Jerimaya 9:16 - FỊAFỊA BAỊBỤLỤ

¹⁶ Sịẹ-sịẹ tẹ ini anịanịa ịna elemu-aḍapụ amụ arị gboloma ye naa-a apụ ogboku ḅụ, arị ịn kẹ gala-galama ḅa, tẹ ọmụ-ogbo-ogbo kẹ ịn fịrịma nwenii tẹ àrị ịn ḅaa guluguluma fama ḅa.”

Jerimaya 9:16 Iomraidhean Croise

Nehimaya 1:8

Ẹkwẹn-ḅịḅị mẹ tẹ ị́ tọn ị́ fịrịmẹnjịḅọ Mozizi pịrị ye mẹ kẹ ḅiokoroma, tẹ ḅẹẹm, ‘Ó minini nyana-a ḅẹḅẹ, arị ọ́ gala-galama ḅa tomi ma ogbo ḅio ḅụ;

Devidi-Anume 106:27

tẹ ịna awọmẹ ma gala-galama oru nimi apụ ma ḅio suu ḅa, tẹ ịn wẹrịso tẹ ịn ja asịẹ ḅụ sime tẹ fịị.

Nimi Tolumaḅọ 12:5

Gele ayeyọ ị́ ḅalafama ḅa, tẹ mẹnjị nwẹnị ye kẹ kịnị lama-lama ye sọ ḅa. Ị́ sịḅị-ḅẹ-inume pịkị iḅulu ḅịya ḅa, alịmọnịdị fịlawa pịna-pịna ḅara; ị́ kpọma ḅụụ-fụkama tẹrẹmẹ inetẹ ị́ ḅụụ fọnọ mẹnjịma ḅa, anịsakị í ḅii aị mamgba mangị-so fama ḅa. Gbala tomḅọ so mḅọ sime gbamaso ịnyọsara anga muarị, anịsakị tomi nwẹnị ḍụẹịn ḍuu etela ma ḅụ mẹnjịma ḅọrọ ḅa.

Jerimaya 13:24

KỊNỊNYANAḄỌ ḅe kẹ ị́ gala-galama ḅarị ḅara ịkpa ḅio fẹrụ samụnọtẹ asịra gala-galama ḅara kịka ḅa.

Jerimaya 24:10

Arị ọmụ na, ḅuru-ḅa na, obi na ọkị-ḅo ịna ọgọnọ gbana ḅa, nwenii ịna ḅụ gbọrụḅọ sọ kirikọn ḅịa à kẹ ini na ịna elemu aḍapụ na pịrị amakiri mẹ ḅụ.”

Jerimaya 25:27

Anịtẹso KỊNỊNYANAḄỌ ḅe ị̀ ḅẹẹm, “ḍuko tomi ma pịrịị mịnẹ yẹrị Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, tọn in pịrịarị ini iru mẹ ḅuu nwenii anị ịna tọrụ-ḅaa tẹ ini ọsụ nwenii in ḅịkị koro tẹ ḅarị inetẹ saakị-so, anie à kẹ in fịrịmarị okologie mẹ gotẹ.”

Jerimaya 29:17

Kụrọmamgba nyana KỊNỊNYANAḄỌ ḅe ḅẹẹarị, “Àrị ọmụ na, ḅuru-ḅa na, obi na ọkị-ḅo ịna ọgọnọ gbanarị, tẹ arị ịn mịẹ tẹ in si ḅụrụ tẹ ḅarị fị-fị ḅara sime-a figi-sịn mgbọlụ kịka ḅa.

Jerimaya 44:27

‘Àrị ẹrị ḅa mịnẹ ó lolo ḅịa, kụma ó gulugulu ḅa. Ọmịnị-mgba fịị ḅa, anị ḅọrọ ọmụ ḅio-o, obi ḅụ-o, nwenii ọmịna ḅụ ḅẹ gbọrụḅọ-sọ ḅarị kọọn ḅịa.

Jerimaya 7:29

“Jeruselemu ḅẹ apụ, ó kururuu; ọmịnị ọmịna sịḅị-ḅẹ-inume kịrị-siin tẹ kẹ gbin ngumaa; Ó tụndụ ma ọgọnọ-jụ sime tẹ ḍụẹịn owu nume-suu, kẹ gotẹ ọkọ ḍukoarị, yẹrị KỊNỊNYANAḄỌ ḅe, ịganịarị, tẹ ị̀ atomi sịkị tẹ.

Jerimaya 8:19

Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Izikẹlị 11:17

“Mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye mẹ ḍuko ịn pịrịị. Àrị ịn gala-galama mu tẹ amakiri ma ḅio in kobiri pakama-ḅo ḅa, tẹ Izirẹlị amakiri mẹ kẹ siin ịn pịrị ḅa.

Izikẹlị 12:15

“À nwẹn kẹ osi asịẹ ma ogboku na tọrụ-nimi-a apụ amakiri ma na ḅụ ịn gala-galama sakị mie in nimi ḅarị ye mịnẹ yẹrị anie KỊNỊNYANAḄỌ ḅe.

Izikẹlị 14:17

Anịanịa kẹ ọkị mịnẹ àrị ọmụ ọkị-ḅom anị bebe amakiri mẹ ḅụ, tẹ ḅaa-guluguluma owuna-aị kẹ tomi na nama ma na fama, gbọrụ ḅara mẹ ḅụ

Izikẹlị 20:23

Mie ḅụ à siin jen ye mininim ịkpa mẹ ḅio. À ye karị ḅara kẹ ḍukom àrị ịn gala-galama ḅa tomikiri mẹmgba ḅụ.

