Jerimaya 9:13 - FỊAFỊA BAỊBỤLỤ

¹³ KỊNỊNYANAḄỌ ḅe nwẹnị pakịrị, “Miemẹ gotẹ paka yee, ì atomi ma à kẹ ịn pịrị toluma ye mẹ kẹ gbin koroma-so tẹẹ. Amụ ini ị̀ ḅịḅị poki tẹ à ḍuko ịn pịrị ye mịẹ-a.

Jerimaya 9:13 Iomraidhean Croise

2 Paka-aị 7:19

Kụma ị́ nwẹnị tọrụ pịkị jen anga da tẹ ị̀ oloko ma tẹ kẹẹ wararị aị ma na, à tọn aị ma na tẹ à kẹ ị́ tọrọkọ koroma aị ma sịkị, tẹ fịrịmẹnjị oru-atamụnọ pịrị tẹ sunsin ịn pịrị-pịrị,

Ẹzịra 9:10

Anịsakị yei wamịna Tamụnọ, miemẹ ḅọrọ tẹ mịọkụ wa tiye ḍuko ḅẹ? Kẹ gotẹ ọkọ ḅẹẹarị, wa í oloko ma sịkị tẹẹ,

Devidi-Anume 119:53

Si-sịḅịḅio-sụa apụ ma í oloko kan-arị tẹ àrị ẹrị sakị, ịganị ị̀ ḅụụ ḅio sọ ḅin-arị.

Egberima-Ẹkwẹn 28:4

Í oloko bala-a ḅẹḅẹ, í si-sịḅịḅio-sụarị apụ jụ emi; kụma í oloko kokoarị ḅẹḅẹ í ini na tụḅụrụ wararị.

Jerimaya 13:10

Mịna si-mịẹapụ ma ḍụkụ tẹ ị̀ ḅịḅịpoki-a. Anịngẹ-kụraḅio ini ma anie kọngọ kụrọma-kụrọma tẹ pịkị si-sịḅịḅio-sụa-sụa apụ, tẹ in sunsin oru-atamụnọ pịrị tẹ fịrịmẹnjị ịn pịrịm. Ọkọ ẹrẹsị ịn mị okolo-kapa mẹ kịka ḅa, anie ḅarị gbọrụ iḅiye ḅụ sọ-sọ ḅịa ye mẹ.

Jerimaya 22:9

Anịtẹso ịn pakịrị ḅa mịnẹ ọmịnị yẹrị ọmịna Tamụnọ ḅe na ọmịnị na fị ọḅọkụ mẹ kẹ gbin koroma tẹ sunsin oru-atamụnọ pịrị tẹ fịrịmẹnjị arị pịrị tẹẹ.”

Jerimaya 5:19

Ini à gotẹ mịna aị ma mịẹ ye gbela sakị, Jerimaya, ịn ḅẹẹ mịnẹ ini ị̀ ḅụụ pịkị-so tẹ fịrịmẹnjị jen asịẹ ḅẹ atamụnọ pịrị ḅara mẹ ịna ḅara kuḅu ḅẹ amakiri ḅụ, anie ịn pịkị fịrịmẹnjị jen asịẹ ḅẹ apụ pịrị ḅarị ḅara ịna nye-a amakiri ḅụ.”

Jerimaya 7:26

Anịsọ gbọrụḅọ-sọ poki tẹ kẹ ye-sịn-a. Anie nakara ó ḅioḅẹngbọ kụrọma tẹ kọngọ-kụrọma ọmịna elemu aḍapụ ma nẹngị tẹẹ.