Jerimaya 9:11 - FỊAFỊA BAỊBỤLỤ

¹¹ KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Jerimaya 9:11 Iomraidhean Croise

Nehimaya 4:2

Ọ̀ nwẹnị ori amịnapụ na, Sameriya ḅẹ ọmụ-ogbo mẹ na tọrọkọ ḅụ ḅẹẹ, “Mịna ịnyọ nyana-a Juu-ḅẹ-apụ ma ịn tiye mịẹarị? Ini arị aị ma kẹ arị sime-ḅara wẹrị ḅẹ? Ini agba mịẹ ḅẹ? Gbọrụ ene ḅụ ini arị kọrị fama ḅẹ? Ịn sara ma ḅio sin ḍụḅarị ma soku pakama-ḅo, tẹ dọkịtẹ aị ma kẹ arị sime-ḅara wẹrị ḅẹ?”

Devidi-Anume 107:43

Yee ye-nimiapụ mịna aị ma kẹ kuroma ḅụ suu; yee ịn KỊNỊNYANAḄỌ ḅe kuno-a ḅẹlẹma mẹ kẹ elekima sụa.

Devidi-Anume 44:19

Anịsọ ị́ ḅarasụa wa pịrị-a tẹ wa kẹ kịnị-ḅaaḅa piri-ḅio-ḅẹ anama ogboku ḅụ koroma-som; kpiti tẹịn kanakana ḅio mie ị́ wa kẹ gbin kuroma tẹ so ye.

Devidi-Anume 79:1

Yei Tamụnọ, oru nimi apụ ma owu kẹ ị́ amakiri mẹ paka ḅẹ ḅo tẹ. Ini ị́ fịafịa Warị mẹ pilema tẹ Jeruselemu mẹ kan sara tẹ.

Ayịzaya 13:22

Tawa ma na amada-awarị ma na ḅio hayịna nwẹn-sịn ja anama pẹị-pẹị anama ma na piri-obiri ma na kọn-arị oloku mẹ arị ḅio fie ḅa. Babịlọnị sakị ḅo la tẹ! Árị ene ma kẹlẹ kọnm ḅọrọ-so fama ḅa.”

Ayịzaya 25:2

Ị́ ama ma pịkị-ḅo kan-saratẹ aị sọma tẹ, pịkị ịna ḅụụ-ḍụaaị ma guluguluma tẹ. Si kẹ wa tọn apụ ma nama amada-awarị ma fa gbamaso tẹ.

Ayịzaya 34:13

Ama-da awarị ma na onu gbori wararị ama mamgba na ḅio nangị asịn na ọmị asịn na so-paka gele ḅa, tẹ piri obiri ma na mgbukumgbuku ma na arị ḅio anga ḅa.

Ayịzaya 44:26

Kụma ị̀ fịrịmẹnjịḅọ tọrọkọ paka ḅẹ ye ḍuko arị sakị, arị ì oku-mẹnjịḅọ fịrịma mu à tọn wẹrị aị mịẹfinji ḅẹ sakị, à mịẹ tẹ à tọn wẹrị aị ma na tọrọkọ paka ḅẹ tẹ ò ḍuko aị na ò ḍuko ḅara pakarị. À ḍuko Jeruselemu pịrịarị mịnẹ kịnị siin anị anga anga ḅa, tẹ Juda ḅẹ opu ama ma in siin arị nama ḅa. Arị opu ama ma sara ma ḅio saakị paka-ḅo ḅa.

Jerimaya 1:15

kẹ gotẹ ọkọ ḅẹẹarị, arị ọgọnọ-jụ mẹ ḅẹ asịẹ mamgba sịn ḅoarị. Ịna amadapụ ma ịna emine ma kẹ Jeruselemu ogigo-ḅọkọ dẹẹ ḅa pịkị kẹ anị ḅẹ onu ma ikelema-koro ḅa, pịkị kẹ Juda ḅẹ opu ama ma sọ ikelema-koro ḅa.

Jerimaya 10:22

Ó poki-ye! Ḅịḅị ḅo tẹẹ! Tomikiri mẹ ọgọnọ-jụ ḅụ gbọrụ sịẹ ḅụ opu gbiri-gbiri-gbiri paka tẹẹ; anị ḅẹ ọmụ-ogbo mẹ Juda ḅẹ opu ama ma kẹ ịkpa mịẹ ḅa, piri-obiri angarị anga.”

Jerimaya 16:10

“Í mie mẹmgba ḍuko ịn pịrị sakị, ini í gbela ḅa à gotẹ tọn-pẹlẹ tẹ mị kụrọ-ḅara mẹ kẹ in fomuarị ye. In gbela ḅa ịn mịẹ siye, tẹ ḅẹrẹ ịna ḅara si ye, anie ịn kẹ KỊNỊNYANAḄỌ, ịna Tamụnọ ḅe, mị si.

