Jerimaya 9:24 - FỊAFỊA BAỊBỤLỤ

²⁴ Gbọrụḅọ nwẹnị ḅụụ-boma ḅarị ḅẹḅẹ, yee mḅọ ḅụụ-boma mịnẹ mḅọ ì nimi tẹ à fie ye naarị, gbala ị̀ ḅẹlẹma kuno-kuno-a ẹrẹsị, tẹ à pịkị inoma ofori ye na kuraye na mịẹarị. Mịna aị ma mie ì ḅio ḅẹlẹmarị. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 9:24 Iomraidhean Croise

Devidi-Anume 20:7

Japụ ḅioḅẹngbọ kẹ ịna akirimẹnjị-ọmụarụ ọgọnọ gbanarị, tẹ jen-apụ ịna asụ ma ọgọnọ, kụma wamịnị KỊNỊNYANAḄỌ, wamịna Tamụnọ ḅe kụrọ mie wamịna ḅiokpọ.

Devidi-Anume 34:2

Àrị ọ̀ kọrị tẹ ye gotẹ ò tokini ḅa: yee tomi ponomarị apụ mamgba poki tẹ ḅioḅẹlẹ!

Devidi-Anume 34:3

Ị̀ na sọ tẹ KỊNỊNYANAḄỌ ḅe opu ḍuko wasamaa: ò yee wa ori ẹrẹ tokini gboloma!

Devidi-Anume 44:8

Sakị mamgba wa í tokini ḅa, tẹ ịmịẹtẹ kẹ ị́ ḅẹ mu ḅẹẹ-sakị ḅẹẹ-sakị la ḅa.

Devidi-Anume 44:9

Kụma mịọkụ ị́ wa sịkị tẹ mịẹ tẹ jen-apụ wa nẹngịma tẹ owu kiri ḅụ; ị́ ḅarị jen kẹ wamịna ọmụ-ogbo-ogbo ma na mẹnjị paka-a.

Devidi-Anume 51:1

Yei Tamụnọ, ọkụrụkụrụ nyana ị̀ pịrịị, í kuno-a ḅẹlẹma mẹ ẹrẹsị, í opu ọkụrụkụrụ mẹ ẹrẹsị ị̀ asi ma kụrọrọ siin!

Devidi-Anume 91:14

Tamụnọ ḍukoarị, “Àrị ị̀ ḅẹlẹmarịapụ ma ḅọrọma tẹ yẹrị KỊNỊNYANAḄỌ ḅe nimi apụ ma gbaịn ḅa.

Devidi-Anume 99:4

Opu kụrọ nyana Amadaḅọ, í kuraye ḅẹlẹmarị; ị́ tọn kuroma tẹ Izirẹlị ḅụ jụmọ-jụmọ inoma paka ma; ị́ karakara mịẹ na kuraye mịẹ na oloko tọn wa pịrị tẹẹ.

Ayịzaya 20:5

Sudanị kẹ ḅiokpọmatẹ apụ ma, pịkị Ijiputi kẹ ḅịḅịkpọ sime apụ ma sọ ye ḅarị in ḅiotọn ḅara paka ḅịa, ịna ḅiokpọma aị mamgba kan-saratẹ.”

Ayịzaya 41:16

Ị́ arị kẹ So-tọrụ wakị ḅa; fẹrụ mẹ arị kẹ fiin so ḅa, tẹ erise nwẹnị arị gala-galama ḅa. Anịtẹso í ḅioḅẹlẹ ḅa, yẹrị ị́ Tamụnọ ẹrẹsị; í ì tokini ḅa, yẹrị Izirẹlị tẹkẹarị Fịafịa Ḅọ ḅẹ.

Ayịzaya 45:25

Yẹrị, KỊNỊNYANAḄỌ ḅe, Jekọbụ furo-ḅẹ-apụ mamgba pụkọ-pakamaḅo, tẹ ini ì tokini ḅa.

Ayịzaya 61:8

KỊNỊNYANAḄỌ ḅe mẹẹ, “À tomḅọ la kiri kẹ mḅọ pịrị ḅẹlẹma tẹ kịnị ponoma na si mịẹ na ḍiki ḅioḅuarị. À karakara ḅara kẹ gbẹẹ-ye kẹ ị̀ atomi pịrị ḅa tẹ sime-gbamaso ọḅọkụ kẹ ini na fị ḅa.

Jerimaya 22:16

Ọ̀ karakara ḅẹrẹkọn igoin-apụ pịrịm, tẹ ye-mẹmgba ori na iḅim. Anie mie KỊNỊNYANAḄỌ ḅe nimi fiearị ye.

Jerimaya 4:2

anị kuraye sọ ḅa ọmịnị ị̀ ẹrẹ ḅụ ye karị-karị. Anịtẹso sịẹ-sịẹ mamgba ị̀ ḅara ḅii ḅa arị in bomaa, tẹ ịn nwẹnị ì tokini ḅa.

Mayịka 6:8

Mayịka nwẹnị ịn ḅẹ mịnẹ ọkọ-a, yei Izirẹlịapụ, KỊNỊNYANAḄỌ ḅe kọkọ wa mịẹ ḅẹ iḅiye mẹ kẹ wa ḍie, tẹ ọ̀ wamịna ḅara ḅii ye ḍuko wa pịrị tẹ; arị aị ma anie: karakara ḅẹrẹkọn na, iḅi-yemịẹ-ḅara na ḅẹlẹma na nyana jụmọ-jụmọ pịrị pịkị ḅụụ iderima ḅara kẹ wamịna Tamụnọ ḅe na gbọrụ ḅụụ sime.