Izikẹlị 27:2

Fịị-fịị tomḅọ, ḍụẹịn ḍiḅi nume-su Taya pịrị,

Izikẹlị 5:12

Ị́ atomi ma kẹ tẹra akiri ḍiya ḅẹ gbọrụ kiri opu ama mẹ ḅio sime tẹ fịị ḅa obi na ḅuru-ḅa na ḅụ kẹ tẹra akiri ḍiya ḅẹ gbọrụ kiri ịn nwẹn kẹ okologie kẹ pẹlẹ sara ḅa opu ama mẹ ḅio ḅụ paka ḅụ; tẹ kunoma gbọrụ kiri mẹ arị ịn gala-galama ḅa fẹrụ ḅio tẹ okologie kẹ in ḍuka ḅa.”

Izikẹlị 5:2

Gbọrụ anga dọkịma opuma mẹ ḅio ini anị ọkị tẹso. Osi tẹra kiri ḅẹ gbọrụ pakịrị mẹ okologie kẹ pẹlẹ-pẹlẹ sara í opu ama mẹ ḅio mẹnjị-pakarị ogbo. Kirikọn tẹra kiri ḍie ḅẹ gbọrụ kiri mẹ kẹ fẹrụ ḅio wakị-wakị nguma, tẹ yẹrị ì okologie kẹ anị ḍuka ḅa.

Lẹvitikọsị 26:33

Opu asịẹ ma ogbo-ḅio ḅụ arị ọ́ gala-galama ḅa, anịsakị arị okologie mẹ wọrọ tẹ kẹ ó ḍuka ḅa, tẹ ọmịna ama nwẹnị faa, tẹ ọmịna opu ama ma ḅo sara sọ ḅa.

Emọsị 5:16

“Opu ama mẹ ḅẹ etela ma ḅio ḅụ kịnị kururu ḅụ sule-sule owu ḅa. Ḍụọ-kọrịapụ sọ ini ịn sịn ḅo tẹẹ ini owu ḅẹ ọkọ ḅo apụ ma na sọ tẹ owu ḅa.

Mayịka 2:4

Anị ene mẹ ḅụ, tomi ọmịna fị-na-fa-na elekima mẹ kẹ ịlụkụ sọma gbaa ḅa, tẹ ọ́ la ye mẹ kẹ nwẹn sime ḅio-lọkọ nume-su ḅa; Wa la tẹ kọn ye ofori! KỊNỊNYANAḄỌ ḅe wamịna ama ọkị tẹ, tẹ anị kẹ inima tẹ wa kuun-ọkị apụ ma pịrị tẹ.”

Zẹkaraya 7:14

Erise ḅara ḅụ àrị ini ọfịn so mu ja sịẹ ḅụ angamam. Mị iḅi amakiri mẹ nwẹnị papaa fatẹ gbin koro sime, gbọrụḅọ-sọ anị ḅio anga-a ḅara ḅụ.”

Ditẹrọnọmị 28:25

KỊNỊNYANAḄỌ ḅe ọ́ mịẹ tẹ ọmịnị na fịya-a apụ tọrọkọ ḅụ owu ọmịna ḅara si ḅa; ọ́ gbọrụ etela ḅụ paka mu ịn da-paka ḅa, tẹ sọnọma etela ḅụ ịna tọrọkọ ḍumo mangị kọn ḅa, anịsakị tomikiri mẹ ḅẹ amada-kụlọkụlọ mamgba ḅụ ọ́ sịḅị-jịrịma atomi sọ ḅa.

Ditẹrọnọmị 28:36

“KỊNỊNYANAḄỌ ḅe ọmịnị na, ọmịna amadaḅọ tẹ ọ́ kẹ ọmịna sịḅị-dama ḅọ na ọkị-ḅo gbọrụ opu sịẹ tẹ ọmịnị, anịanịa ọmịna aḍapụ sọ amụ nimi-a sịẹ pịrị ḅa; tẹ anịjụ ọ́ fịrịmẹnjị ịn sịn na, ḍụḅarị na kẹ mịẹ ja oru-atamụnọ pịrị ḅa.

Ditẹrọnọmị 28:64

“Anịsakị KỊNỊNYANAḄỌ ḅe ọ́ gala-galama ḅa tomi-kụlọkụlọ mamgba ogbo-ḅio tomikiri mẹ ḅụ gbọrụ kunoma ḅụ ọkị mu osi kunoma la; tẹ anịjụ ḅụ ọ́ fịrịmẹnjị sịn na ḍụḅarị na kẹ tẹmẹ ja oru-atamụnọ ma pịrị ḅa, arị aị ma tẹ ọmịnị, anịanịa ọmịna aḍapụ sọ nimi-a aị ma.

Ditẹrọnọmị 32:26

Mimgbe à ḅẹẹ ḅa: Àrị ịn gala-gala ala-jụ mu ḅa à mịẹtẹ tomina-ogbo ḅio kịnị ịn kẹ ḅiokoroma daasịẹ ḅa.

Ditẹrọnọmị 4:27

Anịsakị KỊNỊNYANAḄỌ ḅe ọ́ gala-galama ḅa tomi ma ogbo-ḅio ḅụ, tẹ opu asịẹ ma ogbo-ḅio KỊNỊNYANAḄỌ ḅe ó dee mu suu ḅarị anga ḅụ ọmịna aḅụụ kirikọn ḅarị apụ kịẹn-ḅịḅị kịsị ḅa.

Jemụsị 1:1

Jemusị, Tamụnọ na KỊNỊNYANAḄỌ Jizọsị Kịrayịsị na fịrịmẹnjịḅọ ḅe ḅara ḅo ḍiri mẹ: Ḅii-ḅịḅị sime Tamụnọ atomi ma tẹ bebe tomikiri mẹ ḅụ gala-gala wararị apụ mamgba pịrịị.