Jerimaya 9:26 - FỊAFỊA BAỊBỤLỤ

²⁶ Ijiputi na, Juda na, Idọmụ na, Amọnị na, Mohabụ na, pịkị inimgba tẹ ịkpa mẹ ḅio sụma-jụ angarị apụ ma na, tẹ ịna asịḅị-ḅẹ-inume ma kịrị-kịrị kpụlụmarị apụ ma. Kẹ gotẹ ọkọ ḍukoarị, mịna asịẹ mamgba karakara-ḅara-ḅụ tarị-ḅụụ sin-a apụ famam, Izirẹlị bebe warị mẹ sọ tarị-ḅụụ sin-a apụ ḅioḅẹngbọ ḅụ.”

Jerimaya 9:26 Iomraidhean Croise

Jerimaya 10:1

Izirẹlịapụ, ọ́ KỊNỊNYANAḄỌ ḅe nyana ọ́ pịrị oku pokii,

Jerimaya 4:4

Ọmịnị ị̀ na fị ọḅọkụ mẹ kokoo, ọ́ Nyanaḅọ ḅara ḅụ, tẹ ọmịna aḅụụ wẹrị kpaịnma ị̀ pịrịị, ọmịnị Juda na Jeruselemu na ḅẹ apụ. Ọmịnị ọkọ mịẹ-a ḅẹḅẹ, ị̀ ịganị fịnị kọrị ḅara kọrị ḅa, ọ́ mịẹ tẹ asi-aị ma ẹrẹsị. Anị kọrị ḅa, tẹ anị biinma ḅẹ gbọrụḅọ-sọ paka ḅịa.”

Jerimaya 40:11

Ma ma mịẹarị sakị Izirẹlịapụ mamgba tẹ Mohabụ, Amọnị, Idọmụ na jen asịẹ ma ḅụ sime apụ ma naa tẹ mịnẹ Babịlonịya ḅẹ amadaḅọ ḅe minini ja Izirẹlịapụ pịrịtẹ in Juda ḅụ sime, ọ̀ pịkị Gadalaya kẹ ḅẹrẹtọnḅọ mịẹ tẹẹ.

Jerimaya 49:32

“Ịna ike-sụa-anama ma na ịna anambulo mamgba na ọkịị! Àrị ịn gala-galama pakịrị-pakịrị mu ḅa, arị atomi ma tẹ sịḅị-ḅẹ-inume kịrị-kịrị lẹgịmarị apụ ma, tẹ ḅẹ ḅọkọ-ḅọkọ ḅụ arị opu ḅụụ-fụka ọkị-ḅo ịna ọgọnọ gbana ḅa.

Jerimaya 6:10

À pakịrịm, “Àrị ẹkwẹn ịn pịrị tẹ ịna ḅeri nụnụm ḅẹ kụma tụḅọ ì poki ḅẹ? Inimgba kọngọ-kụrọma tẹ ḍụkụ tẹ í oku mẹ poki-a; ini ị́ ḅẹẹm à ḍukoo nwẹn ḅẹẹ ye mẹ ḍẹrịarị.

Izikẹlị 31:18

“Sịn mẹ anie Ijiputi ḅẹ amadaḅọ ḅe na ori atomi na, Ideni ḍụọ ḅio ḅẹ asịn ma sọ anị sịn mẹ gele tẹ tọrụ-gbẹ ḅara sime-ḅara sime-a. Kụma mịọkụ, arị Ideni ḍụọ ḅẹ asịn ma kịka tẹ ideri koro mu fịtẹ-apụ ma ḅụ sọ tẹ Tamụnọ-nimi-a tẹ ọmụ ḅio fịị apụ ma ḅụ sọ ḅa. Yẹrị ḍuko tẹẹ,” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅarị.

Izikẹlị 32:19

Ịn ḅẹẹ: “Ó kuromarị aro mịnẹ ọmịnị tọrụ-gbẹ ḅẹḅọ-ḅẹḅọ nẹngịm? Ọmịnị ideri koro fịtẹ-apụ ma tomikiri mẹ muu tẹ anịanga Tamụnọ kẹ ye-sịn-a apụ ma ogboku ḅọlọlọ simee.

