi iḅi ịn nẹngị apụ mangịma ḅịa.

Ayịzaya 6:5

À ḅẹẹm, “Gbọrụ ḅiokpọ sọ ị̀ ḅụụ ofori! À fa tẹẹ. Àrị ẹkwẹn pakama-ḅoarị ẹkwẹn mamgba si-aị famam, tẹ si-aị si-aị ẹkwẹn-arị atomi ogboku mie à pịkị angarị ye. Tẹ anịsọ, à ḅarana ị̀ atọrụngbọ kẹ Amadaḅọ ḅe ẹrị tẹẹ, Kụrọmamgba nyana KỊNỊNYANAḄỌ ḅe!”

Ayịzaya 9:18

Tomi ma si-sịḅịḅio kọrịarị ḅara anie gbala fịnị tẹ nangị na ọmị na piri dọkịmarị ọkụ. Anị kọrịarị ḅara opu-piri ḅio fịnị paka tẹ onwin turee-tureema so, so paka iwo ḅara.

Jerimaya 12:6

Ị́ amịnapụ kịngẹ sọ ị́ warị-kuḅu ḅẹ apụ, ị́ kẹ tomina ḅara-ḅio dẹrịma tẹẹ; tomi kẹ ị́ pakarị owu mẹ ini sọ anị ḅio emi. Ḅioḅẹngbọ kẹ ịna ọgọnọ gbana ma, ini ikia ḅara kẹ ẹkwẹn-arị sọ.”

Jerimaya 22:16

Ọ̀ karakara ḅẹrẹkọn igoin-apụ pịrịm, tẹ ye-mẹmgba ori na iḅim. Anie mie KỊNỊNYANAḄỌ ḅe nimi fiearị ye.

Jerimaya 31:34

Ịna ḅụ gbọrụḅọ-sọ mḅọ pembema Izirẹlị ḅẹ ḅọ toluma ḅịa mḅọ KỊNỊNYANAḄỌ ḅe nimi, inimgba ì nimi ḅa ẹrẹsị, iderima-tẹịn ḅọ ḅụ ọkị mu geletẹịn ḅọ la. Arị ịna asi wẹrịso ịn pịrị tẹ ḅarị jen kẹ ịna mịẹ-irima ma kẹ ḅiokoroma ḅịa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Jerimaya 5:4

Anịtẹso à kuromam, “Mịna apụ ma anie papaa igoin tẹ gberie-sọ nimi-a apụ. Ini oḅori ḅara kẹ ye mịẹarị; ịna Tamụnọ ḅiiarị ye in nimi-a, ịn mịẹ ḅẹ ye tẹ KỊNỊNYANAḄỌ ḅiiarị ye.

Jerimaya 5:5

À tomi ma ḍọkụma-mu ḅa kụrọ ḅụ, tẹ ini na ẹkwẹn ḅa. Tụkụmaye ịna Tamụnọ ḅiiarị ye in nimi-a, ịn mịẹ ḅẹ ye tẹ KỊNỊNYANAḄỌ ḅe ḅiiarị ye.” Kụma inimgba KỊNỊNYANAḄỌ ḅe kụrọ sịkị tẹ ini ọ̀ ḅịḅịpoki ḍụkụ-a.

Jerimaya 6:28

Inimgba kọngọ-kụrọma tẹ ḅiotọn ye kịngẹ mịẹarị apụ, ojo na ikulele na kụrọ ḅara kụrọ. Inimgba ḅụrụ-kọsị wararị, mẹnjị ma ḅọrọ tẹ ịba-fị ama ikelema.

Jerimaya 7:26

Anịsọ gbọrụḅọ-sọ poki tẹ kẹ ye-sịn-a. Anie nakara ó ḅioḅẹngbọ kụrọma tẹ kọngọ-kụrọma ọmịna elemu aḍapụ ma nẹngị tẹẹ.

Jerimaya 9:5

Ikiaḅọ oḅori kẹ ikiaḅọ sịn-arị, tẹ gbọrụḅọ-sọ karakara mẹ ḍuko-ḍuko-a; Ini ịna aḅẹlẹ toluma tẹ arị iruoarị, in si mịẹ nwenii ịnyọ ịna pọkọ-ta tẹẹ.

Jerimaya 9:8

ịna ḅịḅị-ḅio-ḅẹ aḅẹlẹ ma kịnị-ḅaaḅa ye nyana wararị aḍịẹịn ọkụ; sakị mamgba arị iruo aị ḍukoarị. Ọrụḅọ-ọrụḅọ ikia ḅara kẹ ẹkwẹn kẹ mḅọ na kpeki tẹ anga ḅọ pịrịarị kụma karakaramatẹ ḍiein mie mḅọ tuu ọ̀ pịrịarị.

Izikẹlị 8:13

Anịtẹso KỊNỊNYANAḄỌ ị̀ ḅẹẹm, “Ị́ ịn sịḅị-ngụngụnma anie nẹngị aị mịẹarị ye ẹrị ḅẹ muarị.”

Danẹlị 11:27

Anịtẹso maa amadapụ ma lẹgị sime tẹ gbọrụ dẹbịlẹ suku ye fị ḅa, kụma in siye kẹ ḅiotọn tẹ iruo jụmọ-jụmọ pịrị ḅa. In ḅii ye ịn nyana ḅịa, anị ḅẹ sakị amụ ḅo-a ẹrẹsị.

Lẹvitikọsị 19:11

“Ó furu ma, anịanịa kịnị inoma, anịanịa iruo kọn.

