Jerimaya 9:10 - FỊAFỊA BAỊBỤLỤ

¹⁰ À ḅẹẹm, “À tụndụ ma gotẹ kururu ḅa tẹ owu iḅi-osuka-akiri ma pịrị ḅa, arị samụnọ-kpakịkịtẹ ẹrẹsị, tẹ gbọrụḅọ-sọ ye-muarị tẹ arị ḅụ mẹnjị tolu ḅọrọ-a. Kịnị ḅarị jen kẹ opu anama olokuarị ye naa-a; feni amẹẹ na piri-ḅio-ḅẹ anama na sọ mangị-so fama tẹẹ.”

Jerimaya 9:10 Iomraidhean Croise

Ayịzaya 41:15

Àrị ị́ mịẹ tẹ ị́ mbịaka fomu saratẹ fun siin arị ḍụḅọ sọ ḅa, ịwọ tẹ pịọ-pịọtẹ anangị simearị ḍụḅọ mie à kẹ ye ḅarịye. Í tụndụ ma fomu sara tẹ arị guluguluma ḅa; tụndụ ma kọsị ḅo fọọn sọ ḅa.

Ayịzaya 49:19

Ị́ ama ma gulugulu-faa tẹ kiri mẹ papaa gbiin-koro sime wararị kụma mịọkụ anị kpakụrụ ḅaka ḅa pịkịma-ḅo tẹ anị ḅio anga ḅarị apụ ḅụụ. Gulugulu-faa ḅụ ị́ koroma-so apụ ma kpọma ị́ ḅụụ ḅele faa ḅa.

Jerimaya 12:10

Tọnwa jen asịẹ ḅẹ ḅẹrẹtọn apụ ị̀ kụrọ-aḍụọ ma guluguluma tẹ; ini à ḍiḅi aị ma nanga ḅọrọtẹ; ì iḅi amakiri mẹ kẹ ḅo ịkpa mịẹ tẹ.

Jerimaya 12:11

Ini anị kẹ kịnị anga-anga-a yọ sọma tẹ, anị papaa kan-sara tẹ koro-simearị ị̀ tọrọkọ. Bebe amakiri mẹ ḅo ịkpa sọ tẹ, gbọrụḅọ-sọ kẹ ye-sịn-a.

Jerimaya 12:4

Wamịna amakiri mẹ samụnọ mu tọ sakị la ḅẹ, tẹ ḍụọ ma ḅio mamgba nama fị ḅẹ osuka mamgba kpatụ fama ḅẹ? Nama ma na feni ma na fịịarị wamịna ama ḅẹ apụ ma si-sịḅịḅio ẹrẹsị, anie ḅarị apụ ma, “Wa mịẹarị aị ma Tamụnọ ẹrị-a.”

Jerimaya 14:6

Piri asụ ma tụndụ ma ọgọnọ-jụ ḅio sịẹsime tẹ piri-obiri kịka tẹ ọgọnọ-ọgọnọ ịnyọsararị ịna atọrụngbọ ḅarị iḅiọkụ ye ẹrị-a ịn fịye ẹrị fị-a ẹrẹsị.

Jerimaya 2:15

Ini oloku ọ̀ pịrịarị ḅara ọkụkụ ekirearị ye ọkụ; ịn mịẹ tẹ ori amakiri mẹ ịkpa sọ tẹ; tẹ ori ama ma kan-sara tẹ ayọ sọ tẹ ini arị kẹ gbin koroma mangị-so fama tẹẹ.

Jerimaya 2:6

Ini ì gbolomaye kẹ ye-sịn-a, karakaraye yẹrị Ijiputi ḅara-ḅio ịn pụkọ-pakamaḅom sọ tẹ tọrọkọ tarị tẹ si piri-ḅio na ịkpa aḅio na onwin ịgwa-ịgwa ḅara sime kiri na, samụnọ tẹ ḍumo fama ḅara sime amakiri na tẹ gbọrụḅọ-sọ anga-a, tẹ gbọrụḅọ-sọ jene-jene ḅọrọ ye mu-mu-a yọ na ḅụ ịn kẹ tolu-ḅọrọ ye.

Jerimaya 23:10

Amakiri mẹ ḅụ KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi-a atomi ḅin tẹẹ; si-sịḅịḅio-sụa ḍumo mie ịn kọn-arị tẹ ịn nyana kụrọ kẹ si-aị mịẹarị. KỊNỊNYANAḄỌ ḅe wori-nume ḅụ amakiri mẹ kururuarị tẹ nama osuka fịarị ayọ ma samụnọtẹ.

Jerimaya 50:3

“Ọgọnọ-jụ ḅụ gbọrụ sịẹ sime tẹ owu kẹ Babịlọnị paka ḅẹ ḅo tẹ, tẹ anị kẹ ịkpa sọma ḅa. Tomi na nama amẹẹ na mangị-so ḅa, tẹ gbọrụḅọ sọ anịanga anga ḅịa.”

Jerimaya 7:29

“Jeruselemu ḅẹ apụ, ó kururuu; ọmịnị ọmịna sịḅị-ḅẹ-inume kịrị-siin tẹ kẹ gbin ngumaa; Ó tụndụ ma ọgọnọ-jụ sime tẹ ḍụẹịn owu nume-suu, kẹ gotẹ ọkọ ḍukoarị, yẹrị KỊNỊNYANAḄỌ ḅe, ịganịarị, tẹ ị̀ atomi sịkị tẹ.

Jerimaya 8:18

Ì kururuu, inetẹ gwọ ḅịa; Ḅioḅẹngbọ ḅụ àrị obiarị.