Mayịka 7:18

Yei KỊNỊNYANAḄỌ, ị́ kịka jen tamụnọ ofori; ị́ atomi ma ḅụ fịị-a tẹ ḍumo apụ ma, í si-wẹrịso ịn pịrị famam. Ị́ ịganị ḅụ sime gbamaso-a; kụma í jike-a ḅẹlẹma kẹ wa ḍie mẹ, ị́ ḅụụ-ḅẹlẹ ye sọm.

Matiyo 11:27

“Ị̀ Ḍa ḅe ye mamgba saakị ị̀ pịrị tẹ. Tụḅọ ḅe nimi gbọrụḅọ-sọ ofori, Ḍaḅọ ḅe sikima, tẹ Ḍaḅọ ḅẹ nimi gbọrụḅọ-sọ ofori, Tụḅọ ḅe na, Tụḅọ ḅe sẹlẹ ọkị tẹ ọ̀ kẹ ḍie apụ na sikima.

Luku 10:22

“Ị̀ Ḍa ye mamgba kẹ ị̀ pịrị tẹ. Ḍaḅọ ḅe sikima tẹ Tụḅọ ḅe nimi ḅọ ofori, tẹ Tụḅọ ḅe sikima tẹ pịkị Ḍaḅọ ḅe nimi ḅọ ofori, anie Tụḅọ ḅe ọ̀ kẹ ḍie ḅii apụ ḅoto.”

Jọnị 17:3

Anịsakị sime gbamaso ḍumo fiearị ye anie karakara kpọkpọ gbọrụ Tamụnọ ḅe, na Jizọsị Kịrayịsị ị́ kẹ fịrịmaḅọ ḅe na nimi.

Romu 5:11

Kụma anie ngẹrị-a, wa Nyanaḅọ Jizọsị Kịrayịsị ḅe tẹ wa kẹ Tamụnọ ikiapụ sọma ḅọ ḅe ḅụ, wa ḅọrọ tẹ Tamụnọ ḅụ ḅioḅẹlẹ nyana tẹ.

1 Kọrịntị 1:31

Miemẹ ẹrẹsị, Fịafịa Ḍiri mẹ ḅẹẹm, “Ḅụụ-boma ḅẹ ḅọ sime, sime, mḅọ KỊNỊNYANAḄỌ ḅe kọrịnama mẹ kịngẹ gotẹ.”

2 Kọrịntị 10:17

Kụma Fịafịa Ḍiri mẹ ḅẹẹarị ḅara ḅụ, “Ḅụụ-boma ḅẹ ḅọ goḅọ-goḅọ, mḅọ KỊNỊNYANAḄỌ ḅe kọrị tẹ kọrịnama mẹ gboloma ye ḅẹ ḅụụ bomaa.”

2 Kọrịntị 4:6

Tamụnọ ḅe tẹ ḅẹẹm, “Bele kanakana ḅio ḅịya paka ḅa”, ḅẹẹ Tamụnọ ḅe mie mịẹtẹ ò bele wamịna aḅioḅẹngbọ ḅụ ḅịya tẹ ye, mịẹtẹ wa Tamụnọ ebube mẹ tẹ Kịrayịsị tọrụkuḅu ḅịya pakarị ye mẹ ḅẹ nimi mẹ ḅo wa pịrị ḅẹ ḅara.

Galesiya 6:14

Anị sime-ḅara, sime-ḅara sọ yẹrị kịngẹ kụma, wa Nyanaḅọ Jizọsị Kịrayịsị ẹngbẹsẹ-sịn mẹ kịngẹ ḅụ à ḅụụ boma ḅa; kẹ gotẹ ọkọ ḍukoarị, ori ẹngbẹsẹ-sịn mẹ ḅụ tomikiri mẹ ḅọrọ tẹ ị̀ ḅụ fịtẹ, tẹ yẹrị sọ fịị tomikiri mẹ pịrị tẹ.

Filipayị 3:3

Wamịnị ma rẹ anie karakaramatẹ tarị-ḅụụ sin tẹ apụ, inia, kẹ gotẹ ọkọ ḍukoarị, wamịnị wa Tẹmẹ ḅe ḅụ ḅọrọ tẹ sunsin Tamụnọ pịrịarị, tẹ wa Kịrayịsị Jizọsị na gbọrụ ḅụ sime tẹ kọn-arị ḍumo mẹ ḅẹ ḅioḅẹlẹ kọn-arị. Wa ọgọnọ, ọgọnọ tomi ẹrị ḅẹ amịẹaị kẹ ḅiokpọma-a.

1 Jọnị 5:20

Wa karakara ḅara kẹ Tamụnọ nimi ḅẹ ẹrẹsị Tamụnọ Tụḅọ ḅe ḅo tẹ ò gboloma nimi mẹ kẹ wa pịrịm. Mịọkụ wa Tamụnọ na pịkị ọ̀ Tụḅọ Jizọsị Kịrayịsị ḅe na gbọrụ ḅụ angarị. Mị karakara ḅara mẹ kẹ Tamụnọ nimi mẹ anie pịkị sime gbamaso ḍumo mẹ.

1 Samụẹlị 15:22

Samụwẹlị nwẹnị ḅẹẹ, “KỊNỊNYANAḄỌ ḅe ọ̀ ḅịḅịpoki ḅụ nyana gburo-gburotẹ tọrụ-ḅẹlẹ na gbasị ye, nyana dọkịma-agba na, agbamịẹ-aị na emi? Ḍikii, ḅịḅịpoki iḅi agbamịẹ nẹngịm; anịsakị ḍukoye naa iḅi ejimina ḅẹlẹkị nẹngịm.