Makị 8:38

Gbọrụḅọ yẹrị na ì tolumaye mẹ na gotẹ mị Tamụnọ nimi-a si ene mẹ ḅụ ḅụụ-jịrịarị ḅẹḅẹ, anị sakị mẹ ḅụ Tomḅọ Tụḅọ ḅe sọ mḅọ gotẹ ḅụụ-jịrị ḅa, ori ọ̀ Ḍa ḅe ebube ḅụ ọ̀ fịafịa enjẹlị ma na ḅo ḅarị sakị mẹ.”

Jọnị 17:3

Anịsakị sime gbamaso ḍumo fiearị ye anie karakara kpọkpọ gbọrụ Tamụnọ ḅe, na Jizọsị Kịrayịsị ị́ kẹ fịrịmaḅọ ḅe na nimi.

Fịrịmẹnjịapụ 24:9

Juu-ḅẹ-apụ ma sọ ḅịḅị sụa tẹ ḅẹẹm mịnẹ anị ḍuko ḅara mie ye paka ḅara.

Romu 1:16

À kpọma iḅi-oku mẹ ḅụ ḅiokpọ nyana lama wararị; anị anie Tamụnọ kẹ minini nyana apụ mamgba ḅọrọmarị kụrọ mẹ, tarị apụ, Juu-ḅẹ-apụ, na pịkị Ja asịẹ ḅẹ apụ sọ.

Romu 1:28

Ọkọ sime atomi ma karakara ḅara kẹ Tamụnọ ḅe nimi ḅẹ ḅii-a ẹrẹsị ori ịn wẹrịso ịna ḅụrụtẹ aḅioḅẹngbọ ma pịrị tẹ, ịn ḅarị kuraye nimi tẹ mịẹ-a.

Romu 3:13

Ịna ẹkwẹn ḅio kịnị toluma ḅaa aị ḅin wararị; ini ịna aḅẹlẹ kẹ si kẹ ja apụ mịẹ ḅẹ iruo kọn, kọn sararị, ịna ḅịḅị-ḅio paka-ḅoarị si ẹkwẹn ododo ḅịḅị ḅẹ fịla kịkam;

1 Kọrịntị 15:34

Ọ́ pịkịma ḅo elemu ọ́ nyana-nyana karakara akuroma ma ḅụ sọ, tẹ ọ́ mẹnjịarị asi etela ma ḅụ daasịẹ. Kẹ mịẹtẹ ọ́ ḅụụ-jịrị ḅẹ ḅara, à ḍuko pakamarị mịnẹ ọmịna ḅụ ḅẹ ja apụ Tamụnọ nimi-a.

Filipayị 1:28

Ó si kẹ ọ́ tọn-arị apụ ma ḍiki-ḅalafa ma; sakị mamgba ó ḅiokpọ, miemẹ mịẹtẹ in nimi ḅa mịnẹ owu ịna ḅara si tẹ ọmịna ḅara iḅi ḅa, Tamụnọ anie owu-ḅara-iḅi kẹ ọ́ pịrịarị.

2 Timoti 3:13

si-mịẹapụ na, ḅụụ kẹ in sime-a ḅara elekimarị apụ na, in sii tọrọkọ-tọrọkọ mu ḅa, ini oḅori kẹ ja apụ sịn-arị ḅara mie ini ma sọ ja apụ oḅori kẹ ịn sịn-arị ḅara.

Judu 1:3

Ì iḅi ikiapụ, à wa nyana gboloma wararị ḅọrọma mẹ ḅẹ ye kẹ ḍiri kẹẹ tẹ kẹ ọ́ fịrịma ḅẹ-yearị ogbo, anị ḅo ì ḅioḅẹngbọ sọm, mịnẹ à fọnya ḍiri kẹẹ tẹ kẹ ọmịna ḅiokpọmaa, tẹ ọmịnị owu sọ Tamụnọ maa sakị kẹ mịẹ ḅịa ḅara kẹ saakị Tamụnọ atomi mamgba pịrị wararị mininiye mẹ pịrị tọrọkọ-tọrọkọ muu.

Mịẹfinji 12:11

Anana Tụḅọ ḅe ọmbie mẹ na in ḍuko wasamarị karakara mẹ na ḅụ mie wamịna amịnapụ ḅọrọ tẹ owu-ḅara-iḅi mẹ nyana ye; tẹ ini ịna aḍumo ḅụ ḅara sin tẹ fịị ḅẹ sọ ịna ḅụụ ḅẹrẹ-a.

Ḅẹrẹkọn-apụ 14:17

Sọnọma aḍin ma tẹ ịna kopini afịaị mẹ ọkị sakị mẹ ḅụ á tẹmẹ-la ḅara kẹ ọ̀ tọrọkọ owum tẹ sọnọma aḍin karama ene mẹ ḅụ ọ̀ nwẹnị ḍuko á pịrị gbala árị ọ̀ ḅụụ-fụkama kụrọmam ẹrẹsị. Anịtẹso á nwẹnị sịḅịḅio pikirima ḅii-ḅịḅị mẹ ḍuko arị ama ḅẹ apụ pịrị.

Ḅẹrẹkọn-apụ 2:10

Anị bebe ḅụọ mẹmgba sọ nwẹnị kobiri so ịna aḍapụ ma ḍọkụma-mu, inima tẹ KỊNỊNYANAḄỌ ḅe nimi-a, anịanịa, kọrịnama mẹ tẹ, ọ̀ kọrị Izirẹlị pịrị tẹ ye mẹ nimi-a jen ḅụọ nwẹnị ịn ḅọrọ tẹso, saakị.

1 Samụẹlị 2:12

Mịọkụ Ịlayị owiapụ-awọmẹ ma anie papaa owiapụ; ịn KỊNỊNYANAḄỌ ḅe kẹ ye-sịn-a.