Jerimaya 9:14 - FỊAFỊA BAỊBỤLỤ

¹⁴ Anie nakara, ịn kọngọ kụrọma tẹ sunsin Balị oru-afụḅara pịrịtẹ, anie ịna aḍapụ ma kẹ in tolumam ịn mịẹ ḅẹ ḅara mẹ.

Jerimaya 9:14 Iomraidhean Croise

Suku-saakị 6:5

KỊNỊNYANAḄỌ ḅe nwẹnị ẹrị mịnẹ tomikiri mẹ ḅụ tomi asi-sịḅịḅio mẹ ḍụḅa tẹ, anịsakị tomi kuroma ḅụ ịn mịẹ ḅẹ tẹ sakị mamgba ịna aḅioḅẹngbọ simearị aị goyegoye, si-aị sikima jen ofori.

Jobu 9:18

Ọ̀ ḍụkụ tẹ à ḅarị à sara ḅẹ ọwụ nyana ḅịa; kụma akụ kẹ ị̀ ḅụụ ḅinma ḅa.

Jerimaya 11:8

Kụma in poki-a anịanịa à ḍuko ḅara mị. Anie nakara, ọrụḅọ-ọrụḅọ paa kọngọ-kụrọma tẹ si mịẹ-mịẹ-mịẹm. À ḍuko ịn pịrịm ini ọḅọkụ mẹ koko, kụma ịn ḍụkụ-a. Mie ḅụ àrị anị ḅio ḅụ ḍuko finji wararị afomu-ḅara ma ọkị-ḅo ịna ọgọnọ gbanam.”

Jerimaya 13:10

Mịna si-mịẹapụ ma ḍụkụ tẹ ị̀ ḅịḅịpoki-a. Anịngẹ-kụraḅio ini ma anie kọngọ kụrọma-kụrọma tẹ pịkị si-sịḅịḅio-sụa-sụa apụ, tẹ in sunsin oru-atamụnọ pịrị tẹ fịrịmẹnjị ịn pịrịm. Ọkọ ẹrẹsị ịn mị okolo-kapa mẹ kịka ḅa, anie ḅarị gbọrụ iḅiye ḅụ sọ-sọ ḅịa ye mẹ.

Jerimaya 16:12

Kụma ọ́ mịẹ si, ọmịna elemu aḍapụ ma mịẹ ye nẹngị tẹẹ. Ọmịnị-mgba kọngọ kụrọma tẹ si wararị, tẹ ọmịnị ị̀ ḅịḅị poki-a.

Jerimaya 2:23

Ndẹẹ í inetẹ ị́ ị́ ḅụụ pilema-a ḅẹẹ ḅẹ ḅara, mịnẹ jene-jene amụ í Balị tẹkẹ-a? Tụndụ suku mẹ ḅụ ị́ mịẹ siye ḍikii; ị́ mịẹ tẹ ye ẹrịị, Ọfịrị ḅụụ-ḅalaḅalamarị piri-ḅio-ḅẹ ike-sụa-nama ḅe mie ị́ kịkarị, kpọọ-a tẹ mangị ikele-ikelearị,

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 23:15

Mie ḅụ mie yẹrị Kụrọmamgba nyana KỊNỊNYANAḄỌ ḅe mẹẹ ye Jeruselemu ḅẹ ịkịankoroapụ ma gboloma ye ḅụ: À pilema-pilema kẹ ịn pịrị tokuru ḅa, tẹ kịnị-ḅaaḅa ye kẹ ịn pịrị ḅuu ḅa, ịn Tamụnọ nimi-a ḍumo kẹ bebe amakiri mẹ ikelema-koro tẹ ẹrẹsị.

Jerimaya 23:27

In kuromarị mịnẹ ịn ḍawọ tẹ ḍukoarị aị ma ḅụ ịn ḅọrọtẹ ị̀ atomi mịẹ tẹ ini ị̀ kẹ ḅioḅọrọma ḅa, ịna aḍapụ ị̀ kẹ ḅioḅọrọma tẹ pịkị Balị dama-mu gbọrụ ḅara mẹ.

