Jerimaya 9:20 - FỊAFỊA BAỊBỤLỤ

²⁰ À nwẹnị ḅẹẹ, “Ọmịnị ereme, ọ́ KỊNỊNYANAḄỌ ḅe pokii, ọmịnị ori ẹkwẹn ma kẹ elekima sụaa. Ọ́ ḍụẹịn owu-owu ḅara kẹ ọmịna eremịna-awọmẹ tolumaa, pịkị ḍụẹịn owu nume sun-sun ḅara kẹ ọmịna ikiapụ tolumaa.

Jerimaya 9:20 Iomraidhean Croise

Jobu 22:22

Ọ̀ ḅịḅị ḅụ ọ̀ kẹ í tolumaye ọkịị, tẹ ori ẹkwẹn-aḅịḅị kẹ í ḅioḅẹngbọ wẹrịị.

Ayịzaya 3:16

KỊNỊNYANAḄỌ ḅe ḅẹẹm, “Jeruselemu ḅẹ ereme ma ḅụụ-gelemarị ḅara ḍiki! Ini ịna anini ma saakị gelema tẹ mẹnjịarị. Sakị mamgba ịn kịnị in ḍiki ḅẹ ḅara kẹ ye mịẹarị. Ịn yọngọ ma mẹnjịarị, tẹ ịn kẹ ịna aḅụọ-ịkarị sụa wararị anụnụma ma nwẹnị gwaịn-gwaịnma fiearị, ịn mẹnjịarị sakị.

Ayịzaya 3:4

KỊNỊNYANAḄỌ ḅe mịẹ tẹ ye mịẹ-mịẹ ḅara nimi-a owiapụ-awọmẹ ḅẹrẹtọn tomi ma pịrị ḅa.

Jerimaya 14:16

Ịn mịna aị ma ḍuko pịrịtẹ apụ ma sọ anị gbọrụ ḅọkọ mẹ ḅụ ḅọrọ tẹ fịị ḅa. Ini ịna oju-akpakpa ma kẹ Jeruselemu ḅẹ etela ma ḅụ gbin koroma tẹ àrị ḍiḅi ḅẹ gbọrụḅọ, sọ paka ḅịa. Miemẹ inimgba ḅụ paka ḅa ịna sime-ereme na, ịna owiapụ-awọmẹ na, ịna eremịna-awọmẹ na, kẹ sụa. À mịẹ tẹ ini ịna si-sịḅịḅio-sụa saa mẹ gbẹẹ ḅa.”

Jerimaya 23:16

Kụrọmamgba nyana KỊNỊNYANAḄỌ ḅe Jeruselemu ḅẹ apụ ma ḅẹẹm, “Ọmịnị ịkịankoroapụ ma ḍukoarị aị ma poki ma; papaa ḅiokpọma aị mie ịn kẹ ọmịna aḅụụ ḅio suu ḅinmarị. Ịna aḅioḅẹngbọ ḅụ ịn kuroma ḅo aị mie in ḍuko ọ́ pịrịarị, yẹrị ḅẹẹ ye-a.

Jerimaya 23:28

Ḍawọ kọn ịkịankoroḅọ emi-emii mḅọ mḅọ kọn ḍawọ ḍiki tẹ ḍukoo, kụma ì oku naa ịkịankoroḅọ mẹ mḅọ ḅioḅẹngbọ-kẹ-sịrẹrẹ-niḅi ḅara kẹ ì oku mẹ ḍuko-wasamaa. Tọ iḅi asịra nwẹn nyana anị kẹ mbịaka na tọnmarị kiri?

Jerimaya 6:11

KỊNỊNYANAḄỌ, ị́ ịganị tẹ sime ịn pịrị ye mẹ, ị̀ ḅụụ ḅio sọ fịnị kọrị ḅara kọrịarị, tẹ à ḅarị inetẹ jen kẹ anị ọlọ-sịẹma-a.” Anịtẹso KỊNỊNYANAḄỌ ḅe ị̀ ḅẹẹm, “Ị̀ ịganị mẹ ọsụma etela ogbo ma ḅụ simearị awọmẹ ma ọgọnọ sara-a, pịkị asawọ ma tẹ kobiri wararị apụ ma ọgọnọ sọ. In diapụ na sime-ereme na ọkị-so ḅa, tẹ omongi lamatẹ apụ kịngẹ sọ ịn wẹrịso ḅịa.

Jerimaya 7:29

“Jeruselemu ḅẹ apụ, ó kururuu; ọmịnị ọmịna sịḅị-ḅẹ-inume kịrị-siin tẹ kẹ gbin ngumaa; Ó tụndụ ma ọgọnọ-jụ sime tẹ ḍụẹịn owu nume-suu, kẹ gotẹ ọkọ ḍukoarị, yẹrị KỊNỊNYANAḄỌ ḅe, ịganịarị, tẹ ị̀ atomi sịkị tẹ.

Jerimaya 8:2

Ini arị kobiri tẹ ḍiḅi ḅẹ nakara ịna mgbe ma vooma kiri ḅio sara sime ḅa, kẹ ḍụọ ḍiḅi ḅẹ ḅụrụtẹ fun sara ḅara. Ini arị gala-galama sara ịrụa na akalụ na lolia ma na pịrị ḅa, anie mịna atomi ma ḅẹlẹma tẹ fịrịmẹnjị pịrị sime aị ma, anie ini arị aḅịḅị ḅii tẹ sunsin pịrị aị ma.

Jerimaya 9:12

À nwẹnị ḅẹẹ, “KỊNỊNYANAḄỌ, tiye ẹrẹsị ị́ amakiri mẹ sima kọsịma tẹ anị kẹ ịkpa samụnọ ḅara samụnọmatẹ gbọrụḅọ-sọ ye-muarị tẹ ḅarị anị ḅụ mẹnjị tolu-ḅọrọ-a? Tụḅọ ye-nimi ḅo anị fiearị ye naa ḅiri la ḅẹ? Ị́ anị ḍuko finji pịrị tẹ inetẹ anị ḍuko jen-apụ pịrị ḅẹ ḅọ tụḅọ?”

Kururu Owu-apọkọ 2:19

Saakịị, owu pakamaa ḍin ḅụ, ḍin koru mẹ suku-saakịarị ḅiri ḅụ! Minji ọsụma ḅara kẹ í ḅioḅẹngbọ ọsụma KỊNỊNYANAḄỌ ḅe pịrịị! Ị́ aḅara saakị-gelema ọ̀ daa ị́ awọmẹ ma aḍumo gotẹ, inima tẹ ḅuru pọkọ-tarị ḅụ naịn-ḅọrọarị apụ ma, etela goyegoye sịḅị ḅụ.

Kururu Owu-apọkọ 2:21

Etela ma ḅẹ fọọn ma ḅio asambịrịmaḅọ mẹ na, omongitẹ ḅọ mẹ na ḅọlọlọ simem ị̀ iriawọ ma na, ị̀ asawọ ma na, okologie mẹ ḅụ ḅịkị tẹ; ị́ ịganị ene mẹ ḅụ ị́ ịn ḅaa tẹ, ọkụrụkụrụ nyana-a ḅaa ḅara.