Jerimaya 25:11

Mị bebe amakiri mẹ si tẹ koro-sime ḅa, tẹ ḍiki-tọrụ ḅụ kpọma ḅụụ-gbiripuma ye sọ ḅa, tẹ anị na kpeki wararị asịẹ ma na nwẹnị kụra atesi oyi finji kẹ fịrịmẹnjị Babịlonịya ḅẹ amadaḅọ ḅe pịrị ḅa.

Jerimaya 25:18

Jeruselemu na Juda ḅẹ ama mamgba na, pịkị anị ḅẹ amadapụ na sịḅịdapụ na sọ kẹ ịna ḅụ sụa tẹ in ḅuum, mịẹ tẹ ini ịkpa sọ ḅẹ ḅara, tẹ ḍiki-tọrụ ḅụ ḅalafamarị pịkị ḅụụ-gbiripumarị ye, mịẹ tẹ kịnị ịna ẹrẹ kẹ ye karị, anie mịọkụ sọ in paa mịẹarị ḅara.

Jerimaya 26:18

Hẹzịkaya ama-daarị sakị Juda ḅụ, ịkịankoro Mayịka, Morẹsẹtị ḅẹ ḅọ ḅe, ḍuko tomi ma pịrịm mịnẹ Kụrọmamgba nyana KỊNỊNYANAḄỌ ḅe ḍuko tẹẹ: Ini opu anama fọnọ-mẹnjịarị kiri soku ikulele kẹ Zayọnị kẹ ḍụọ kọrị kiri kịkama soku ḅa. Jeruselemu sara sọ ḅa, tẹ Tamụnọ-warị mẹ opu-piri sọ ḅa.

Jerimaya 26:9

Tiye ẹrẹsị ị́ KỊNỊNYANAḄỌ ḅe ẹrẹ ḅụ ḍuko mịnẹ mị Tamụnọ-warị mẹ ḅo Silo na kịka ḅa, anịsakị mịẹ opu ama mẹ ini anị guluguluma tẹ gbọrụḅọ-sọ ḅarị anị ḅio anga ḅịa.” Anịtẹso tomi ma ḅo ì ikelema-korom.

Jerimaya 34:22

À tọn tẹ ịn pịkị mịẹ opu ama mẹ ḅo ḅa. Ini owu kẹ anị paka tẹ anị ọkị tẹ dọkịma kiri lama ḅa. À mịẹ tẹ Juda ḅẹ ama ma ịkpa kịka ḅa, gbọrụḅọ-sọ anga-a yọ. Yẹrị, KỊNỊNYANAḄỌ ḅe, ọkọ ḅẹẹm.’ ”

Jerimaya 4:27

KỊNỊNYANAḄỌ ḅe ọkọ ḅẹẹm mịnẹ bebe tomikiri mẹ ḅo kịnị anga-anga-a yọ sọ ḅa, kụma ọ̀ gbọrsịḅị anị guluguluma fama ḅịa.

Jerimaya 44:2

Kụrọmamgba nyana KỊNỊNYANAḄỌ ḅe, Izirẹlị sunsin pịrịarị Tamụnọ ḅe, ḅẹẹm, “Ọmịnị ḅarana àrị ọkị-ḅo Jeruselemu na Juda ḅẹ osi ama ma na ọgọnọ gbana gulugulu mẹ ẹrị tẹẹ. Mịọkụ mẹ ḅụ sọ arị paa kaan-sara wararị, tẹ gbọrụḅọ-sọ arị ḅio anga-a,

Jerimaya 49:33

Hezọ ịkpa sọ ḅa, ḅẹẹ-sakị ḅẹẹ-sakị ḅụ, piri-obiri kịngẹ angarị yọ. Gbọrụḅọ sọ ḅarị jen kẹ anị yọ anga ḅịa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 50:3

“Ọgọnọ-jụ ḅụ gbọrụ sịẹ sime tẹ owu kẹ Babịlọnị paka ḅẹ ḅo tẹ, tẹ anị kẹ ịkpa sọma ḅa. Tomi na nama amẹẹ na mangị-so ḅa, tẹ gbọrụḅọ sọ anịanga anga ḅịa.”

Jerimaya 51:37

Anị sịẹ mẹ ḅẹ amakiri mẹ sara sọ tẹ, piri-ḅio-ḅẹ anama angarị anga sọ ḅa. Ḍiki-tọrụ ḅụ anị sịḅị-kụrụkụrụma ḅa. Gbọrụḅọ-sọ anị ḅio anga ḅịa, tẹ anị ẹrị apụ mamgba tẹmẹ-naịn-naịn ḅa.

