Jerimaya 9:2 - FỊAFỊA BAỊBỤLỤ

² À ḅiiarị mimgbe arị ịkpa ḅio sime-yọ nyanam, arị ì atomi ḅụụ ḅele sime ḅẹ anga, inimgba ḅioḅẹngbọ-kẹ-sịrẹrẹ-niḅi-a apụụ, kịnị kẹ jen-apụ ḅara-ḅio dẹrịmarị inweni-ogbo.

Jerimaya 9:2 Iomraidhean Croise

Ayịzaya 59:3

Ọmịnị iruo tẹẹ, kụrọ-kụrọ amịẹaị mịẹ tẹ pịkị kịnị ḅaa tẹẹ.

Jerimaya 12:1

KỊNỊNYANAḄỌ, àrị ị́ tọrọkọ ị̀ ḅẹrẹ ịgbanịm ḅẹ kụma, ị́yẹrị mie paa kuraye mịẹ ḅọ sọ ḅẹ yee. Anịsọ à paa inoma ofori gboloma ye kẹ í gbela ḅẹm. Tiye ẹrẹsị si-sịḅịḅio-sụapụ ma loloarị? Tiye ẹrẹsị ye kịnị mingirimarị atomi ma na iḅiarị?

Jerimaya 12:6

Ị́ amịnapụ kịngẹ sọ ị́ warị-kuḅu ḅẹ apụ, ị́ kẹ tomina ḅara-ḅio dẹrịma tẹẹ; tomi kẹ ị́ pakarị owu mẹ ini sọ anị ḅio emi. Ḅioḅẹngbọ kẹ ịna ọgọnọ gbana ma, ini ikia ḅara kẹ ẹkwẹn-arị sọ.”

Jerimaya 13:22

Ị́ nwẹnị gbelarị tiye ẹrẹsị mie-mẹmgba ị́ ḅụụ pakarị ḅẹḅẹ — in tiegotẹ ị́ ḅịtẹ kporima tẹ kụrọ-ḅara kẹ ị́ na ye mịẹ ye mẹ — anị gotẹ ọkọ mịẹ yee, í sii ḅalafamam.

Jerimaya 23:10

Amakiri mẹ ḅụ KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi-a atomi ḅin tẹẹ; si-sịḅịḅio-sụa ḍumo mie ịn kọn-arị tẹ ịn nyana kụrọ kẹ si-aị mịẹarị. KỊNỊNYANAḄỌ ḅe wori-nume ḅụ amakiri mẹ kururuarị tẹ nama osuka fịarị ayọ ma samụnọtẹ.

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Jerimaya 5:1

Jeruselemu ḅẹ apụ, ọ́ mangị etela ma ikelemaa! Ó ḍiki ikelemaa! Ọ́ ḅarana ẹrịị! Ó bebe ogumaḅiri mẹ ḍọkị-ḍikii! Ọmịnị inetẹ gbọrụḅọ ẹrị ḅẹ ḅoto, kuraye mịẹarị ḅọ tẹ ḅụụkụrọma tẹ ḅioḅẹngbọ kẹ ḅụụ ḅụ gbana na-iḅi ḅara sime Tamụnọ pịrị-ḅọ? Í inetẹ ḅarị ḅẹḅẹ, KỊNỊNYANAḄỌ ḅe si-wẹrịso Jeruselemu pịrị ḅa.

Jerimaya 5:11

Izirẹlị na Juda na ḅẹ apụ ma gbọrsịḅị ị̀ kẹ dẹrịma tẹẹ. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 5:2

Ọmịnị ọkịarị ó sunsin KỊNỊNYANAḄỌ ḅe pịrịarị sọ, ó ḍukoarị ye na ó fiearị ye na gberie-a.

Hosiya 4:2

In ye minini-minini tẹ in minini ḅara kan-arị; ini iruoarị, kịnị ḅaarị, furuarị, tẹ pịkị sẹfịarị. Si amịẹaị ḅaka-ḅaka-ḅakarị tẹ in tomi ḅaa-ḅaa sararị.

