Jerimaya 9:25 - FỊAFỊA BAỊBỤLỤ

²⁵ KỊNỊNYANAḄỌ ḅe ḍuko-pakamarị, “Ene ma ḅoarị, à meni-oju kịngẹ ḅụ tarị-ḅụụ siin wararị apụ ma fomu ḅẹ sakị mẹ, anie —

Jerimaya 9:25 Iomraidhean Croise

Jerimaya 25:23

Dedanị na, Tẹma na, Buzu na inimgba tẹ sụma-jụ simearị ayọ ma ḅụ emi apụ sọ,

Jerimaya 4:4

Ọmịnị ị̀ na fị ọḅọkụ mẹ kokoo, ọ́ Nyanaḅọ ḅara ḅụ, tẹ ọmịna aḅụụ wẹrị kpaịnma ị̀ pịrịị, ọmịnị Juda na Jeruselemu na ḅẹ apụ. Ọmịnị ọkọ mịẹ-a ḅẹḅẹ, ị̀ ịganị fịnị kọrị ḅara kọrị ḅa, ọ́ mịẹ tẹ asi-aị ma ẹrẹsị. Anị kọrị ḅa, tẹ anị biinma ḅẹ gbọrụḅọ-sọ paka ḅịa.”

Jerimaya 49:32

“Ịna ike-sụa-anama ma na ịna anambulo mamgba na ọkịị! Àrị ịn gala-galama pakịrị-pakịrị mu ḅa, arị atomi ma tẹ sịḅị-ḅẹ-inume kịrị-kịrị lẹgịmarị apụ ma, tẹ ḅẹ ḅọkọ-ḅọkọ ḅụ arị opu ḅụụ-fụka ọkị-ḅo ịna ọgọnọ gbana ḅa.

Izikẹlị 28:10

Í obiri fịị ḅara fịị ḅa tamụnọ nimi-a jen sịẹ ḅẹ apụ ḅara-ḅio ḅụ. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ọkọ tọnm.”

Izikẹlị 31:18

“Sịn mẹ anie Ijiputi ḅẹ amadaḅọ ḅe na ori atomi na, Ideni ḍụọ ḅio ḅẹ asịn ma sọ anị sịn mẹ gele tẹ tọrụ-gbẹ ḅara sime-ḅara sime-a. Kụma mịọkụ, arị Ideni ḍụọ ḅẹ asịn ma kịka tẹ ideri koro mu fịtẹ-apụ ma ḅụ sọ tẹ Tamụnọ-nimi-a tẹ ọmụ ḅio fịị apụ ma ḅụ sọ ḅa. Yẹrị ḍuko tẹẹ,” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅarị.

Izikẹlị 44:7

Ini ị̀ Warị mẹ kẹ tọn-tọn-a ḅara wẹrịtẹ wẹrịso tẹ tarị-ḅụụ sin-a kịnị-tọrụ-nimia igoniapụ, ị̀ ḅịḅị poki-poki-a apụ ma ị̀ Warị mẹ sọ-ḅo ḅụ, ịn ḅẹlẹkị na ọmbie na kẹ agba mịẹ-mịẹ ị̀ pịrịarị sakị ḅụ. Mie ḅụ ị̀ atomi ị̀ ọḅọkụ simatẹ ịn mịẹ tẹ sịḅị-ngụngụnma aị mamgba ḅụ.

Lẹvitikọsị 19:27

Ọmịnị ọmịna fụḅara kẹngẹ anịanịa, ọmịna mpọrị agara ma sẹịn ma.

Lẹvitikọsị 26:41

anie mịẹtẹ arị ini na tụḅụrụ ḅara mẹnjị tẹ ini ọkị-ḅo ini na fịya-a apụ ama ḅio suu ye; anị sakị rẹ ịn nwẹnị ịna ḅụụ-pẹlẹa ḅioḅẹngbọ mẹ ḅụụ iderima, tẹ ini ịna mịẹ-irima ḅụ ịna ḅụụ mịẹ tẹlẹma ḅẹḅẹ.

Emọsị 3:2

Tomikiri emi asịẹ mamgba ḅụ ọmịnị ngẹrị mie à nimi wararị, tẹ pịkị kokoarị apụ. Aniemẹ mịẹ tẹ ọmịna asi mị-ḅara kẹ ḅalafama ḅakarị, tẹ anie mịẹ à gotẹ ó fomu ḅarịye.

Romu 2:28

Sụntẹ karakara ḅara kẹ tarị-ḅụụ sin tẹ Juu-ḅẹ-ḅọ anie tụḅọ? Anie Juu-ḅẹ ḅọ tẹ tọrụngbọ ẹrịarị tomḅọ tẹ meni-oju ḅẹ tarị-ḅụụ sin wararị ḅọ ḅe-a.

Romu 2:29

Anie nakara, karakara Juu-ḅẹ ḅọ anie suku-ḅio jụ ḅụ Juu-ḅẹ ḅọ sọ tẹ ḅọ, anie fiearị ye, mḅọ ḅioḅẹngbọ ḅụ mḅọ tarị-ḅụụ sin tẹ; mie mẹ anie Tamụnọ Tẹmẹ ḅe kọrịnama, kẹẹ koro wararị Oloko mẹ-a. Ọkọ sime ḅọ mẹ Tamụnọ anie mḅọ tokiniarị ye, tomi mḅọ tokini-a.

1 Samụẹlị 14:6

Jonatanị nwẹnị asatụḅọ ḅe tẹ ori ọmụ-aị dogiḅọ ḅe ḅẹẹ “ḅoo, ye wa saḅa-ḅọrọ mịna tarị-ḅụụ pẹlẹ-a apụ ma ọmụ-ogbo mẹ mu; ẹbịsịya kụma KỊNỊNYANAḄỌ ḅe kọrịnama kọrị wa pịrị ḅa; kẹ gotẹ ọkọ ḅẹẹarị, inetẹ KỊNỊNYANAḄỌ ḅe dasịẹma ḅẹ ye ofori tọnwa apụ, anịanịa boowa apụ ḅụ kịnị ḅọrọma mẹ.”

1 Samụẹlị 17:26

Devidi nwẹnị owiapụ ma tẹ ori akaka sịẹsime apụ ma gbela, “Ịn tiye mịẹ owiḅọ ḅe tẹ ḅị Filisiteniḅọ ḅe ḅaa tẹ Izirẹlị ḅụ mị ḅụụ-jịrị mẹ sin ḅọ pịrị ḅẹ? Kẹ gotẹ ọkọ ḅẹẹarị, ḅie ḅụụ-pẹlẹa Filisiteniḅọ ḅe anie tụḅọ, tẹ ori mie ḍumo wararị Tamụnọ ḅe ọmụ-ogbo ma pilema ḅarị ye?”