Kururu Owu-apọkọ 1:16

“Mịna aị ma gotẹ à tẹmẹ-la ḅara kẹ owum; owu-minji pre-pre-prema ị̀ tọrụ saram; ì dedema ḅẹ ḅọ sọ ị̀ na kpeki-a, ì ḅiokpọ mẹ sịn-saakịma ḅarị gbọrụḅọ; ị̀ awọmẹ fị fama tẹẹ, gbala owu ọmụḅọ ḅe ḅara iḅi tẹ ẹrẹsị.”

Kururu Owu-apọkọ 2:11

Owu ḅụ ị̀ atọrụngbọ agụnkwọ ḅịya tẹ foin tẹẹ; ị̀ ḅala sịḅịḅio pikiri tẹ owuarị inweni-ogbo ḅio emi ḅioḅu ḅụ ì ḅioḅẹngbọ ḅịkị koro tẹ, ị̀ atomi ma ẹrẹḅọtụḅọ ma gulugulu mẹ ẹrẹsị, gbala ḍọkọḍọkọ-awọmẹ na, ndo-ndoarị awọmẹ na naịn-naịn-ḅọrarị opu ama mẹ ḅẹ etela-ogbo ḅụ.

Kururu Owu-apọkọ 5:18

Zayọnị tụndụ mẹ tẹ fa tẹ koro-simearị ye mẹ gotẹ, Jakalị nwẹn-sịn obiri pembe piri-ḅio-ḅẹ nama ḅe mie anị ọgọnọ ḍosi ma ḅọrọarị.

Izikẹlị 14:15

Anịanịa kẹ ọkị mịnẹ à piri-ḅio-ḅẹ si anama kẹ fịrịmam kẹ tomi ma ḅaa, mịẹ tẹ amakiri mẹ ḅalafama tẹ kịnị ḅarị inetẹ anị ḅio mẹnjị tolu-ḅọrọ ye mu-a,

Izikẹlị 27:2

Fịị-fịị tomḅọ, ḍụẹịn ḍiḅi nume-su Taya pịrị,

Izikẹlị 29:11

Gbọrụ tomḅọ sọ, anịanịa nama sọ mẹnjị tolu-ḅọrọ ḅịa. Kụra amesi kụra amesi na gbasị ye ḅụ gberie-sọ anị yọ anga ḅịa.

Izikẹlị 33:28

À bebe amakiri mẹ mịẹ tẹ anị fa tẹ koro-sime ḅa, tẹ ịn kẹ ḅụụ-bomarị kụrọ mẹ ḅo kuno ḅa. Izirẹlị ḅẹ tụndụ ma kịnị la-laa piri sọ ḅarị ḅara ḅụ gbọrụḅọ-sọ inetẹ ye-muarị tẹ arị ḅụ mẹnjị-toluḅọrọ ḅịa.

Izikẹlị 6:6

Izirẹlị ḅẹ opu ama mamgba in guluguluma ḅa, mịẹ tẹ ịna agbamịẹ-anga mamgba na ịna oru-afụḅara ma na kọsị-sara ḅarị ḅara, ini ịna kụnụaị-dọkịma-ayọ à sima fama ḅa, tẹ mịẹ ye goyegoye kịnị ḅarị ẹrị ḅịa.

Hosiya 4:3

Tẹ mie ḅụ amakiri mẹ samụnọ-kpakịkị ḅa, tẹ anị ḅụ angarị ye goyegoye fịị ḅa. Nama mamgba na feni ma na pịkị inji sọ fịị ḅa.”

Jowẹlị 1:13

Ọmịnị agbamịẹapụ, ọmịnị ọmịna akapa ḅiri tẹ owuu, ọmịnị agbamịẹ-anga mẹ ḅụ fịrịmẹnjịarị apụ, ọmịnị owuu! Ó mu Tamụnọ-warị mẹ ḅio bebe ḍin kẹ kururuu! Mgbọlụ-fịye ḅẹ agba na iru agba na daasịẹ tẹẹ, Tamụnọ warị mẹ ḅio.

Jowẹlị 1:19

KỊNỊNYANAḄỌ, àrị owu pakama ị́ pịrịarị, osuka ma na sịn ma na samụnọ-kpakịkị tẹ ẹrẹsị, gbala fịnị arị dọkịma ye ọkụ.

Emọsị 5:1

Izirẹlịapụ, ọmịnị arị ó gotẹ suuarị ḍụẹịn owu nume mẹ pokii:

Emọsị 5:16

“Opu ama mẹ ḅẹ etela ma ḅio ḅụ kịnị kururu ḅụ sule-sule owu ḅa. Ḍụọ-kọrịapụ sọ ini ịn sịn ḅo tẹẹ ini owu ḅẹ ọkọ ḅo apụ ma na sọ tẹ owu ḅa.

Mayịka 2:4

Anị ene mẹ ḅụ, tomi ọmịna fị-na-fa-na elekima mẹ kẹ ịlụkụ sọma gbaa ḅa, tẹ ọ́ la ye mẹ kẹ nwẹn sime ḅio-lọkọ nume-su ḅa; Wa la tẹ kọn ye ofori! KỊNỊNYANAḄỌ ḅe wamịna ama ọkị tẹ, tẹ anị kẹ inima tẹ wa kuun-ọkị apụ ma pịrị tẹ.”

Mayịka 3:12

Anịẹrẹsị ó gotẹ, ịn ḍụọ ḍiḅi ḅẹ kiri soku ḅara kẹ Zayọnị soku ḅa, Jeruselemu si-aị nguma kpoli sara sọ ḅa, tẹ Tamụnọ warị mẹ nama tụndụ mẹ ḅo opu piri sọ ḅa.