Jerimaya 9:15 - FỊAFỊA BAỊBỤLỤ

¹⁵ Mie ḅụ, ọkọ ẹrẹsị, Yẹrị, Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, kẹ ịn mịẹ ḅarịye pokii: àrị akụarị sịn kẹ fịye sọma ì atomi pịrị fị tẹ kịnị-ḅaaḅa ye kẹ ịn pịrị ḅuu ḅa.

Jerimaya 9:15 Iomraidhean Croise

Devidi-Anume 60:3

Ị́ mịẹ tẹ ị́ atomi ma opuma tọrụsiẹrị tẹ; wa pụmbụma-pụmbụmarị, iru ḅuu tọrụ-ḅaama apụ ọkụ.

Devidi-Anume 69:21

Ḅuru ị̀ tarị sakị, kịnị-ḅaaḅa ye mie ịn kẹ ị̀ pịrịye; minji ḅuu ị̀ pọkọ tarị sakị, ịn tụgbakịtẹ iru kẹ ị̀ pịrịm.

Devidi-Anume 75:8

KỊNỊNYANAḄỌ ḅe ori ịganị ḅụ kụrọ tẹ iru kẹ kọpụ ḅio sụa ḅinma tẹ ọlọ wararị. Ori anị sara, sara tẹ kẹ si-sịḅịḅio-sụapụ mamgba pịrị ḅuuarị, in ḅuu nwenii tẹ tusuku mẹ ḅẹ kunoma mẹ sọ mẹnị ḅọrọmarị.

Devidi-Anume 80:5

Í kururu kẹ ḅuru sọma wa pịrị fị tẹ, í opu kọpụ kẹ owu-minji sụa wa pịrị ḅuu tẹ.

Ayịzaya 2:17

Tomḅọ opu ẹkwẹn mẹ ideri ḅa, tẹ tomina ḅụụ-gelema mẹ ḅo ḅụụ-iderima ḅa; KỊNỊNYANAḄỌ ḅe ngẹrị Geleḅọ sọ ḅa anị ene mẹ ḅụ,

Ayịzaya 2:22

Ḅarị jen kẹ fịị, fịị atomi kẹ ḅiokpọma ma. In tiye la?

Jerimaya 23:15

Mie ḅụ mie yẹrị Kụrọmamgba nyana KỊNỊNYANAḄỌ ḅe mẹẹ ye Jeruselemu ḅẹ ịkịankoroapụ ma gboloma ye ḅụ: À pilema-pilema kẹ ịn pịrị tokuru ḅa, tẹ kịnị-ḅaaḅa ye kẹ ịn pịrị ḅuu ḅa, ịn Tamụnọ nimi-a ḍumo kẹ bebe amakiri mẹ ikelema-koro tẹ ẹrẹsị.

Jerimaya 24:10

Arị ọmụ na, ḅuru-ḅa na, obi na ọkị-ḅo ịna ọgọnọ gbana ḅa, nwenii ịna ḅụ gbọrụḅọ sọ kirikọn ḅịa à kẹ ini na ịna elemu aḍapụ na pịrị amakiri mẹ ḅụ.”

Jerimaya 25:15

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ị̀ ḅẹẹm, “Mie iru mọngị, ị̀ ịganị anị ḅio ḅin wararị. Anị ọkị tẹ kẹ arị ị́ kẹ fịrịmarị asịẹ mamgba muu, tẹ ịn mịẹ tẹ ini anị ḅio ḅuu.

Jerimaya 44:27

‘Àrị ẹrị ḅa mịnẹ ó lolo ḅịa, kụma ó gulugulu ḅa. Ọmịnị-mgba fịị ḅa, anị ḅọrọ ọmụ ḅio-o, obi ḅụ-o, nwenii ọmịna ḅụ ḅẹ gbọrụḅọ-sọ ḅarị kọọn ḅịa.

Jerimaya 49:37

À mịẹ tẹ Ẹlamụ ḅẹ apụ ma ini na fịya-a apụ gotẹ ḅalafaa ḅa, anie ịn ḅaa ḅẹ-ḅiiarị apụ ma. Ì opu ịganị ḅụ àrị Ẹlamụ ḅẹ apụ ma ḅaa guluguluma ḅa, tẹ ini na fịya-a apụ kẹ ịn fịrịma ḅa, nwenii àrị ịn ḅaa-fama ḅa.