Jerimaya 3:17

Anị sakị mẹ ḅụ, ịn kẹ Jeruselemu sịn ḅarịye: KỊNỊNYANAḄỌ Ḅe Emine, tẹ sịẹ-sịẹ ma anị anga kobiri tẹ sunsin ị̀ pịrị ḅa. Ịn ḅarị jen kẹ ịna kọngọ-kụrọ na sitẹ aḅioḅẹngbọ ma ḍuko ịn pịrị aị mịẹ ḅịa.

Jerimaya 44:17

Wa ḅiim wa mịẹ ḅẹ ye goyegoye wa mịẹ ḅa. Wa agba mịẹ wamịna oru-tamụnọ, So Amada-Ẹrẹḅọ ma pịrị ḅa, tẹ pịkị iru sara á pịrị ḅa, anie wamịnị na, wamịna elemu-aḍapụ na, wamịna amadapụ na wamịna sịḅịdapụ na mịẹ sime gbọrụ ḅara mẹ Juda ḅẹ ama ma ḅio na Jeruselemu etela-ogbo ma na ḅụ. Wa ọkọ mịẹ tẹso, wa fịye nyanam, wa lọkọlọkọm, ḅụụ-fụka sọ ḅo-ḅo wa la-a.

Jerimaya 7:24

Kụma in poki tẹ mịẹ-a, anịanịa anị kẹ ye sịn. Anie nakara ịna kụrọtẹ si ḅioḅẹngbọ ḍuko ịn pịrịm mịẹ ḅẹẹye-ḅẹẹye mie ịn mịẹ ye, tẹ nwẹnị ḅo sii elemu in si ḅara nẹngị tẹẹ.

Jerimaya 8:14

Tamụnọ atomi ma gbelarị, “Tiye ẹrẹsị wa paa mị yọ lẹgị-sime wararị? Ó ḅoo, wa mangị kụrọnị opu ama ma mu tẹ arị anga ḅụ fịị. KỊNỊNYANAḄỌ, wamịna Tamụnọ ḅe, fịị ḅẹrẹ-pẹlẹ wamịna ọgọnọ gbana tẹẹ; ọ̀ kịnị-ḅaaḅa ye kẹ wa pịrị ḅuu tẹẹ, wa si kẹ ọ̀ mịẹ tẹ ẹrẹsị.

Kururu Owu-apọkọ 3:15

Ori akụ kẹ ì ḅio ḅụ ḅinma tẹ, ori akụarị iru na fịye na kẹ ị̀ pịrị furo ḅinma tẹ.

Emọsị 2:4

KỊNỊNYANAḄỌ ḅe ḍukoarị, “Juda ḅẹ apụ ma si-si-si mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ini ì toluma-aị ma ḍiki-sima tẹ à tọn-koroma-aị ma koko-a. Ịna elemu aḍapụ ma fịrịmẹnjị pịrị sime papaa atamụnọ ma ịn da irima ye ḅụ.

Galesiya 1:14

À Juu-ḅẹ-apụ Tamụnọ nimi ḅara mẹ ḅụ sime sakị, ì pembema Juu-ḅẹ-apụ tẹ ị̀ ḅara ḅẹ apụ ḅẹ tọnwa-apụ ḅụ yẹrị tọrọkọ, anie à pịkị wamịna atẹngịapụ ma ama-anganga-ḅara ma ọlọ kụrọma ịn nẹngị fama ḅara.

Ẹfisọsị 2:3

Karakaraye ḍuko ḅụ, wamịnị-mgba ịn mịẹ ḅara mịẹ tẹ tomḅọ si sime-ḅara mẹ ḅụ wa ḅiiarị aị ma ḍiki angam, wamịna meni-oju na wamịna akuroma na ḅụụ-ḅẹlẹ aị mịẹ ḅụ. Wamịna tomḅọ si sime-ḅara mẹ ḅụ wa ḅẹ tomḅọ, tomḅọ na kịka ḅara ḅụ; wa sime Tamụnọ ịganị pịrịm.

1 Pita 1:18

Kẹ gotẹ ọkọ ḍukoarị, ọ̀ gbẹẹ tẹ ọmịna atẹngịapụ ma da-saḅama ọ́ pịrị papaa ḍumo mẹ ḅẹ omoni mẹ ḅio ọ́ pakama-ḅo ye ḍụḅa la ḅara ó nimim. Anie mẹ golu na, seleḅa na gulugulu ḅara kẹ gulugulu ḅẹ ye-a;