Izikẹlị 44:7

Ini ị̀ Warị mẹ kẹ tọn-tọn-a ḅara wẹrịtẹ wẹrịso tẹ tarị-ḅụụ sin-a kịnị-tọrụ-nimia igoniapụ, ị̀ ḅịḅị poki-poki-a apụ ma ị̀ Warị mẹ sọ-ḅo ḅụ, ịn ḅẹlẹkị na ọmbie na kẹ agba mịẹ-mịẹ ị̀ pịrịarị sakị ḅụ. Mie ḅụ ị̀ atomi ị̀ ọḅọkụ simatẹ ịn mịẹ tẹ sịḅị-ngụngụnma aị mamgba ḅụ.

Izikẹlị 44:9

“Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko pakamarị mịnẹ gbọrụ tarị-ḅụụ sin-a, kịnị-tọrụ-nimia jen sịẹ ḅẹ ḅọ sọ, tẹ ị̀ ḅịḅị kan-arị ḅọ ị̀ Warị sọ-mu ḅịa, kịnị-tọrụ-nimia ḅọ tẹ Izirẹlịapụ ma ogboku angarị ḅọ sọ sọ-mu ḅịa.”

Lẹvitikọsị 26:41

anie mịẹtẹ arị ini na tụḅụrụ ḅara mẹnjị tẹ ini ọkị-ḅo ini na fịya-a apụ ama ḅio suu ye; anị sakị rẹ ịn nwẹnị ịna ḅụụ-pẹlẹa ḅioḅẹngbọ mẹ ḅụụ iderima, tẹ ini ịna mịẹ-irima ḅụ ịna ḅụụ mịẹ tẹlẹma ḅẹḅẹ.

Fịrịmẹnjịapụ 7:51

Sitivini paa ẹkwẹn ma mu tẹ ḅẹẹm, “Ọmịnị kpọma sịḅịḅio kụrọtẹ atomii! Ọmịna aḅioḅẹngbọ ma oru nimi apụ aḅioḅẹngbọ sime-ḅara simem, anie mịẹ ẹrẹsị ó ḅeri-iningima Tamụnọ oku mẹ pịrịm. Ọmịna atẹngịapụ ma sime gbọrụ ḅara mẹ mie ọmịnị sọ simearị ḅara. Sakị mamgba ọmịnị sọ Fịafịa Tẹmẹ ḅe dasịẹma tẹ!

Ditẹrọnọmị 30:6

KỊNỊNYANAḄỌ ọmịna Tamụnọ ḅe ọmịnị na, ọmịna aḅụụ paka-ḅo apụ ma na ḅioḅẹngbọ ḅẹ tarị-ḅụụ sin ḅa, anieḅụ ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ KỊNỊNYANAḄỌ ọmịna Tamụnọ ḅe ḅẹlẹma ḅa, mịẹtẹ ó ḍumo ḅẹ ḅara.

1 Samụẹlị 14:6

Jonatanị nwẹnị asatụḅọ ḅe tẹ ori ọmụ-aị dogiḅọ ḅe ḅẹẹ “ḅoo, ye wa saḅa-ḅọrọ mịna tarị-ḅụụ pẹlẹ-a apụ ma ọmụ-ogbo mẹ mu; ẹbịsịya kụma KỊNỊNYANAḄỌ ḅe kọrịnama kọrị wa pịrị ḅa; kẹ gotẹ ọkọ ḅẹẹarị, inetẹ KỊNỊNYANAḄỌ ḅe dasịẹma ḅẹ ye ofori tọnwa apụ, anịanịa boowa apụ ḅụ kịnị ḅọrọma mẹ.”

1 Samụẹlị 17:26

Devidi nwẹnị owiapụ ma tẹ ori akaka sịẹsime apụ ma gbela, “Ịn tiye mịẹ owiḅọ ḅe tẹ ḅị Filisiteniḅọ ḅe ḅaa tẹ Izirẹlị ḅụ mị ḅụụ-jịrị mẹ sin ḅọ pịrị ḅẹ? Kẹ gotẹ ọkọ ḅẹẹarị, ḅie ḅụụ-pẹlẹa Filisiteniḅọ ḅe anie tụḅọ, tẹ ori mie ḍumo wararị Tamụnọ ḅe ọmụ-ogbo ma pilema ḅarị ye?”