Jerimaya 8:14

Tamụnọ atomi ma gbelarị, “Tiye ẹrẹsị wa paa mị yọ lẹgị-sime wararị? Ó ḅoo, wa mangị kụrọnị opu ama ma mu tẹ arị anga ḅụ fịị. KỊNỊNYANAḄỌ, wamịna Tamụnọ ḅe, fịị ḅẹrẹ-pẹlẹ wamịna ọgọnọ gbana tẹẹ; ọ̀ kịnị-ḅaaḅa ye kẹ wa pịrị ḅuu tẹẹ, wa si kẹ ọ̀ mịẹ tẹ ẹrẹsị.

Kururu Owu-apọkọ 3:15

Ori akụ kẹ ì ḅio ḅụ ḅinma tẹ, ori akụarị iru na fịye na kẹ ị̀ pịrị furo ḅinma tẹ.

Kururu Owu-apọkọ 3:19

Ị̀ ḅụụ-fụka na, ị̀ ikele-ikele na kẹ ḅiokoromaa pịkị akụarị ịnyịnya mẹ na, akụarị kịnị-ḅa ye mẹ na sọ.

Izikẹlị 5:12

Ị́ atomi ma kẹ tẹra akiri ḍiya ḅẹ gbọrụ kiri opu ama mẹ ḅio sime tẹ fịị ḅa obi na ḅuru-ḅa na ḅụ kẹ tẹra akiri ḍiya ḅẹ gbọrụ kiri ịn nwẹn kẹ okologie kẹ pẹlẹ sara ḅa opu ama mẹ ḅio ḅụ paka ḅụ; tẹ kunoma gbọrụ kiri mẹ arị ịn gala-galama ḅa fẹrụ ḅio tẹ okologie kẹ in ḍuka ḅa.”

Izikẹlị 5:2

Gbọrụ anga dọkịma opuma mẹ ḅio ini anị ọkị tẹso. Osi tẹra kiri ḅẹ gbọrụ pakịrị mẹ okologie kẹ pẹlẹ-pẹlẹ sara í opu ama mẹ ḅio mẹnjị-pakarị ogbo. Kirikọn tẹra kiri ḍie ḅẹ gbọrụ kiri mẹ kẹ fẹrụ ḅio wakị-wakị nguma, tẹ yẹrị ì okologie kẹ anị ḍuka ḅa.

Ditẹrọnọmị 28:36

“KỊNỊNYANAḄỌ ḅe ọmịnị na, ọmịna amadaḅọ tẹ ọ́ kẹ ọmịna sịḅị-dama ḅọ na ọkị-ḅo gbọrụ opu sịẹ tẹ ọmịnị, anịanịa ọmịna aḍapụ sọ amụ nimi-a sịẹ pịrị ḅa; tẹ anịjụ ọ́ fịrịmẹnjị ịn sịn na, ḍụḅarị na kẹ mịẹ ja oru-atamụnọ pịrị ḅa.

Ditẹrọnọmị 29:18

Ọmịnị ọmịna aḅụụ ẹbị anieofori ọmịna ogbo-ḅio gbọrụ owiḅọ, anịanịa ẹrẹḅọ, anịanịa gbọrụ ere-furo, anịanịa furo tẹ amịna ḅioḅẹngbọ mịmgba KỊNỊNYANAḄỌ wamịna Tamụnọ ḅe ḅụụ vuunma pịkị-so tẹ mu fịrịmẹnjị arị opu asịẹ ma ḅẹ oru-atamụnọ ma pịrị ḅẹ ḅọ ḅofa paka-ḅo; anieofori ọmịna ogbo-ḅio kịnị-ḅaaḅa akụarị sịnmgbọlị sụa gbọrụ sịn-kuno ḅofa paka.

Mịẹfinji 8:11

(Lolia mẹ ẹrẹ “Akụ.”) Arị anga ma ḅẹ minji mẹ kẹ tẹra anga ḍie ḅẹ gbọrụ anga akụm, tẹ ḅuu apụ ḅẹ tọnwa-apụ fịịm, anị ḅo akụarị minji sọ tẹ mẹ gotẹ.