Jerimaya 9:19 - FỊAFỊA BAỊBỤLỤ

¹⁹ Zayọnị ḅụ owu-pọkọ fiearị ye pokii, “Wa fa tẹẹ! Wamịna tọrụ-tuu fama tẹẹ! Jen mịẹ-mịẹ ḅara ofori wa wamịna amakiri koroma-so ḅa; Wamịna sime-ayọ ma ịn kan sara tẹẹ.”

Jerimaya 9:19 Iomraidhean Croise

Ayịzaya 32:9

Ọmịnị ḅụụ ḅaa ḍumo kọn-arị ereme, gberie-sọ gotẹ ḅalaḅala-a apụ, ọmịnị à ḍukoarị ye pokii.

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 2:14

“Izirẹlị omoniḅọ-a, Omoniḅọ pịkị ori iyi-a. Ọkọ kụma tiye ẹrẹsị si kẹ ọ̀ tọn apụ ma ò ḍuka-ḍuka tẹ ò kun-arị?

Jerimaya 4:13

Ḍikii, kịnị-na-fịya-a ḅọ ḅe oḅuto ḅara kẹ ḅoarị, ò kirimẹnjị-ọmụarụ ma nume-naowu kịkarị, tẹ ori asụ ma mangị igo amẹẹ nẹngịm. Wa fa tẹẹ! Ḅọrọma ḅarị sime wa pịrị-a!

Jerimaya 4:20

Gbọrụ opu ḅụụ-fụka jen pono ḅoarị; bebe yọ mẹ kaan-sara simearị. Ḅiotọn-a ḅara ḅụ ịn wamịna akpụrụ-awarị ma kaan-guluguluma tẹẹ; kẹ kiki-pẹlẹ-aḅịtẹ ma sọ ịn kanị-sara tẹẹ.

Jerimaya 7:15

Àrị ó dee-siin ḅa, ị̀ tọrọkọ, arị ọmịna amịnapụ Izirẹlịapụ dee-siin ḅara. Yẹrị KỊNỊNYANAḄỌ ḅe ọkọ ḅẹẹm.

Jerimaya 7:19

Kụma karakaramatẹ yẹrị mie in ye kẹ mịẹarị aro? Ẹn-ẹn, ịna ḅụụ mie ịn kẹ mịẹarị, tẹ ḅụụ-jịrị dogi-ḅo ḅụụ pịrịarị.

Jerimaya 7:29

“Jeruselemu ḅẹ apụ, ó kururuu; ọmịnị ọmịna sịḅị-ḅẹ-inume kịrị-siin tẹ kẹ gbin ngumaa; Ó tụndụ ma ọgọnọ-jụ sime tẹ ḍụẹịn owu nume-suu, kẹ gotẹ ọkọ ḍukoarị, yẹrị KỊNỊNYANAḄỌ ḅe, ịganịarị, tẹ ị̀ atomi sịkị tẹ.

Kururu Owu-apọkọ 4:15

“Ó soo! Ọmịnị fịafịa-a apụ,” tomi ọkọ oloku ịn pịrịm Ó soo! Ó soo! Ọ́ ḅara kẹ wa lama ma! Mie ḅụ ịn ḅo karakara nimi-a apụ na, ikele-ikelema ḅọrọarị apụ na sọm; opu asịẹ ma ogbo-ḅio ḅụ tomi ḅẹm, “Ịn ḅarị jen-maaịn kẹ Wamịnị na gboloma tẹ anga ḅịa.”

Kururu Owu-apọkọ 5:2

Wamịna anga yọ mẹ pịkị ḅo igoniapụ sime anga sọ tẹ; wamịna ama ma sime igoniapụ pịrị tẹ.

Izikẹlị 27:2

Fịị-fịị tomḅọ, ḍụẹịn ḍiḅi nume-su Taya pịrị,

Lẹvitikọsị 18:25

Tẹ ama mẹ nwẹnị ḅo pilema, anie mịẹtẹ àrị anị ḅẹ iri-mịẹye mẹ fomum, tẹ ama mẹ anị ḅio anga apụ ma ọsụ pakamam.

Lẹvitikọsị 18:28

Ọmịnị sọ ọkọ mịẹ ḅẹḅẹ, ama mẹ ḅofa ọmịnị ọsụ pakama, ọmịnị anị pilema sakị; anị wẹrịtẹ opu sịẹ mẹ tẹ ọmịna tọrọkọ tarị sime-sime ye mẹ ọsụ pakama ḅara.

Lẹvitikọsị 20:22

Ọmịnị ọkọẹrẹsị ì oloko kẹẹ-koro wararị aị ma na, kụrọ ị̀ ḅara-ḅio emi ḅara kẹ à tọn aị ma na koko tẹ arị mịẹ; mịẹtẹ arị ọmịnị ọkị-ḅo tẹ ọ́ mu anga ḅẹ muarị anga mẹ, ama mẹ ọmịnị ọsụ pakama ḅịa ḅara.

Mayịka 2:10

Ọ́ saakị tẹ soo; mịanga ọ́ ḅarị jen ḅụụ-dein nyana-a. Ọmịnị asi mịanga mẹ kẹ ḅaa fama yọ mịẹ tẹ.

Mayịka 2:4

Anị ene mẹ ḅụ, tomi ọmịna fị-na-fa-na elekima mẹ kẹ ịlụkụ sọma gbaa ḅa, tẹ ọ́ la ye mẹ kẹ nwẹn sime ḅio-lọkọ nume-su ḅa; Wa la tẹ kọn ye ofori! KỊNỊNYANAḄỌ ḅe wamịna ama ọkị tẹ, tẹ anị kẹ inima tẹ wa kuun-ọkị apụ ma pịrị tẹ.”

Ditẹrọnọmị 28:29

Ọ́ tọrụngbọ-pụụntẹ-apụ kanakana ḅio irima-irima ḅara kẹ eneḅaka-fịafịa-ogbo ḅụ irima-irima ḅa; anịsakị ọmịna etela ma ḅụ ọ́ lọkọlọkọ ḅịa; ini ó ponoma-ponoma tẹ sịkọpẹlẹ-a ḅara kẹ kụrọ ḅara kẹ ọ́ nyana aị ọkị ḅa, tẹ ḅarasụa ọ́ pịrị ḅẹ gbọrụḅọ-sọ paka ḅịa.