Jerimaya 8:22

Giliyadi ḅụ kịnị gwọ-gwọ gbọrụ ḍiri sọ ḅarị ofori? Anị anga ḅịrịapụ ḅarị ofori? Ọkọ kụma, tiye ẹrẹsị ị̀ atomi amụ paa gwọ-a?

Kururu Owu-apọkọ 1:4

Mẹnjị Zayọnị mu etela ma kururuarị, gbala gbọrụḅọ-sọ ịn pẹlẹ alalị ma ḅo-a ẹrẹsị; árị ogigo-aḅọkọ mamgba fa tẹ koro-sime wararị, árị agbamịẹapụ opu akụ ḅụ iningiarị; árị eremịna-awọmẹ ma ini ịn nụnụ so tẹ, tẹ árịma ḅioju nwẹnị ye ḅụụ ḅụ akụ ḅara kẹ tọrụsiẹrịarị.

Kururu Owu-apọkọ 2:2

KỊNỊNYANAḄỌ ḅe ọkụrụkụrụ nyana-a ḅara kẹ, Jekọbụ angarị anga mamgba fama tẹ; ọ̀ kụrọ ịganị ḅụ ò Juda ḅẹ ẹrẹḅọtụḅọ ma, kụrọtẹ ḅọị anga mẹ kan-sara tẹ; kụn nyana-a ḅara ḅụ ori ama-da kụrọ mẹ na, anị ḅẹ ḅẹrẹtọn-apụ na kẹ kiri-ḅio kuroma tẹ.

Kururu Owu-apọkọ 3:47

Bẹkẹ tẹmẹ-naịn-naịn na, ọkpaị-na-okuro-na, sima na, guluguluma na ḅo wamịna ọgọnọ gbanam.

Lẹvitikọsị 26:32

À kẹ ama mẹ fama ḅarị ḅara, ọmịnị na fịya-a apụ tẹ anị ḅio koro sịẹ ḅarị apụ mịẹtẹ ini anị ḅụ ḅụụ-gbiripu ḅa.

Mayịka 1:6

Anịẹrẹsị yẹrị KỊNỊNYANAḄỌ ḅe Sameriya kẹ kikima-a ḅara ḅụ sara sọma kpolima ḅa, sime kụrọ-aḍụọ ḍiḅi pịrị ọkụ. Ịn kẹ ama mẹ nama aḍụḅarị ma à nwẹn ḅaa sara ḅa, tẹ kẹ tụndụ ogboku mẹ ḅụ sara kuroma ḅa, tẹ anịḅẹ sukutarị-aḍụḅarị ma paụma ḅa.

Mayịka 3:12

Anịẹrẹsị ó gotẹ, ịn ḍụọ ḍiḅi ḅẹ kiri soku ḅara kẹ Zayọnị soku ḅa, Jeruselemu si-aị nguma kpoli sara sọ ḅa, tẹ Tamụnọ warị mẹ nama tụndụ mẹ ḅo opu piri sọ ḅa.

Mayịka 6:16

Miemẹ mịẹ ḅa, kẹ gotẹ ọkọ ḅẹẹarị, Ama-da Omuri kan wararị oloko ma na, ori owiḅọtụḅọ Ama-da Ehabụ warị mẹ ḅẹ si amịẹaị mie ó koko tẹ mịẹarị, tẹ ịna atoluma-aị ma ḍiki-mẹnjị tẹ; ọkọẹrẹsị arị ọ́ kẹ fatẹ yọ sọma ḅa, tẹ ḅẹḅọ-ḅẹḅọ ó ḍiki-sima ḅa. Ḅẹẹ-anga ḅẹẹ-anga ḅụ tomi-kụlọkụlọ ma ḅarị ọ́ kẹ ye sịn ḅịa.

Ditẹrọnọmị 29:23

Bebe ama mẹmgba sọlụfọ nwẹn sịn ye-dọkịmaye na fụn na anị gbaịn ḅa; anị ḅụ ḍiḅi gberie sọ so-paka ḅịa, osuka sọ inetẹ so-paka ḅịa anga. Bebe ama mẹ Sọdọmụ na Gomora na Adima na Zeboyimu na, tẹ KỊNỊNYANAḄỌ ḅe ò ye ḅụụ-ḅẹsọ na, ịganị ḅụ na fama opu ama ma fa tẹ sime-ḅara sime ḅa.

Mịẹfinji 18:2

Ọ̀ nwẹnị kụrọma gele pọkọ kẹ oloku pakama: “Á ḅịkị tẹ! Opu Babịlọnị ma ḅịkị tẹ! Mịọkụ oru na si-atẹmẹ na mie á ḅio anga tẹ ẹkpẹarị ye, sịḅị-ngụngụnmarị tẹ ḅụụ ḅẹlẹma-a afeni mamgba á ḅio angarị.