Hosiya 5:7

In ḅioḅẹngbọ-kẹ-sịrẹrẹ-niḅi-a ḅara sime KỊNỊNYANAḄỌ ḅe pịrị tẹẹ; ịna awọmẹ sime ọ̀ pịrị-a. Mie ḅụ ini na ịna amakiri ma na ala-a gulugulu ḅa.

Hosiya 6:7

Ini amakiri mẹ sọ-mu gbọrụ-kirikiri, ini Adamụ kịka tẹ àrị ini na mịẹ ọḅọkụ mẹ kanm.

Hosiya 7:4

Inimgba mbasị-apụ tẹ sịḅị-tuu amadaḅọ ḅe pịrị-a apụ famam. Ịn nyana ḍiki-ḅioḅu mẹ fịturu fọị ye ḅio kẹlẹkẹlẹ kọrịarị fịnị kịkarị, anie fịturu mịẹ ḅọ ḅe sụkama-a nwenii ọ̀ fịturu kpoo mẹ tẹlẹma fama tẹ fọị ḅẹ sakị la ye.

Mayịka 6:12

Ọmịna ngọ-kọn apụ ma ḅụụ igoin-apụ inoma ḅakam, anịsakị ọmịna ama mẹ ḅẹ apụ mamgba iruo apụ famam tẹ ịna ḅịḅị-ḅio oḅori-kẹ-kịnịsịn ḅẹlẹ nyana wararị.”

Zẹfanaya 3:4

Ịkịankoroapụ ma ḅẹrẹtọn pịrị ḅọ ofori apụ ḅara kẹ amịna ḅụụ ọkị tẹ mbasịarị agbamịẹapụ ma fịafịa ye mẹ pilemarị, tẹ Tamụnọ oloko mẹ fangala ḅo anị sọye mịẹ ịn pịrị ḅẹ ḅara wẹrịarị.

Malakayị 2:11

Juda ḅẹ apụ ma ịna ḅịḅị sima tẹẹ, in minini Tamụnọ pịrị ye ḅụ; Jeruselemu na Izirẹlị na sọ si mịẹ tẹẹ; bebe amakiri mẹ kana-koro ḅụ ịn sịḅị-ngụngụmaye mịẹ tẹẹ. Ịn KỊNỊNYANAḄỌ ḅe ḅẹlẹmarị ọ̀ Warị mẹ pilema tẹẹ. Owiapụ ja sịẹ ḅẹ oru-atamụnọ tẹkẹarị ereme sime tẹẹ.

Malakayị 2:14

Ó gbelarị tiye ẹrẹsị ọ̀ ḅarị arị da-a mọ. Anị gotẹ ọkọ mịẹ ye, ò nimi wararị í minini ị́ ịwọ sakị í sime taḅọ ma pịrị ye mẹ í sima tẹẹ. Árị ma anie ị́nịna gbọrụ ḅụ mẹnjị ḅọ, tẹ í í minini á pịrị ye mẹ sima tẹẹ, tụkụmaye, Tamụnọ tọrọkọ ḅụ í mininim mịnẹ í ḅioḅẹngbọ-kẹ-sịrẹrẹ-niḅi ḅara sime á pịrị ḅa.

Jemụsị 4:4

Ọmịnị sunsin Tamụnọ pịrị sịkịtẹ atomi! Ó nimi-a mịnẹ ḅẹlẹma nyana tomikiri ḅẹ si-aị pịrị anie Tamụnọ na fịya-a? Tomikiri ḅẹ si-aị ḅẹlẹmaḅọ ḅẹlẹmaḅọ, mḅọ Tamụnọ na fịya-a ḅọ sọ tẹẹ.

Ḅẹrẹkọn-apụ 2:10

Anị bebe ḅụọ mẹmgba sọ nwẹnị kobiri so ịna aḍapụ ma ḍọkụma-mu, inima tẹ KỊNỊNYANAḄỌ ḅe nimi-a, anịanịa, kọrịnama mẹ tẹ, ọ̀ kọrị Izirẹlị pịrị tẹ ye mẹ nimi-a jen ḅụọ nwẹnị ịn ḅọrọ tẹso, saakị.